ព័ត៌មានជាតិ
មន្ត្រីជាន់ខ្ពស់សុខាភិបាល៖ ផឹកស្រាបណ្តាលឱ្យប៉ះពាល់ថ្លើម លំពែង រលាកក្រពះពោះវៀន និងកើតជំងឺមហារីក
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល បានបញ្ជាក់ថា ការពិសារស្រាធ្វើឱ្យប៉ះពាល់ថ្លើម ខូចលំពែង រលាកក្រពះពោះវៀន និងកើតជំងឺមហារីកផ្សេងៗ។ លោកស្រីបានបញ្ជាក់បែបនេះ ក្នុងកិច្ចពិភាក្សា ក្រោមប្រធានបទ «ការអនុវត្តច្បាប់ និងលិខិតបទដ្ឋានគតិយុទ្ធពាក់ព័ន្ធការផ្សព្វផ្សាយផលិតផលគ្រឿងស្រវឹង នៅព្រះរាជាណាចក្រកម្ពុជា» នាព្រឹកថ្ងៃទី១០ ខែតុលា ឆ្នាំ២០២៤។
លោកស្រីរដ្ឋលេខាធិការ បានឱ្យដឹងថា តាមការស្រាវជ្រាវ ដែលចេញផ្សាយដោយវិទ្យាស្ថានសុខភាពរបស់សហរដ្ឋអាមេរិក អ្នកដែលប្រើប្រាស់គ្រឿងស្រវឹងនឹងធ្វើឱ្យខូចខាតសិរីរាង្គថ្លើម ដែលមានមុខងារបន្សាបជាតិអេតាណុលមាននៅក្នុងស្រាបង្កទៅជាក្រិនថ្លើម ហើយវិវត្តទៅជាមហារីកថ្លើម។ លោកស្រីបន្តថា ក្នុងចំណោមនុស្សដែលពិសាគ្រឿងស្រវឹង១០០% មាន៤៨% ដែលកើតមានជំងឺថ្លើមទាំងនេះ ហើយក្នុងចំណោម៤៨% នេះនឹងវិវត្តទៅរកការស្លាប់៦៦.៥%។ ក្រៅពីប៉ះពាល់ថ្លើម ស្រាក៏បណ្តាលឱ្យខូចលំពែង២៦% រលាកក្រពះពោះវៀន ឬមហារីកក្រពះពោះវៀន១១% មហារីកមាត់ និងមហារីកបំពង់ក២៦% និងខូចបញ្ញាញាណដែលឈានទៅដល់កើតជំងឺឆ្កួតជ្រូក១៣% ព្រមទាំងជំងឺផ្សេងៗទៀត។
លើសពីនេះ ការផឹកស្រាបានបណ្តាលឱ្យកើតមានគ្រោះថ្នាក់ចរារចណ៍មានប្រមាណ២៧% បង្កឱ្យមានអំពើហិង្សា ៤៩.៥% និងធ្វើឱ្យមនុស្សញៀន។ ដូច្នេះការផឹកស្រា មិនមានផលចំណេញអ្វីនោះទេ មានតែបង្កផលប៉ះពាល់យ៉ាងធ្ងន់ធ្ងរទៅដល់សុខភាពមនុស្ស និងខាតបង់ទាំងថិវិកាថែមទៀត។ នេះបើតាម លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល។
ជាមួយគ្នានេះដែរ លោកស្រី ក៏បានអំពាវនាវឱ្យអ្នកចូលរួមសិក្ខាសាលាផ្សព្វផ្សាយស្តីពី «វិធានការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និងអនុវត្តគោលការណ៍ ឆន្ទៈល្អ» ចូលរួមធ្វើអន្តរាគន៍ ផ្សព្វផ្សាយតាមគ្រប់រូបភាព ដើម្បីកាត់បន្ថយនូវការប្រើប្រាស់គ្រឿងស្រវឹងនេះ៕
ដោយ៖ គេន ម៉ាលិះ
-
ព័ត៌មានអន្ដរជាតិ៥ ថ្ងៃ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ២ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ១ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ២ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៥ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម១ សប្តាហ៍ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានជាតិ១ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង