ព័ត៌មានជាតិ
បេក្ខជនពេញចិត្តការរឹតបន្តឹងនៅពេលប្រឡង ព្រោះបានបញ្ចេញសមត្ថភាពពិត
បេក្ខជនដែលត្រៀមប្រឡងសញ្ញាបត្រមធ្យមសិក្សាទុតិយភូមិ នៅថ្ងៃស្អែកនេះ បានសម្ដែងក្ដីរីរាយ និងពេញចិត្តក្នុងការ រឹតបន្តឹងនៅពេលប្រឡង ព្រោះពួកគេគិតថា គឺជាពេលដែលត្រូវបញ្ចេញសមត្ថភាពពិត និងសង្ឃឹមយកនិន្ទេសល្អ ដើម្បីបន្តអនាគត់របស់ខ្លួន។

សិស្សានុសិស្សជាបេក្ខជនត្រៀមប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣-២០២៤ បានលើកឡើងថា ពួកគេបានត្រៀមខ្លួនរួចរាល់មួយរយភាគរយ សម្រាប់ការប្រឡង ព្រោះពេលនេះ គឺជាពេលវេលាសំខាន់មួយផ្នែកឧត្តមសិក្សារបស់ពួកគេ និងជាថ្នាលដ៏សំខាន់សម្រាប់អនាគត់ភ្លឺស្វាងនៃជីវិតទៅមុខបន្តទៀត។
បេក្ខជនបន្តថា ទោះបីការប្រឡងមានការរឹតបន្តឹងក៏ដោយ ក៏ពួកគេម្នាក់ៗ នៅតែមានក្តីរំពឹងខ្ពស់ ព្រោះពួកគេគិតថា វិញ្ញាសារដែលចេញគឺក្នុងរង្វង់ដែលបានសិក្សាររួចរាល់ក្នុងការសិក្សារថ្នាក់ទី១២ នឹងប្រឡងជាប់ ដោយទទួលយកនិន្ទេសល្អសម្រាប់ខ្លួនឯង និងក្រុមគ្រួសារផងដែរ។

សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣-២០២៤ នឹងប្រព្រឹត្តិទៅរយៈពេល២ថ្ងៃ គិតចាប់ពីថ្ងៃទី០៨ ដល់ថ្ងៃទី០៩ ខែតុលា ឆ្នាំ២០២៤។ ក្នុងក្របខណ្ឌរាជធានីភ្នំពេញ មានមណ្ឌលប្រឡងសរុបចំនួន៣២មណ្ឌល ។

អ្នកនាំពាក្យក្រសួងអប់រំជនយុវជននិងកីឡា ឲ្យដឹងថា សម្រាប់ក្របខណ្ឌនៅទូទាំងប្រទេស ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ មានបេក្ខជនដាក់ពាក្យចូលរួមប្រឡងប្រមាណ១៣ម៉ឺន៧ពាន់៤០នាក់ ដោយបេក្ខជនថ្នាក់វិទ្យាសាស្ត្រ មានចំនួនជិត៤ម៉ឺននាក់ និងបេក្ខជនថ្នាក់វិទ្យាសាស្ត្រសង្គម មានចំនួនជាង ៩ម៉ឺននាក់ ។ ក្នុងនោះដែរ មានមណ្ឌលប្រឡងសរុបចំនួន ២៣០មណ្ឌល ដោយក្នុងមួយបន្ទប់ត្រៀមដាក់បេក្ខជនប្រឡងចំនួន ២៥នាក់៕
អត្ថបទ៖ សុភា





-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ