ប្រជាពលរដ្ឋជឿជាក់ទៅលើលោកអភិបាលខេត្តកណ្តាល នឹងអភិវឌ្ឍន៍ឱ្យខេត្តបានរីកចម្រើន

ភ្នំពេញ ៖ ចាប់តាំងពីលោក គួច ចំរើន មកទទួលតំណែងជាអភិបាលនៃគណអភិបាលខេត្តកណ្តាលមក គឺលោកអភិបាលខេត្តបានបើកការដ្ឋានស្ថាបនាផ្លូវក្នុងខេត្តនិងតាមបណ្តាស្រុកលែងឲ្យមានសំបុក​មាន់។

ប្រជាពលរដ្ឋរស់នៅក្រុងតាខ្មៅបានឲ្យដឹងថាកាលពីពេលថ្ងៃទី១៣ខែតុលានេះលោក គួច ចំរើន បានអញ្ជើញចុះទៅពិនិត្យមើលការដ្ឋានជួសជុលផ្លូវក្នុងមូលដ្ឋានក្រុងតាខ្មៅដែលពីមុនសម្បូរទៅដោយសំបុកមាន់។

មូលហេតុដែលលោកអភិបាលខេត្តចុះពិនិត្យមើលការជួសជុលផ្លូវនេះគឺលោកពិនិត្យដោយផ្ទាល់ពុំមែនជឿទៅលើរបាយការណ៍ពីថ្នាក់ក្រោមឡើយ។

ប្រជាពលរដ្ឋបានបន្តថា ពិសេសនៅរង្វង់មូលគល់ស្ពានព្រែកសំរោងក្រុងតាខ្មៅដែលពីដើមមកសម្បូទៅដោយដីខ្សាច់ជ្រុះពេញលើផ្លូវបង្កឲ្យហុយដីចាញ់ជនបទដាច់ ប៉ុន្តែបច្ចុប្បន្នមានការកែលម្អបានល្អស្អាតណាស់។

មិនខុសពីខេត្តព្រះសីហនុ ដែលពីដើមមកមិនសូវមានការអភិវឌ្ឍន៍ប៉ុន្តែចាប់តាំងពីលោក គួច ចំរើន ទៅកាន់ដំណែងជាអភិបាលខេត្តមក លោកអភិបាលខេត្តបានចុះរៀបចំផ្លូវថ្នល់ សួនច្បារពិសេសឆ្នេរសមុទ្រធ្វើឲ្យប្រែប្រួលទៅជាទីក្រុងទំនើបដែលពុំនិកស្មានដល់។ អញ្ចឹងទេខេត្តកណ្តាលនិងប្រែមុខមាត់ថ្មីមិនចាញ់ខេត្តព្រះសីហនុឡើយព្រោះលោកអភិបាលជាមនុស្សស្រឡាញ់ការងារនិងស្រស់ស្អាតផង៕

ដោយ ៖ នរា