ព័ត៌មានជាតិ

អាជីវករតាមផ្សាររដ្ឋ ចូលលក់ដូរធម្មតា ខណៈអ្នកទិញក៏អ៊ូអរ ក្រោយចប់បុណ្យភ្ជុំបិណ្ឌ

បានផុស

៥ ខែ មុន

នៅ

ថ្ងៃអាទិត្យ ៦ តុលា ២០២៤

ដោយ

អ៊ិន ពិសី

ក្រោយចប់ភ្ជុំបិណ្ឌរួច ប្រជាអាជីវករតាមផ្សាររដ្ឋ បានចូលទៅប្រកបអាជីវកម្មលក់ដូរវិញជាធម្មតា ខណៈអ្នកទិញក៏អ៊ូអរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទិត្យ វុទ្ធី ប្រធានគណៈកម្មការគ្រប់គ្រងផ្សារដើមគ បានប្រាប់ឱ្យដឹងថា អាជីវករនៅទូទាំងផ្សាររបស់លោកបានចូលមកលក់ដូរ ១០០ ភាគរយ មានទាំងអ្នកលក់ម្ហូបអាហារ បន្លែត្រីសាច់ និងផ្លែឈើ សម្លៀកបំពាក់ ជាដើម។

លោកបន្ថែមថា អាជីវករ និងពលរដ្ឋដែលមកទិញអីវ៉ាន់នៅផ្សារ សុទ្ធតែរីករាយក្នុងការមកលក់ដូរ និងទិញទំនិញ ក្រោមដំបូលសុខសន្តិភាព ដឹកនាំដោយរាជរដ្ឋាភិបាល ដែល សម្តេច បានគិតគូរដល់ប្រជាជន និងសង្គមជាតិ។

អាជីវករអ្នកលក់ដូរនៅផ្សារដើមគ បានសម្ដែងក្ដីរីករាយ ដោយសារលក់ដូរដាច់គួរសម កាលពីព្រឹកថ្ងៃទី ០៥ ខែតុលា ឆ្នាំ ២០២៤ ព្រោះចប់ភ្ជុំរួច មានពលរដ្ឋអ៊ូអរបានមកជាវទំនិញម្ហូបអាហារជាធម្មតាដូចសព្វមួយដង។

សូមបញ្ជាក់ថា មិនមែនតែផ្សារដើមគ មួយនោះទេ នៅតាមបណ្តាផ្សាររដ្ឋ ២៤ ផ្សេងទៀត ក្នុងរាជធានីភ្នំពេញ ក៏មានការលក់ដូរអាជីវកម្មជាធម្មតាវិញហើយផងដែរ៕

អត្ថបទ ៖ សុភា