ព័ត៌មានជាតិ
ប៉ុន្មានថ្ងៃទៀតនេះ ក្រសួងដែនដីប្រកាសនឹងចុះវាស់វែងផ្ទេរកម្មសិទ្ធិជូនអតិថិជន បុរី ម៉ន ដានី ខេត្តកំពង់ស្ពឺ
ក្រសួងរៀបចំដែនដី នគរូបនីយកម្ម និងសំណង់ (ដ. ន. ស.) បានជម្រាបជូនព័ត៌មានដល់ពលរដ្ឋនិងអតិថិជនរបស់ បុរី ម៉ន ដានី គម្រោងទី ២៩ ខេត្តកំពង់ស្ពឺ ពីដំណើកការចុះបញ្ជីបំបែកក្បាលដី និងផ្ទេរកម្មសិទ្ធិជូនអតិថិជនដែលបានបង់ប្រាក់គ្រប់ចំនួន ១០០%។
បន្ទាប់ពីមានកិច្ចប្រជុំដោះស្រាយ និងមានការសម្របសម្រួលជាបន្តបន្ទាប់របស់ក្រសួង ដ. ន. ស. និងនិយ័តករអាជីវកម្មអចលនវត្ថុនិងបញ្ចាំ ភាគីម្ចាស់ដីដើមបានប្រគល់ប័ណ្ណសម្គាល់សិទ្ធិកាន់កាប់អចលនវត្ថុលេខ ក.ស. ០១១២៣៩ ចុះថ្ងៃទី២៥ ខែតុលា ឆ្នាំ ២០២២ ទំហំ ៥០០ ០០១ ម៉ែត្រការ៉េ ជូនមកក្រសួងដើម្បីចុះបញ្ជីបំបែកក្បាលដី និងផ្ទេរកម្មសិទ្ធិជូនអតិថិជនដែលបានបង់ប្រាក់គ្រប់ចំនួន ១០០%។
ជំហានដំបូង មន្ទីររៀបចំដែនដី នគរូបនីយកម្ម សំណង់ និងសុរិយោដី ( ដ. ន. ស. ស.) ខេត្តកំពង់ស្ពឺ នឹងចុះវាស់វែងនិងផ្ទៀងផ្ទាត់ទីតាំងដីទំហំ ៥០០ ០០១ ម៉ែត្រការ៉េ នៅថ្ងៃទី១៤ និងថ្ងៃទី១៦ ខែតុលា ឆ្នាំ២០២៤ ដើម្បីបំបែកក្បាលដី និងផ្ទេរកម្មសិទ្ធិជូនអតិថិជនដែលបានបង់ប្រាក់គ្រប់ចំនួន ១០០%។ ទន្ទឹមនេះ ក្រសួងក៏កំពុងសម្របសម្រួលជាមួយភាគីពាក់ព័ន្ធ ដើម្បីចាប់ផ្តើមចូលសាងសង់ផ្ទះជូនអតិថិជន និងឈានទៅទទួលបានប័ណ្ណសម្គាល់សិទ្ធិកាន់កាប់អចលនវត្ថុពីម្ចាស់ដីដើមបន្តបន្ទាប់ទៀត រហូតគ្រប់ផែនការ ១០០ហិកតា។
ក្នុងសេចក្តីប្រកាសក្រសួង ក៏ក្រើនរំលឹកដល់ពលរដ្ឋនិងអតិថិជនរបស់ បុរី ម៉ន ដានី គម្រោងទី ២៩ ដែលនៅមិនទាន់ប្រគល់ឯកសាររណបពាក់ព័ន្ធនឹងការផ្ទេរកម្មសិទ្ធិជូនក្រុមការងារ ត្រូវយកឯកសារទៅប្រគល់ជូនមន្ទីរ ដ. ន. ស. ស. ខេត្តកំពង់ស្ពឺ ចាប់ពីថ្ងៃជូនដំណឹងនៅរៀងរាល់ម៉ោងធ្វើការ យ៉ាងយូរត្រឹមថ្ងៃទី៣១ ខែតុលា ឆ្នាំ២០២៤៕



-
ព័ត៌មានជាតិ១ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៥ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល