ព័ត៌មានជាតិ
ខេត្តសៀមរាប នឹងរៀបចំពិធីបុណ្យអុំទូករយៈពេល ២ថ្ងៃ ចាប់ពីថ្ងៃទី១៤-១៥ ខែវិច្ឆិកា ខាងមុខ
ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក គឹជាបុណ្យប្រពៃណីជាតិខ្មែរ ដែលតែងប្រារព្ធធ្វើឡើង តាំងពីបរមបុរាណតរៀងមក។ ដើម្បីលើកស្ទួយវប្បធម៌ ទំនៀមទម្លាប់ និងប្រពៃណីជាតិ ក៏ដូចជាផ្តល់ឱកាសជូនប្រជាពលរដ្ឋ ទាក់ទាញភ្ញៀវទេសចរជាតិ និងអន្តរជាតិ បានចូលរួមទស្សនាកម្សាន្តសប្បាយ រដ្ឋបាលខេត្តសៀមរាប នឹងរៀបចំបុណ្យអុំទូករយៈពេល ២ថ្ងៃ ដែលប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៥ ខែវិច្ឆិកា ឆ្នាំ២០២៤ នៅតាមដងស្ទឹងប្រវត្តិសាស្ត្រសៀមរាប។
លោក ប្រាក់ សោភ័ណ អភិបាលខេត្តសៀមរាប បានឱ្យដឹងថា ក្នុងព្រឹត្តិការណ៍នៃព្រះពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនេះ រដ្ឋបាលខេត្តនឹងរៀបចំពិធីដង្ហែ និងបណ្តែតប្រទីប ពិធីសំពះព្រះខែ អកអំបុក រួមទាំង មានការរៀបចំការដាក់តាំង ពិព័រណ៍ម្ហូបអាហារ ពិព័រណ៍ផលិតផលក្នុងស្រុក ការប្រគុំតន្ត្រី សិល្បៈកំសាន្ត ការបាញ់កាំជ្រួចដើម្បីញ៉ាំងឱ្យព្រះរាជពិធីបុណ្យនេះកាន់តែមានភាពអធិកអធមថែមទៀត។
លោកសង្ឃឹមថា ព្រឹត្តិកាណ៍នេះ នឹងធ្វើការទាក់ទាញអារម្មណ៍មហាជន ភ្ញៀវទេសចរណ៍ជាតិ អន្តរជាតិឱ្យកាន់តែបានយល់ដឹងអំពីប្រវត្តិសាស្ត្រនៃខេត្តសៀមរាប។ ម៉្យាងវិញទៀត ព្រឹត្តិការណ៍ព្រះរាជពិធីបុណ្យអុំទូកនេះ ក្នុងគោលបំណងផ្តល់ឱកាស ឱ្យយុវជន សាធារណជនខ្មែរទូទៅបានចូលរួមអបអរសាទរ ព្រះរាជពិធីបុណ្យអុំទូក ប្រពៃណីជាតិនៅខេត្តសៀបរាប ក្នុងលក្ខណៈមហាគ្រួសារខ្មែរតែមួយ ជ្រកក្រោមដំបូលសន្តិភាពតែមួយ ក្រោមស្មារតីសុខដុម សប្បាយរីករាយ និងបានសិក្សាស្វែងយល់នូវភាពរុងរឿង នាសម័យមហានគរ និងការដឹកនាំដ៏ឈ្លាសវៃរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នីតិកាលទី៧ នៃរដ្ឋសភា ក្នុងការបំផុសឆន្ទៈបន្តថែរក្សាមរតកវប្បធម៌ជាតិខ្មែរឱ្យបានគង់វង្សតទៅអនាគត។
ជាមួយគ្នានោះ លោកអភិបាលខេត្ត ក៏បានអំពាវនាវឱ្យប្រជាពលរដ្ឋកម្ពុជា និងភ្ញៀវទេសចរបរទេស មកចូលរួមកម្សាន្តសប្បាយនៅ ក្នុងព្រឹត្តិការណ៍ព្រះរាជពិធីបុណ្យអុំទូក នៅដងស្ទឹងប្រវត្តិសាស្ត្រនេះ និងចូលរួមថែរក្សានូវអនាម័យ បរិស្ថាន ព្រមទាំងគោរពច្បាប់ចរាចរណ៍នៅពេលធ្វើដំណើរ ដើម្បីសុវត្ថិភាពទាំងអស់គ្នា នៅពេលបើកបរត្រូវពាក់មួកសុវត្ថិភាព និងដាក់ខ្សែក្រវ៉ាត់សុវត្ថិភាពជាប្រចាំ។
គួរជម្រាបថា ខេត្តសៀមរាប ជាក្រុងប្រវត្តិសាស្ត្រ នៃព្រះរាជាណាចក្រកម្ពុជា ស្ថិតនៅភូមិភាគពាយព្យប្រទេស ដែលបាននឹងកំពុងមានភាពល្បីល្បាញនៅក្នុងតំបន់អាស៊ី ក៏ដូចលើពិភពលោក ក្នុងការទាក់ទាញភ្ញៀវទេសចរចូលមកទស្សនាកម្សាន្ត ដែលសម្បូរទៅដោយសម្បត្តិវប្បធម៌ និងធម្មជាតិផងដែរ៕
ដោយ៖ គឿនវេត
-
ព័ត៌មានអន្ដរជាតិ៣ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៥ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៧ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ២ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
សន្តិសុខសង្គម១ សប្តាហ៍ ago
ផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៣ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៦ ថ្ងៃ ago
ហេតុអ្វីឆ្នាំនេះ ព្យុះសាហាវៗម្ល៉េះ?