ព័ត៌មានជាតិ
ស្តាប់អាជ្ញាធរខេត្តព្រះសីហនុ ពន្យល់ពីករណីស្ត្រីជនជាតិចិន និងតៃកុងឡានទាំងពីរនាក់
អ្នកនាំពាក្យរដ្ឋបាលខេត្តព្រះសីហនុ លោក ឃាង ភារម្យ កាលពីម្សិលមិញ បានពន្យល់ពីករណី ដែលអាជ្ញាធរសម្រេចចាត់វិធានការ ដោយបណ្តេញស្ត្រីជនជាតិចិនម្នាក់ និងពិន័យតៃកុងរថយន្ត២នាក់ ដែលបានឃុបឃិតគ្នាលាក់បំពួន ដឹកមនុស្សចេញពីតំបន់ ដែលមានការប្រឈម ទៅកាន់តំបន់មួយទៀត ហើយស្ត្រីជនជាតិចិននោះ នឹងត្រូវបណ្តេញចេញពីកម្ពុជាមិនឲ្យត្រឡប់វិញជារៀងរហូត ចំណែកតៃកុងរថយន្តទាំង២នាក់ នឹងទទួលរងការពិន័យពី១០លាន ទៅ៥០លានរៀល។
លោក ឃាង ភារម្យ បានថ្លែងប្រាប់កម្ពុជាថ្មីថា ស្ត្រីជនជាតិចិននោះ មិនជាប់នៅក្នុងការធ្វើចត្តាឡីស័កទេ ហើយបំណងរបស់គាត់ គឺឆ្លងពីខេត្តព្រះសីហនុ ទៅរាជធានីភ្នំពេញ ដោយប្រើមធ្យោបាយតាក់ស៊ី ហើយនៅពេលទៅដល់ពាក់កណ្ដាលផ្លូវ បានចុះពីតាក់ស៊ីឡើងជិះរថយន្តដឹកទំនិញ។ លោកបញ្ជាក់ថា ស្ត្រីជនជាតិចិននេះ មានឥរិយាបថមិនគោរពតាមការណែនាំរបស់រដ្ឋបាលខេត្ត ពីព្រោះរដ្ឋបាលខេត្តបានចេញសេចក្តីជូនដំណឹងជាផ្លូវការរួមទាំងបិទច្រកនៅក្នុងខេត្តព្រះសីហនុទៀតផង លើកលែងតែរថយន្តដឹកទំនិញប៉ុណ្ណោះ ហើយការធ្វើបែបនេះ ដើម្បីការពារការចម្លងជំងឺកូវីដ-១៩ ពីក្នុងចេញទៅខាងក្រៅ និងអ្នកពីខាងក្រៅមកទទួលយកនៅខាងក្នុង។ ដូច្នេះឥរិយាបថ នៃការមិនគោរពច្បាប់ទម្លាប់នៅក្នុងខេត្ត ជាពិសេសសេចក្តីជូនដំណឹងរបស់រដ្ឋបាលខេត្ត ក៏ដូចជាសេចក្តីណែនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានរិតត្បិតការចេញចូលក្នុងខេត្តព្រះសីហនុ ដែលជាតំបន់មានការផ្ទុះឡើងនូវជំងឺកូវីដ-១៩ ហើយការសម្រេចបណ្ដេញចេញនេះ គឺអនុវត្តចំពោះបុគ្គល ដែលមិនគោរពច្បាប់ មិនគោរពសេចក្តីជូនដំណឹង ឬការអំពាវនាវរបស់អាជ្ញាធរតែប៉ុណ្ណោះ។
ដោយឡែកចំពោះ តៃកុងតាក់ស៊ី និងតែកុងរថយន្តដឹកទំនិញ លោក ឃាង ភារម្យ បានបញ្ជាក់ថា គាត់បានល្មើសទៅនឹងមាត្រា១១ នៃអនុក្រឹត្យលេខ២៧ គឺគាត់ឃុបឃិត សមគំនិតនៅក្នុងការលាក់បំពួន ដឹកមនុស្សចេញពីតំបន់ ដែលមានការដែលមានការប្រឈម ទៅតំបន់មួយទៀត ដូច្នេះអ្នកដែលត្រូវរងការពិន័យនេះ គឺតៃកុងឡានទាំងពីរ ហើយសម្រាប់ស្ត្រីជនជាតិចិននោះ មិនទទួលរងការពិន័យទេ តែគាត់ត្រូវទទួលរងការបណ្ដេញចេញពីកម្ពុជា។
គួររំលឹកថា កាលពីវេលាម៉ោង១១ និង៥១ នាទីយប់ថ្ងៃទី០៨ ខែមីនា ឆ្នាំ២០២១ មានករណីស្ត្រីជនជាតិចិនម្នាក់ បានគេចចេញពីខេត្តព្រះសីហនុទៅកាន់រាជធានីភ្នំពេញ ដោយបានជិះរថយន្តតាក់ស៊ី និងបានសាងបន្តឱ្យជិះរថយន្តដឹកទំនិញម៉ាក Hyundai ពាក់ស្លាកលេខភ្នំពេញ 3C-3259 តែត្រូវបានសមត្ថកិច្ចប្រចាំការត្រួតពិនិត្យគោលដៅព្រំប្រទល់ស្រុកកំពង់សីលា និងស្រុកភ្នំសស្រួច ឃាត់បាន និងបានបញ្ជូនស្ត្រីជនជាតិត្រឡប់មកគោលដៅដើម ដើម្បីធ្វើចត្តាឡីស័ក។
រដ្ឋបាលខេត្តព្រះសីហនុបានបញ្ជាក់ថា ចំពោះវិធានការ គឺត្រូវអនុវត្តតាមអនុក្រឹត្យលេខ២៧ ចុះថ្ងៃទី១៨ ខែកុម្ភៈ ឆ្នាំ២០២១ របស់រាជរដ្ឋាភិបាលស្តីពីវិធានការចត្តាឡីស័ក ដើម្បីទប់ស្កាត់ ការឆ្លងរាលដាលនៃជំងឺកូវីដ-១៩។ ក្នុងនោះ ស្ត្រីជនជាតិចិន បន្ទាប់ពីបញ្ចប់ការធ្វើចត្តាឡីស័ករួចរាល់ អាជ្ញាធរមានសមត្ថកិច្ច នឹងរៀបចំនីតិវិធីបណ្តេញចេញពីប្រទេសកម្ពុជា លែងឱ្យត្រឡប់ មកវិញជារៀងរហូត។ ចំពោះអ្នកបើកបររថយន្តដឹកទំនិញ និងអ្នកបើកបររថយន្តតាក់ស៊ី ត្រូវពិន័យអន្តរការណ៍ជាប្រាក់ពី១០.០០០.០០០ (ដប់លាន) រៀលទៅ៥០.០០០.០០០ (ហាសិបលាន) រៀល ដែលការពិន័យនេះ ដោយយោងទៅតាមមាត្រា១១ នៃអនុក្រឹត្យខាងលើ (អ្នកផ្តើមគំនិត ដឹកនាំ ណែនាំ ញុះញង់ បញ្ចុះបញ្ចូល ឬជួយសម្រួលដោយចេតនា ដល់បុគ្គលដែលត្រូវធ្វើចត្តាឡីស័ក ឲ្យគេចចេញពីការត្រួតពិនិត្យរបស់មន្ត្រីចំត្តាឡីស័ក ឬគេចវេះពីការធ្វើចត្តាឡីស័ក ឬគេចចេញពីកន្លែងធ្វើចត្តាឡីស័ក)។
គិតត្រឹមថ្ងៃទី០៨ ខែមីនា ឆ្នាំ២០២១ នៅខេត្តព្រះសីហនុ មានអ្នកពាក់ព័ន្ធព្រឹត្តិការណ៍សហគមន៍ ២០ កុម្ភៈ សរុបចំនួន១០៧៨១នាក់ ត្រូវបានយកសំណាក ក្នុងនោះស្រីចំនួន៤៦១៣នាក់ ហើយក្នុងសំណោមអ្នកពាក់ព័ន្ធទាំងនោះ មានអ្នកវិជ្ជមានសរុបចំនួន១២៩នាក់ ស្ត្រី៥៣នាក់ ជាសះស្បើយ១១នាក់ កំពុងព្យាបាល១១៨នាក់៕
អត្ថបទ៖ កោះកែវ
សូមចុចអាន៖ ស្រ្តីចិនចំណាយប្រាក់ ៣០០ ដុល្លារ ជម្លៀសខ្លួនចេញពីខេត្តព្រះសីហនុ មកភ្នំពេញ
គយសហការជាមួយ DHL លើកកម្ពស់ឧត្តមភាពប្រកួតប្រជែងរបស់កម្ពុជាក្នុងវិស័យឡូជីស្ទិក
អឺរ៉ុប ប្តេជ្ញាបញ្ជូនទ័ពរក្សាសន្តិភាពទៅអ៊ុយក្រែន និងមិនដកទណ្ឌកម្មរុស្ស៊ី ដាច់ខាត
ពូទីន ព្រមានខ្លាំងៗទៅ ត្រាំ រឿងកោះ Greenland
អភិបាលខេត្តកំពត ជំរុញអាជ្ញាធរក្រុងស្រុកបង្កលក្ខណៈសប្បាយរីករាយជូនពលរដ្ឋក្នុងឱកាសបុណ្យចូលឆ្នាំថ្មី
មន្ត្រីជំនាញថា ឆ្នាំនេះការស្នាក់នៅរបស់សត្វក្រៀលក្នុងបឹងអន្លង់ព្រីង មានរយៈពេលយូរជាងឆ្នាំមុនៗ
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម២៣ ម៉ោង agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានជាតិ៣ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៧ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ