ព័ត៌មានជាតិ

មន្ត្រីជាន់ខ្ពស់ការងារ លើកទឹកចិត្តមន្ត្រី នៃក្រុមការងារឆ្លើយតបបម្រើសេវាជូនពលរដ្ឋឱ្យបានរហ័ស និងទាន់ពេលវេលា

បានផុស

៥ ខែ មុន

នៅ

ថ្ងៃពុធ ៩ តុលា ២០២៤

ដោយ

លោក កត្តា អ៊ន រដ្ឋលេខាធិការ នៃក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមការងារឆ្លើយតប និងផ្ដល់ព័ត៌មានពាក់ព័ន្ធនឹងសេវាសាធារណៈ របស់ក្រសួងការងារ និងបណ្ដុះបណ្ដាលវិជ្ជាជីវៈ បានលើកទឹកចិត្តដល់មន្ត្រី បុគ្គលិក នៃក្រុមការងារ បន្តអនុវត្តតួនាទីភារកិច្ចរបស់ខ្លួនធ្វើយ៉ាងណាបម្រើសេវាសាធារណៈជូនដល់ប្រជាពលរដ្ឋឱ្យបានរហ័ស ច្បាស់លាស់ និងក្រមសីលធម៌ប្រកបដោយភាពទន់ភ្លន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំបូកសរុបលទ្ធផលការងារសម្រេចបានប្រចាំខែកញ្ញា និងលើកទិសដៅការងារអនុវត្តបន្តសម្រាប់ខែតុលា កាលពីរសៀលថ្ងៃទី ៨ តុលា លោក កត្តា អ៊ន បានមានប្រសាសន៍ថា ប្រព័ន្ធ Call Center ១២៨៦ និង ១២៩៧ ក្រុមការងាររង់ចាំទទួលការហៅទូរស័ព្ទចូលរបស់សាធារណជន ២៤ ម៉ោង លើ ២៤ ម៉ោង និង ៧ ថ្ងៃ ក្នុងមួយសប្ដាហ៍ ដើម្បីឆ្លើយតបទៅនឹងសំណួរពាក់ព័ន្ធវិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ រួមទាំងសេវាផ្សេងៗ ទៀត របស់ក្រសួងការងារ និងបណ្ដុះបណ្ដាលវិជ្ជាជីវៈ។

លោក កត្តា អ៊ន បានបន្តទៀតថា ដូចនេះកិច្ចប្រជុំប្រចាំខែនេះ គឺជាការតាមដាន និងដោះស្រាយរាល់បញ្ហាប្រឈមក្នុងការឆ្លើយតបចម្ងល់របស់ប្រជាពលរដ្ឋ ជាពិសេសកម្មករ-និយោជិត ឱ្យបានទាន់ពេលវេលា និងមានប្រសិទ្ធភាពខ្ពស់ ទាក់ទងនឹងវិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ។

លើសពីនេះ លោក កត្តា អ៊ន ក៏លើកទឹកចិត្តដល់មន្ត្រី បុគ្គលិក នៃក្រុមការងារ បន្តអនុវត្តតួនាទីភារកិច្ចរបស់ខ្លួនធ្វើយ៉ាងណាបម្រើសេវាសាធារណៈជូនដល់ប្រជាពលរដ្ឋឱ្យបានរហ័ស ច្បាស់លាស់ និងក្រមសីលធម៌ប្រកបដោយភាពទន់ភ្លន់៕

អត្ថបទ ៖ សំអឿន

Related Topics:លោក កត្តា អ៊ន