ព័ត៌មានជាតិ

តំបន់មួយចំនួននៅខណ្ឌសែនសុខ និងខណ្ឌឫស្សីកែវ ដែលលិចលង់ដោយជំនន់ទឹកភ្លៀងបានស្រកអស់ស្ទើរគ្រប់ទីកន្លែងហើយ

បានផុស

៥ ខែ មុន

នៅ

ថ្ងៃពុធ ៩ តុលា ២០២៤

ដោយ

តំបន់មួយចំនួននៅភូមិសាស្ត្រខណ្ឌសែនសុខ និងខណ្ឌឫស្សីកែវ ដែលទទួលរងការលិចលង់ដោយជំនន់ទឹកភ្លៀងនា ០៥ ថ្ងៃ កន្លងមកនេះ បានស្រកចុះអស់ស្ទើរគ្រប់ទីកន្លែងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រី នៃមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី ០៩ តុលា នេះថា ដោយទឹកទន្លេឡើងនីវ៉ូខ្ពស់ និងមានករណីព្យុះភ្លៀង ៥ ថ្ងៃជាប់ៗ គ្នា មកនេះ បានបង្កឲ្យភ្លៀងធ្លាក់ខ្លាំង កម្ពស់រហូតដល់ ២៣៤ មិល្លីម៉ែត្រ បណ្តាលឲ្យទឹកជន់លិចនៅតំបន់មួយចំនួនក្នុងភូមិសាស្ត្រខណ្ឌសែនសុខ និងខណ្ឌឫស្សីកែវ តែមកដល់ពេលនេះ ស្ថានភាពទឹកបានស្រកអស់ស្ទើរគ្រប់ទីកន្លែងហើយ។

មន្ត្រីដដែលបញ្ជាក់ថា គិតត្រឹមថ្ងៃទី ០៩ ខែតុលា ឆ្នាំ ២០២៤ នេះ ការសាងសង់ស្ថានីយបូមទឹកថ្មីស្វាយប៉ាក សម្រេចបាន ៩៦% និងសាងសង់ស្ថានីយបូមទឹកបន្ថែម សម្រេចបាន ២៥% ដែលគម្រោងទាំង ០២ នេះ នឹងមានសមត្ថភាពបូមទឹកបន្ថែមសរុបនឹងកើនដល់ ៣៥ ម៉ែត្រគូប ក្នុង ០១ វិនាទី ដែលនឹងកាត់បន្ថយទឹកលិចនៅតំបន់ភូមិសាស្ត្រខាងជើងរាជធានីភ្នំពេញ ហើយចាប់ពីថ្ងៃស្អែកតទៅ ថ្ងៃទី ១០ ខែតុលា ឆ្នាំ ២០២៤ នេះទៅ ការដ្ឋាននឹងដាក់ឲ្យដំណើរការម៉ូទ័រខ្នាតធំថ្មីបន្ថែមចំនួន ០២ គ្រឿង អង្កត់ផ្ចិតទំហំ ០១ ម៉ែត្រ នៅស្ថានីយបូមទឹកស្វាយប៉ាក ដែលសង្ឃឹមថា នឹងកាត់បន្ថយការលិចលង់នៅតំបន់ខាងជើងរាជធានីភ្នំពេញ៕

អត្ថបទ ៖ ស្រីរ័ត្ន