ព័ត៌មានជាតិ
នាយឧត្តមសេនីយ៍ នេត សាវឿន ឧបត្ថម្ភថវិកា៥០ម៉ឺនរៀល ដល់លោកស្រីប៉ូលិសចរាចរណ៏ ដែលបំបៅកូនក្នុងម៉ោងធ្វើការ
ដើម្បីជាការលើកទឹកចិតចំពោះការខិតខំបំពេញការងាររបស់លោកស្រីអនុសេនីយ៏ទោ ស៊ីថុង សុខា អធិការរងទទួលផែនសណ្តាប់ធ្នាប់ នៃអធិការដ្ឋាននគរបាលស្រុកសៀមប៉ាង ដែលបានយកកូនទៅបំបៅ នៅតុដែលកំពុងចុះអនុវត្តរឹតបន្តឹងច្បាប់ចរាចរណ៍ផ្លូវគោកនោះ នៅថ្ងៃពុធ ទី១០ ខែមីនា ឆ្នាំ២០២១នេះ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានឧបត្ថម្ភថវិកាចំនួន៥០០,០០០រៀល ផ្លែឈើ និងភេសជ្ជៈមួយចំនួនដល់លោកស្រី ដើម្បីជាការលើកទឹកចិត្ត។
សូមបញ្ជាក់ថា ថ្មីៗនេះ ស្ត្រីជាប៉ូលិសចរាចរណ៏ខាងលើបានបានបង្ហោះរូបដែលលោកស្រីកំពុងបំបៅកូន ពេលកំពុងបំពេញការងារ ហើយរូបនោះទទួលរងការគាំទ្រយ៉ាងច្រើនពីមហាជន ប៉ុន្តែរូបថតនោះបែរជាធ្វើឲ្យថ្នាក់លើរបស់ស្ត្រីជាប៉ូលិសចរាចរណ៏រូបនោះខឹងសម្បារទៅវិញ ដោយអះអាងថា បានធ្វើឲ្យប៉ះពាល់កិត្តិយសស្ថាប័នប៉ូលិស ហើយត្រូវបានស្នងការដ្ឋាននគរបាលខេត្តស្ទឹងត្រែងបានហៅទៅធ្វើកិច្ចសន្យាជាលាយល័ក្ខអក្សរចំនួន២ដង បើទោះបីស្ត្រីរូបនោះ បានសុំទោសរួចហើយក្តី។
ជុំវិញការកោះហៅស្ត្រីដែលជាមន្ត្រីនគរបាល ដែលបំបៅកូន កំពុងបំពេញភារកិច្ច ទៅណែនាំ អប់រំ និងឲ្យធ្វើកិច្ចសន្យានេះ មហាជនជាច្រើនបាននាំគ្នាបញ្ចេញមតិនៅលើបណ្ដាញសង្គមថា វាមិនមែនមានទោស ឬក៏ខុសច្បាប់ត្រង់ប្រការណាមួយទេ ចំពោះសកម្មភាពរបស់នាងឆ្លៀតបំបៅកូននៅក្នុងម៉ោងការងារនោះ បើគ្រាន់តែហៅមកណែនាំដោយផ្ទាល់មាត់វាបានហើយ ព្រោះថា គាត់មិនបានប្រព្រឹត្តិខុសច្បាប់ធ្ងន់ធ្ងរអីនោះទេ។ ជាមួយគ្នានោះ ក៏បានលើកឡើងពីស្ដ្រីនៅលើពិភពលោក ដែលមានតួនាទីជាសមាជិកសភា ជានាយករដ្ឋមន្ដ្រីជាដើម ក៏ធ្លាប់យកកូនមកតាម និងបំបៅដោះកូនពេលបំពេញការងារនោះដែរ។
មហាជនក៏បានលើកឡើងជាបន្ដបន្ទាប់ និងចោទជាសំនួរថា តើមាត្រាប៉ុន្មាន ច្បាប់ណា ? ដែលចែងថា មន្ត្រីរាជការជាស្ត្រីភេទ មិនអាចបំបៅដោះកូនបានពេលកំពុងបំពេញភារកិច្ចនោះ ?។ កំហុសតិចតួចបំផុតនេះ អាចត្រឹមហៅណែនាំផ្ទាល់មាត់សមរម្យហើយ។
ករណីនេះ សូម្បីតែលោកជំទាវ ហ៊ុន ស៊ីណាត ប្អូនស្រីបង្កើតរបស់សម្តេចតេជោ ក៏បានកោតសសើរពីទឹកចិត្តម្ដាយដូចនាងផងដែរ ដែលបានឆ្លៀតបំបៅកូនតូច នេះជាកាតព្វកិច្ចរបស់ម្ដាយគ្រប់រូបនៅលើពិភពលោក។
ជុំវិញបញ្ហារិះគន់នេះ នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិទទួលផែនចរាចរណ៍បានចេញមកពន្យល់ថា ករណីរបស់ស្ត្រីនគរបាលចរាចរណ៍បំបៅដោះកូននៅខេត្តស្ទឹងត្រែង ទោះប្រើប្រាស់ឯកសណ្ឋានកងកម្លាំងក្តី គឺមិនមានអ្វីខុសឆ្គងទេ ជាកាតព្វកិច្ចរបស់ស្ត្រីគ្រប់រូប ប៉ុន្តែរាល់ការផ្តល់ព័ត៌មាន ឬការបញ្ចេញរូបភាព នៅកន្លែងប្រតិបត្តិការ គឺត្រូវសុំការអនុញ្ញាតជាមុន ពីប្រធានអង្គភាពរបស់ខ្លួន៕
ដោយ ៖ កោះកែវ
សូមអានព័ត៌មានពាក់ព័ន្ធ៖
មកដឹងការពិត អនុសេនីយ៍ទោ ប្រាប់រឿងការបង្ហោះរូបបំបៅកូនរបស់ខ្លួន និងកិច្ចសន្យាបែកធ្លាយ
អធិការស្រុកសៀមប៉ាង បកស្រាយ រឿងឱ្យ លោកស្រី ស៊ីថុង សុខា ធ្វើកិច្ចសន្យា ក្រោយបង្ហោះរូបបំបៅកូន
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ