ព័ត៌មានជាតិ
ខេត្តក្រចេះមានតំបន់អេកូទេសចរណ៍ ៤ កន្លែង ទាក់ទាញទេសចរទៅកម្សាន្ត
ខេត្តក្រចេះមានតំបន់អេកូទេសចរណ៍ចំនួន ៤ កន្លែង ជាគោលដៅទាក់ទាញទេសចរទៅកម្សាន្ត។
ខេត្តជាប់ដងទន្លេមេគង្គនេះ មានសក្តានុពលលើធនធានធម្មជាតិដ៏សំបូរបែប។ កេរ្តិ៍ឈ្មោះដ៏ល្បីល្បាញនៃក្រឡានថ្មគ្រែ រួមទាំងត្រីផ្សោតទន្លេដែលជាប្រភេទត្រីកម្រជិតផុតពូជនៅលើពិភពលោក ធ្វើឲ្យទេសចរឆ្ងាយជិតចង់ស្វែងយល់និងទៅកម្សាន្តនៅខេត្តភាគឦសានមួយនេះ។
ទាក់ទងតំបន់អេកូទេសចរណ៍ក្នុងខេត្តវិញ ក៏មានទាក់ទាញទាំងទេសចរក្នុងស្រុកនិងក្រៅស្រុកជាពិសេសសហគមន៍ទេសចរណ៍កោះទ្រង់។
សហគមន៍ទេសចរណ៍កោះទ្រង់
សហគមន៍ទេសចរណ៍កោះទ្រង់ មានទីតាំងនៅសង្កាត់កោះទ្រង់ ក្រុងក្រចេះ ចម្ងាយជាង ១ គីឡូម៉ែត្រ ការធ្វើដំណើរត្រូវឆ្លងសាឡាងពីទីរួមខេត្ត។
មានភូមិសាស្រ្តនៅទល់មុខក្រុងក្រចេះ មានពលរដ្ឋរស់នៅចំនួន ២ ភូមិ សហគមន៍ទេសចរណ៍កោះទ្រង់ អំណោយផលដល់វិស័យទេសចរណ៍។ ពលរដ្ឋនៅក្នុងសហគមន៍បានដាំដុះដំណាំជាច្រើនប្រភេទ ហើយដំណាំឈើហូបផ្លែដ៏មានសក្តានុពលនោះគឺក្រូចថ្លុងដែលមានឱជារសផ្អែមឆ្ងាញ់ល្បីល្បាញទូទាំងប្រទេស។ សហគមន៍បានរៀបចំបង្កើតសួនដើមឈើអនុស្សាវរីយ៍សម្រាប់ភ្ញៀវដែលទៅកម្សាន្តផងដែរ។
នៅលើកោះ សហគមន៍មានផ្តល់សេវាកម្មផ្ទះស្នាក់ ម្ហូបអាហារ សួនដាំបន្លែ បោះតង់ ម៉ូតូឌុប រទេះសេះ រទេះគោ ជួលកង់មើលសត្វជ្រឹងជាដើម។
សហគមន៍ទេសចរណ៍កោះផ្តៅ
សហគមន៍ទេសចរណ៍កោះផ្តៅ មានទីតាំងនៅឃុំកំពង់ចាម ស្រុកសំបូរចម្ងាយ ៤៣ គីឡូម៉ែត្រពីទីរួមខេត្តក្រចេះ។
ជាកោះមួយនៅទល់មុខស្រុកសំបូរមានប្រវែង ៤៥គ.ម អំណោយផលដល់វិស័យទេសចរណ៍ មានសត្វស្លាបជាច្រើនប្រភេទទាក់ទាញទេសចរ មានកន្លែងទស្សនាថ្ងៃលិចដ៏ស្រស់ស្អាត។ សហគមន៍មានផ្ទះស្នាក់ ម្ហូបអាហារ ម៉ូតូឌុប សេវាជិះទូកមើលសត្វផ្សោត និងសត្វស្លាប មើលទេសភាពថ្ងៃលិចតាមមាត់ទន្លេ។
សហគមន៍ទេសចរណ៍កោះសាមសិប
សហគមន៍ទេសចរណ៍កោះសាមសិបដែលមានកោះរាប់រយ ក៏ជាគោលដៅអេកូទេសចរណ៍ដ៏ទាក់ទាញយ៉ាងពិសេសក្នុងខេត្តក្រចេះ ដែលមានទីតាំងនៅឃុំកោះខ្មែរ ស្រុកសំបូរ ចម្ងាយ ៩៥ គីឡូម៉ែត្រពីទីរួមខេត្តក្រចេះ។
សហគមន៍ទេសចរណ៍កោះសាមសិប ទាក់ទាញភ្ញៀវទេសចរទស្សនាសត្វស្លាបជាច្រើនប្រភេទ មានទេសភាពថ្ងៃលិចតាមមាត់ទន្លេ និងមានខ្យល់អាកាសល្អ។
សហគមន៍ក៏មានសេវាផ្ទះស្នាក់ ម្ហូបអាហារ ជិះទូកមើលសត្វស្លាប បោះតង់ មើលទេសភាពថ្ងៃលិចនៅតាមមាត់ទន្លេជាដើម។
សហគមន៍ទេសចរណ៍កោះតំបង
សហគមន៍ទេសចរណ៍កោះតំបង មានទីតាំងនៅឃុំបឹងចារ ស្រុកសំបូរចម្ងាយ ៩៨ គីឡូម៉ែត្រពីទីរួមខេត្តក្រចេះ អំណោយផលផ្នែកអេកូទេសចរណ៍ មានសត្វផ្សោត សត្វស្លាប ទេសភាពថ្ងៃលិចតាមមាត់ទន្លេ។
សហគមន៍មានផ្តល់ផ្ទះស្នាក់ ម្ហូបអាហារ ជិះទូកមើលសត្វផ្សោត មើលសត្វស្លាបច្រើនប្រភេទ បោះតង់ មើលទេសភាពថ្ងៃលិចតាមមាត់ទន្លេជាដើម៕
បន្តចុចអាន៖ ខេត្តក្រចេះជាប់ដងទន្លេ សំបូរធនធានធម្មជាតិ ទេសចរឆ្ងាយជិតចង់ស្គាល់
សភាបក្សប្រឆាំងកូរ៉េខាងត្បូងបោះឆ្នោតទម្លាក់ប្រធានាធិបតីស្តីទីដែលកាន់អំណាច១៣ថ្ងៃ
អ្នកឧកញ៉ា ឃុន សៀ គោរពជូនពរ សម្ដេចតេជោ ហ៊ុន សែន ក្នុងឱកាសទទួលអំណរឆ្នាំថ្មី ឆ្នាំសកល ២០២៤
អាជ្ញាធរខណ្ឌពោធិ៍សែនជ័យទុកពេល៧ថ្ងៃឲ្យអ្នកសង់សំណង់រំលោភចំណីផ្លូវរុះរើចេញ
មេសហជីព ជំរុញកម្មករខិតខំបំពេញការងារបន្ថែមទៀត ដើម្បីបង្កើនផលិតភាពការងារ កាន់តែប្រសើរ ឆ្លើយតបប្រាក់ឈ្នួលថ្មី
ព្រាប សុវត្ថិ នាំយកតួអង្គយក្ខឡើងឆាកតន្ត្រី បំផុសការគាំទ្រល្ខោនបាសាក់ខ្មែរ
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ