ព័ត៌មានជាតិ

សម្តេច ម៉ែន សំអន បួងសួងសុំឱ្យឯកឧត្តម អ៊ុយ ថន ឆ្លងផុតគ្រោះថ្នាក់

បានផុស

១ ម៉ោង មុន

នៅ

ថ្ងៃពុធ ៩ តុលា ២០២៤

ដោយ

ភ្នំពេញ ៖ សម្តេចកិត្តិសង្គហបណ្ឌិត ម៉ែន សំអន អ្នកតំណាងរាស្ត្រមណ្ឌលស្វាយរៀងបានបួងសួងសុំឱ្យឯកឧត្តម អ៊ុយ ថន ឆ្លងផុតគ្រោះថ្នាក់ ខណៈពេលដែលកំពុងសម្រាកព្យាបាលជំងឺ នៅមន្ទីរពេទ្យកាល់ម៉ែត នាព្រឹកថ្ងៃពុធ ៧កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី៩ ខែតុលា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសចុះសាកសួរសុខទុក្ខនោះ សម្តេចកិត្តិសង្គហបណ្ឌិត ក៏បានថ្លែងអំណរគុណដល់ក្រុមគ្រូពេទ្យ ឯកទេស ដែលបានយកចិត្តទុកដាក់ខ្ពស់ក្នុងការវះកាត់ដុំសាច់នៅក្នុងខួរឆ្អឹងខ្នងជូន ឯកឧត្តម អ៊ុយ ថន ដោយទទួលបានជោគជ័យ និងបានជូនពរឱ្យ ឯកឧត្តម បានឆាប់ជាសះស្បើយនិងវិលត្រលប់ចូលបម្រើការងារជាធម្មតាវិញ៕

ដោយ ៖ វិមាន