Connect with us

ព័ត៌មានជាតិ

កម្ពុជា និងប្រទេស៣៩ទៀត រួមគ្នាថ្កោលទោសការវាយប្រហារលើកងទ័ពមួកខៀវអង្គការសហប្រជាជាតិនៅលីបង់

បានផុស

នៅ

កម្ពុជា និងប្រទេស៣៩ទៀត បានចេញសេចក្តីថ្លែងការណ៍ថ្កោលទោសការវាយប្រហារមកលើកងរក្សាសន្តិភាពរបស់អង្គការសហប្រជាជាតិដែលកំពុងបំពេញបេសសកម្មនៅក្នុងប្រទេសលីបង់។ នេះបើតាមសេចក្តីថ្លែងការណ៍ថ្កោលទោសរួមកាលពីថ្ងៃទី១២ ខែតុលា ឆ្នាំ២០២៤។ ការរួមគ្នាថ្កោលទោសនេះ ធ្វើឡើងបន្ទាប់ពីមានការបាញ់ប្រហារចំលើកងរក្សាសនិ្តភាពម្នាក់ឱ្យរងរបួសនៅភាគខាងត្បូងប្រទេសលីបង់។

រូបភាព៖ AFP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍រួមរបស់ប្រទេសទាំង៤០ បានសរសេរថា៖ «យើងថ្កោលទោសយ៉ាងដាច់អហង្ការទៅលើការវាយប្រហារថ្មីៗនេះមកលើកងរក្សាសន្តិភាពអង្គការសហប្រជាជាតិម្នាក់នៅក្នុងប្រទេសលីបង់។ សកម្មភាពវាយប្រហារបែបនេះ ត្រូវតែបញ្ឈប់ជាបន្ទាន់ ហើយគួរតែមានការបើកការស៉ើបអង្កេតឱ្យបានត្រឹមត្រូវ»។ ជាមួយនឹងការថ្កោលទោសយ៉ាងនេះ ក្រុមប្រទេសទាំង៤០ ក៏បានចាត់ទុកថា តួនាទីរបស់កងរក្សាសន្តិភាពអង្គការសហប្រជាជាតិនៅក្នុងប្រទេសលីបង់ គឺមានសារៈសំខាន់ពិសេសណាស់នៅក្នុងតំបន់ដែលកំពុងឡើងកម្តៅមួយនេះ។

ក្រុមប្រទេសទាំង៤០ បានអំពាវនាវដល់គ្រប់ភាគីជម្លោះទាំងអស់គោរពនូវវត្តមានរបស់កងរក្សាសន្តិភាពអង្គការប្រជាជាតិនៅក្នុងប្រទេសលីបង់ រួមទាំងកាតព្វកិច្ចរបស់គេក្នុងការធានានូវសុវត្ថិភាព និងសន្តិសុខរបស់កងទ័ពរបស់ខ្លួនគ្រប់ពេលទាំងអស់។ ដូច្នេះហើយ ពួកគេអាចអនុវត្តកាតព្វកិច្ចរបស់ខ្លួន និងបន្តការងាររបស់ពួកគេក្នុងការសម្របសម្រួល និងគាំទ្រដល់ការស្វែងរកសន្តិភាព និងស្ថិរភាពនៅក្នុងប្រទេសលីបង់ ក៏ដូចជាតំបន់ទាំងមូល។

រូបភាព៖ AFP

គួរសម្រាបជូនថា សេចក្តីថ្លែងការណ៍ថ្កោលទោសរបស់ប្រទេសទាំង៤០រួមទាំងកម្ពុជានេះ ធ្វើឡើងបន្ទាប់ពីកងរក្សាសន្តិភាពនៃអង្គការសហប្រជជាតិម្នាក់ប្រចាំនៅក្នុងប្រទេសលីបង់ បានរងរបួសដោយសារតែការបាញ់ប្រហារមួយដែលមិនដឹងចេញពីខាងណា ហើយក្រុមណាជាអ្នកធ្វើនោះឡើយ។ កងរក្សាសន្តិភាពដែលរងរបួសពេលនេះ គឺជាកងទ័ពទី៥ហើយ ដែលបានរងគ្រោះព្រោះការបាញ់ប្រហារនៅក្នុងប្រទេសលីបង់។ ត្បិតថា មិនដឹងខាងណាជាបាញ់ប្រហារ ប៉ុន្តែ សារព័ត៌មានបារាំង france24 បានកត់សម្គាល់ថា ការបាញ់ប្រហារនេះ កើតឡើងតែ២ថ្ងៃប៉ុណ្ណោះក្រោយមានការវាយប្រហាររបស់អ៉ីស្រាអែលទៅលើក្រុមសកម្មប្រយុទ្ធ Hezbollah នៅក្នុងប្រទេសលីបង់។

ក្រុមប្រទេសទាំង៤០ បានគូសបញ្ជាក់ជាថ្មីពីការប្តេជ្ញាចិត្តក្នុងការធ្វើកិច្ចសហប្រតិបត្តិការពហុភាគីជាមួយនឹងអង្គការសហប្រជាជាតិ។ ក្រុមប្រទេសទាំងនេះ ក៏បានអំពាវនាវឱ្យមានការគោរពច្បាប់អន្តរជាតិ ជាពិសេស ធម្មនុញ្ញអង្គការសហប្រជាជាតិ ក៏ដូចជាដំណោះស្រាយផ្សេងៗទៀតរបស់ក្រុមប្រឹក្សាសន្តិសុខនៃអង្គការសហប្រជាជាតិ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

លោក វ៉ី សំណាង
ព័ត៌មានជាតិ១២ ម៉ោង មុន

លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន

រដ្ឋមន្ត្រីធនធានទឹក
ព័ត៌មានជាតិ១២ ម៉ោង មុន

រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យ​ផលប៉ះពាល់សំណង់អាងទឹក ក្រោយមានគ្រោះ​រញ្ជួយដីនៅប្រទេសជិតខាង

ព័ត៌មានអន្ដរជាតិ១២ ម៉ោង មុន

ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី

ព័ត៌មានអន្ដរជាតិ១៣ ម៉ោង មុន

កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី

ព័ត៌មានជាតិ១៣ ម៉ោង មុន

ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ

Sokha Hotels

ព័ត៌មានពេញនិយម