ព័ត៌មានជាតិ

ភ្លៀងមួយមេធំ ធ្វើឱ្យគល់ស្ពានអាកាសចោមចៅផ្លូវជាតិលេខ ៤ លិច និងស្ទះចរាចរណ៍យ៉ាងខ្លាំង

បានផុស

១ ខែ មុន

នៅ

ថ្ងៃសៅរ៍ ១២ តុលា ២០២៤

ដោយ

បន្ទាប់ពីភ្លៀងមួយមេយ៉ាងធំឃើញថា តំបន់មួយចំនួនមានការជន់លិចស្ទើរគ្រប់ទីកន្លែង បង្កផលប៉ះពាល់ដល់ប្រជាពលរដ្ឋ ជាពិសេសការធ្វើដំណើរតាមដងផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅគល់ស្ពានអាកាសចោមចៅ លើកំណាត់ផ្លូវជាតិលេខ ៤ ស្ថិតក្នុងមូលដ្ឋានសង្កាត់ចោមចៅទី ៣ ខណ្ឌពោធិ៍សែនជ័យ ក៏មានការជន់លិចលើដងផ្លូវ បង្កការកកស្ទះចរាចរណ៍យ៉ាងខ្លាំងផងដែរ ដោយសារតែការធ្វើដំណើរសម្រាប់យានយន្តបើកបរបានតែមួយគន្លងកណ្ដាល។

សង្កេតឃើញថា ទីតាំងខាងលើអាជ្ញាធរតែងតែចុះពិនិត្យ និងកាយយកកាកសំណល់សំរាមចេញពីប្រឡាយ ដើម្បីសម្រួលចរន្តទឹកឱ្យហូរបានលឿន ជៀសវាងការជន់លិច តែនៅថ្ងៃទី ១២ ខែតុលា ឆ្នាំ ២០២៤ នេះ ដោយសារតែភ្លៀងមួយមេយ៉ាងធំ ធ្វើឱ្យទឹកហូរមិនទាន់ បង្កការជន់លិចជំនន់ទឹកភ្លៀងតែម្ដង។

ជាមួយគ្នានេះ អាជ្ញាធរ សំណូមពរដល់ប្រជាពលរដ្ឋទាំងអស់ មេត្តាវេចខ្ចប់ទុកដាក់សំរាមឱ្យបាន ត្រឹមត្រូវ កុំបោះចោលផ្ដេសផ្ដាស ខ្លាចសំរាមទាំងនោះធ្លាក់ ឬ ហើរចូលប្រឡាយ និងមាត់លូ បង្កការស្ទះចរន្តទឹកហូរ៕

អត្ថបទ ៖ សុខា