ព័ត៌មានជាតិ

ចំណោមខេត្ត ៤ មានព្រៃកោងកាង ខេត្តកោះកុងឈរលើគេ ខណៈខេត្តកែបនៅលំដាប់ទី ៤

បានផុស

៣ ខែ មុន

នៅ

ថ្ងៃចន្ទ ១៤ តុលា ២០២៤

ដោយ

ក្នុងចំណោមខេត្តចំនួន ៤ ជាប់សមុទ្រដែលមានព្រៃកោងកាង ខេត្តកែប ឈរនៅលំដាប់លេខ ៤ មានព្រៃកោងកាងតិចជាងគេ ខណៈដែលខេត្តកោះកុងមានព្រៃកោងកាងច្រើនជាងគេស្មើ ៧៩% នៃផ្ទៃដីព្រៃកោងកាងទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាមានផ្ទៃដីព្រៃកោងកាងសរុបចំនួន ៥៨ ៨០០ហិតា នៅក្នុងខេត្តជាប់សមុទ្រចំនួន ៤ មាន ខេត្តកោះកុង ព្រះសីហនុ ខេត្តកំពត និងខេត្តកែប។

របាយការណ៍ពីក្រសួងបរិស្ថានបង្ហាញថា ខេត្តកោះកុង មានព្រៃកោងកាងទំហំ ៤៦ ៥២៩ ហិកតា ជាខេត្តដែលមានព្រៃកោងកាងច្រើនជាងគេ ក្នុងចំណោមខេត្តជាប់មាត់សមុទ្រស្មើជិត ៧៩% នៃផ្ទៃដីព្រៃកោងកាងសរុបនៅកម្ពុជា។ ខេត្តព្រះសីហនុ ស្ថិតនៅលំដាប់ទី២ ដែលមានព្រៃកោងកាងទំហំ ៩ ៣៥២ហិតា ខេត្តកំពតមានទំហំ ១ ៩៦៦ ហិតា ខណៈដែលខេត្តកែបមានព្រៃកោងកាងទំហំ ១ ០០៥ ហិតាឈរលំដាប់ទី ៤។

តាមរយៈយុទ្ធសាស្ត្រចក្រាវិស័យបរិស្ថាន ដែលដាក់ចេញដោយក្រសួងបរិស្ថានផ្តោតលើ «ភាពស្អាត» «ភាពបៃតង» និង«ចីរភាព» ក្រសួងបរិស្ថានបានធ្វើការចែកកូនឈើដោយឥតគិតថ្លៃដល់សាធារណជនដែលមានបំណងចូលរួមដាំស្តារនិងបង្កើនភាពបៃតងក្នុងសហគមន៍ ក្នុងនោះក៏មានការចែកកូនកោងកាងនៅតាមខេត្តតំបន់ឆ្នេរទាំង ៤ ផងដែរ៕