ព័ត៌មានជាតិ
រដ្ឋមន្ត្រីក្រសួងអប់រំ៖ ការប្រឡងបាក់ឌុបឆ្នាំនេះល្អប្រសើរជាងឆ្នាំមុនៗ ពុំមានឧបទ្ទវហេតុអ្វីកើតឡើងគួរឱ្យកត់សម្គាល់ឡើយ
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ការប្រឡងបាក់ឌុបឆ្នាំ២០២៤នេះ គឺមានភាពល្អប្រសើរជាងឆ្នាំកន្លងទៅ ហើយក៏មិនមានឧបទ្ទវហេតុអ្វីកើតឡើងគួរឱ្យកត់សម្គាល់ឡើយ។ នេះបើតាមការសរសេរលើហ្វេសប៊ុករបស់លោក នៅថ្ងៃទី១០ ខែតុលា ឆ្នាំ២០២៤។
នៅរសៀលថ្ងៃទី១០ ខែតុលា ឆ្នាំ២០២៤ បណ្ឌិតសភាចារ្យ ហង់ជួន ណារ៉ុន បានដឹកនាំកិច្ចប្រជុំ បូកសរុប និងវាយតម្លៃដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤ ដោយមានការចូលរួមពី ថ្នាក់ដឹកនាំ តំណាងអង្គភាពប្រឆាំងអំពើពុករលួយ ព្រមទាំងមន្ត្រីពាក់ព័ន្ធក្រោមឱវាទ គណៈមេប្រយោគ គណៈអប្បមាទទូទាំងប្រទេស សរុបប្រមាណ ៦៨៧នាក់។
ក្នុងឱកាសនេះ រដ្ឋមន្ត្រីក្រសួងអប់រំ បានលើកឡើងថា៖ “បន្ទាប់ពីការរាយការណ៍ និងចូលរួមយោបល់របស់ក្រុមការងារ ខ្ញុំសូមកោតសរសើរ និងវាយតម្លៃខ្ពស់លើដំណើរការសំណេរទាំងពីរថ្ងៃ ដែលមានភាពល្អប្រសើរជាងឆ្នាំកន្លងទៅ ពុំមានឧបទ្ទវហេតុអ្វីកើតឡើងគួរឱ្យកត់សម្គាល់ ដោយគណៈមេប្រយោគគ្រប់លំដាប់ថ្នាក់មានការទទួលខុសត្រូវខ្ពស់ក្នុងការបំពេញភារកិច្ចប្រកបដោយបទពិសោធន៍ និងភាពឆ្លាតវៃ ហើយចំពោះទិដ្ឋភាពរួម បេក្ខជនបានគោរពបទប្បញ្ញត្តិនៃការប្រឡងយ៉ាងល្អ ស្ទើរតែពុំមាននាំមកជាប់ខ្លួននូវសំណៅឯកសារ និងឧបករណ៍ហាមឃាត់”។
បន្ថែមពីនេះ លោក ហង់ជួន ណារ៉ុន ក៏បានថ្លែងអំណរគុណដល់ថ្នាក់ដឹកនាំតាមរាជធានី ខេត្ត និងភាគីពាក់ព័ន្ធទាំងអស់ ដែលបានសហការ និងចូលរួមយ៉ាងសកម្មនៅក្នុងការប្រឡងបាក់ឌុបឆ្នាំ២០២៤នេះ ដោយមានការយកចិត្តទុកដាក់ខ្ពស់ និងទំនួលខុសត្រូវខ្ពស់ក្នុងាករជំរុញឱ្យការប្រឡងបញ្ចប់ដោយរលូន និងជោគជ័យ កាន់តែល្អប្រសើរឡើងពីមួយឆ្នាំទៅមួយឆ្នាំ ស្របតាមគោលការណ៍ ច្បាប់ យុត្តិធម៌ តម្លាភាព និងលទ្ធផលទទួលយកបាន ពោលគឺ “អ្នកចេះគឺជាប់”។
យ៉ាងណាមិញ កិច្ចប្រជុំខាងលើ ធ្វើឡើងក្នុងគោលបំណងផ្តោតលើចំណុចសំខាន់ៗ ដូចជា៖ ១).ចំនួនមណ្ឌល ចំនួនបេក្ខជន និងចំនួនអវត្តមាន ២).ការបំពេញការងាររបស់គណៈមេប្រយោគ និងគណៈកម្មការនានា ៣).កិច្ចសហការរវាងគណៈមេប្រយោគ គណៈកម្មការនានា និងអ្នកពាក់ព័ន្ធ៕
-
ព័ត៌មានអន្ដរជាតិ៦ ថ្ងៃ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ៣ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ២ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ២ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
សេដ្ឋកិច្ច២០ ម៉ោង ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ជីវិតកម្សាន្ដ៣ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៦ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម១ សប្តាហ៍ ago
យុវជន ៣ នាក់ បាត់បង់ជីវិតដោយសារលង់ទឹក