ព័ត៌មានជាតិ

ពលរដ្ឋវិលចូលភ្នំពេញវិញ ក្រោយសម្រាកពីបុណ្យភ្ជុំ

បានផុស

៣ ខែ មុន

នៅ

ថ្ងៃអាទិត្យ ៦ តុលា ២០២៤

ដោយ

អ៊ិន ពិសី

បន្ទាប់ពីពិធីបុណ្យភ្ជុំបិណ្ឌ បញ្ចប់ទៅដោយរលូន ប្រជាពលរដ្ឋដែលបានសម្រាកពីការងារ បានវិលត្រឡប់ចូលមកកាន់រាជធានីភ្នំពេញវិញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅវេលាម៉ោង ០៤ រសៀល ថ្ងៃទី ០៦ ខែតុលា ឆ្នាំ ២០២៤ នេះ ប្រជាពលរដ្ឋនាំគ្នាសម្រុកធ្វើដំណើរពីតាមបណ្ដាខេត្តផ្សេងៗ ចូលមកកាន់រាជធានីភ្នំពេញវិញ ដើម្បីត្រៀមចូលធ្វើការ ឬប្រកបអាជីវកម្មរបស់ពួកគាត់ ក្រោយពីឈប់សម្រាកក្នុងឱកាសបុណ្យភ្ជុំបិណ្ឌត្រូវបានបិទបញ្ចប់។

ក្នុងនោះប្រជាពលរដ្ឋបានវិលចូលរាជធានីភ្នំពេញគ្រប់ខេត្ត-ក្រុង ដើម្បីមកបំពេញការងារជាធម្មតាឡើងវិញ ដែលច្រកចូលរាជធានីភ្នំពេញសំខាន់ៗ អាចជួបនូវការកកស្ទះចរាចរណ៍នោះរួមមាន ៖ ផ្លូវជាតិលេខ ០១ , ផ្លូវជាតិលេខ ០២ , ផ្លូវជាតិលេខ ០៣ , ផ្លូវជាតិលេខ ០៤ , ផ្លូវជាតិលេខ ០៥ , ផ្លូវជាតិលេខ ០៦។

គួររំលឹកផងដែរថា ពិធីបុណ្យកាន់បិណ្ឌមានចំនួន ១៥ ថ្ងៃ គិតចាប់ពីថ្ងៃទី ១៨ ខែកញ្ញា រហូតដល់ថ្ងៃទី ០៣ ខែតុលា ដែលប្រជាពលរដ្ឋបានធ្វើតាមទំនៀមទម្លាប់ព្រះពុទ្ធសាសនា ដោយក្តីសប្បាយរីករាយជ្រះថ្លា ក្នុងពិធីបុណ្យកាន់បិណ្ឌជារៀងរាល់ឆ្នាំ ដែលកាន់ព្រះពុទ្ធសាសនា៕

អត្ថបទ ៖ រដ្ឋា