ព័ត៌មានជាតិ
ភូមិទាំង ៥ លើផ្ទៃទឹកដែនបឹងទន្លេសាបខេត្តបាត់ដំបង ភូមិព្រែកទាល់ទាក់ទាញទេសចរទៅកម្សាន្តច្រើនជាងគេ
លោក តន់ ណៃ អ្នកគ្រប់គ្រងសហគមន៍អេកូទេសចរណ៍នៅតំបន់ព្រែកទាល់បានឲ្យដឹងថា នៅក្នុងឃុំកោះជីវាំង មានភូមិចំនួន ៥ មានតែភូមិព្រែកទាល់ ប៉ុណ្ណោះ ដែលជាគោលដៅសហគមន៍អេកូទេសចរណ៍ សម្រាប់បម្រើដល់អ្នកទេសចរមកកម្សាន្ត មើលទេសភាព និងសត្វស្លាបចម្រុះទាំងទេសចរជាតិ និងអន្តរជាតិ។
លោក តន់ ណៃ បានលើកឡើងថា “ព្រែកទាល់” ជាឈ្មោះភូមិមួយក្នុងចំណោមភូមិទាំង ៥ ដែលជាភូមិនៅលើផ្ទៃទឹកដែនបឹងទន្លេសាប ស្ថិតក្នុងឃុំកោះជីវាំង ស្រុកឯកភ្នំ ខេត្តបាត់ដំបង ហើយភូមិមួយនេះត្រូវបានគេចាត់ទុកថាជាភូមិគោលដៅអេកូទេសចរណ៍ដ៏ធំមួយក្នុងចំណោម ភូមិដែលមានប្រជាពលរដ្ឋរស់នៅអចិន្ត្រៃយ៍ អាស្រ័យលើមុខរបរនេសាទត្រីជាលក្ខណៈគ្រួសារតាំងពីសម័យដើមរហូតមក។
នៅក្នុងឃុំកោះជីវាំង មានភូមិចំនួន ៥ ដែលភាគច្រើនប្រជាពលរដ្ឋពឹងផ្នែកលើមុខរបរនេសាទត្រីជាលក្ខណៈគ្រួសារ ក្នុងនោះមាន ភូមិព្រែកទាល់ ភូមិអន្លង់ត្អួរ ភូមិកំពង់ប្រហុក ភូមិថ្វាង និងភូមិក្បាលតោល ក្នុងស្រុកឯកភ្នំ នៃខេត្តបាត់ដំបង។ ក្នុងនោះភូមិព្រែកទាល់ បានក្លាយជាគោលដៅសហគមន៍អេកូទេសចរណ៍ ដ៏សំខាន់សម្រាប់បម្រើដល់អ្នកទេសចរមកកម្សាន្ត មើលទេសភាព និងសត្វស្លាបចម្រុះទាំងទេសចរជាតិ និងអន្តរជាតិ។
ជាក់ស្តែង នៅរដូវកាលនៃពិធីបុណ្យភ្ជុំបិណ្ឌឆ្នាំ២០២៤ នេះ នៅតំបន់ព្រែកទាល់ ទាំងអ្នកទេសចរក្នុង និងក្រៅស្រុក បានមកលេងកម្សាន្តដោយបានជួលទូក កាណូត ពីផែចុងភ្នាសនៃខេត្តសៀមរាប ដើម្បីមកប្រណាំងគ្នាលេងដោយសម្លេងសើចក្អាកក្អាយផងដែរ។ អ្នកខ្លះក៏ជិះកម្សាន្តមើលសត្វ ស្លាប អ្នកខ្លះកម្សាន្តផ្ទះបណ្តែតទឹក ដើម្បីស្វែងយល់ពីការរស់នៅប្រចាំថ្ងៃរបស់ប្រជាពលរដ្ឋនៅលើដែនទឹក និងអ្នកខ្លះទៀត ស្វែងយល់អំពីមុខរបរកែច្នៃ របស់របរអនុស្សាវរីយ៍ផ្សេងៗរបស់អ្នកភូមិ ចេញពីដើមកំប្លោកជាដើម។ ចំណែក អ្នកដែលនាំគ្នាលេងប្រណាំងទូកកាណូតវិញ មើលទៅហាក់សប្បាយណាស់ ដែលធ្វើឲ្យអ្នកក្នុងភូមិចូលរួមជាមួយយ៉ាងសប្បាយផងដែរ។
លោកបន្តថា «នៅរដូវកាលបុណ្យភ្នំបិណ្ឌឆ្នាំនេះ មានអ្នកទេសចរក្នុងស្រុកមកលេងកម្សានប្រមាណជា ៤០០ នាក់ មិនគិតពីចំនួនសាច់ញាតិមកលេងគ្រួសារនោះទេ ហើយចំពោះភ្ញៀវបរទេសមានចំនួន ១០០ នាក់ផងដែរ»។
លោកបន្តថា “ខ្ញុំមិនមានពេលសម្រាក និងបានបាយទៀតទាត់ទេ រយៈពេល ៣ ថ្ងៃ នៃបុណ្យភ្ជុំបិណ្ឌ តែសប្បាយចិត្តក្នុងការជូនដំណើរភ្ញៀវទៅរកគោលដៅដែលពួកគេចង់ទៅ ហើយក៏បានសម្រាកទទួលទានបាយខ្លះដែរ។ ខ្ញុំរំពឹងថា នាឱកាសចូលឆ្នាំនាពេលខាងមុខ នឹងមានអ្នកមកលេងច្រើន តាមរយៈការធ្វើដំណើរផ្លូវទឹកសម្រាប់ខេត្តបាត់ដំបង ក៏បានដំណើរការឡើងវិញផងស្របជាមួយនិងខាងសៀមរាបក៏មកស្របគ្នាផងដែរ អ៊ីចឹងអ្នកទេសចរនឹងមានការងាយស្រួលមកដល់តំបន់ព្រែកទល់នេះ ដើម្បីទស្សនាកម្សាន្ត ស្វែងយល់ពីការរស់នៅប្រចាំថ្ងៃរបស់អ្នកភូមិបណ្តែតទឹក នឹងបានទស្សនាកម្សាន្តជាមួយទេសភាពដែនទឹក និងហ្វូងសត្វស្លាប”។
លោក ហម អរុណ អនុប្រធានមន្ទីរទេសចរណ៍ខេត្ត បានឲ្យដឹងថា ក្នុងចំណោមតំបន់ទេសចរណ៍ទាំង ១១៥ ទីតាំង ក្នុងខេត្តបាត់ដំបង ក្នុងនោះក៏មានសហគមន៍អេកូទេសចរណ៍ ៣ ជាគោលដៅទាក់ទាញទេសចរទៅកម្សាន្តមានសហគមន៍អេកូទេសចរណ៍ព្រែកទាល់ សហគមន៍អេកូទេសចរណ៍អូរជាំ និងសហគមន៍អេកូទេសចរណ៍តាតោកអូរក្រូច៕
អត្ថបទ៖ សៅ សារិទ្ធ
ការដោះដូរទំនិញកម្ពុជា-អន្តរជាតិ សម្រេចបានជាង ៥ ពាន់លានដុល្លារ នៅក្នុងខែដំបូងឆ្នាំ ២០២៥
លេចឮថា Taylor និង Miley ឈ្លោះគ្នា ក្រោយធ្លាយវីដេអូមួយនៅកម្មវិធី Grammy
ភ្លៀងខ្លាំងបណ្តាលឱ្យបាក់ដីនិងបង្កឲ្យស្លាប់និងបាត់ខ្លួនជិត៣០នាក់នៅចិន
ទូតវៀតណាមថ្មីថាប្រទេសលោកផ្ដល់អាទិភាពខ្ពស់ក្នុងការពង្រឹងសាមគ្គីជាមួយកម្ពុជា
Metfone ឈរលើគេ Smart លេខពីរ Cellcard លេខ ៣ សាងសង់ដំណើរការបង្គោលអង់តែនទូរសព្ទច្រើនជាងគេទូទាំងប្រទេស
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
ប្រធានតុលាការកំពូលព្រមានមិនយោគយល់មន្ត្រីតុលាការដែលពុករលួយ
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៥ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
សន្តិសុខសង្គម៤ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
-
ចរាចរណ៍៣ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
សន្តិសុខសង្គម២ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់