ព័ត៌មានជាតិ
អង្គកឋិនទានដង្ហែទៅវត្តខ្មែរក្រោម ជាការបង្ហាញពីទឹកចិត្តស្រលាញ់ដ៏ធំធេងក្នុងនាមឈាមជ័រជាខ្មែរ
អាជ្ញាធរតាមមូលដ្ឋាន និងព្រះសង្ឃចូលគាំទ្រជាមួយរដ្ឋាភិបាល សម្តែងការពេញចិត្ត និងគាំទ្រយ៉ាងពេញទំហឹងចំពោះរាជរដ្ឋាភិបាល ដែលបានរៀបចំបង្កើតការដង្ហែអង្គកឋិនទានទៅវត្តខ្មែរក្រោម។
លោក ជា សារ៉េត ចៅសង្កាត់ស្ទឹងមានជ័យទី១ តំណាងឱ្យប្រជាពលរដ្ឋនៅទូទាំងសង្កាត់ បានត្រៀមជាស្រេចសម្រាប់ការចូលរួមជាមួយអង្គកឋិនទាន ទោះថ្ងៃនោះលោកមិនបានចូលរួម ក៏នឹងបរិច្ចាគចូលរួមជាមួយកម្មវិធីបុណ្យនេះ ព្រោះនេះជាកាលៈទេសៈ និងពេលវេលាមហាអស្ចារ្យដែលសម្តេចតេជោ និងសម្តេចកិត្តិព្រឹទ្ធបណ្ឌិត បានផ្តួចផ្តើមគំនិតបង្កើតកឋិនទានឆ្លងប្រទេសដែលមិនធ្លាប់មាន ក្នុងគោលដៅបង្កើតទំនាក់ទំនង និងក្តីស្រលាញ់កាន់តែស្និទ្ធិស្នាលរវាងខ្មែរលើខ្មែរក្រោម និងខ្មែរកណ្តាល ពោលគឺខ្មែរតែមួយ។
ព្រះបវរបញ្ញាញាណ ថៃ ប៊ុនធឿន ព្រះចៅអធិការវត្តចង្ក្រានតាព្រហ្ម ហៅវត្តស្ទឹងមានជ័យ មានសង្ឃដីការគាំទ្រយ៉ាងខ្លៀវខ្លា ចំពោះការបង្កើតអង្គកឋិនទាននេះឡើងមក ដោយព្រះអង្គក៏នឹងត្រៀមបច្ច័យ និងទេយ្យទានមួយចំនួនរួចរាល់ សម្រាប់ផ្តល់ជូនទៅកាន់ពិធីដង្ហែរកឋិននោះផងដែរ។
គួររំលឹកថា សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា កាលពីថ្ងៃទី៧ ខែតុលា ឆ្នាំ២០២៤ បានបញ្ជាក់ឱ្យដឹងអំពីដើមចម ដែលនាំឱ្យមានការរៀបចំដង្ហែអង្គកឋិនទានទៅវត្តខ្មែរក្រោម នៅថ្ងៃទី៤ ខែវិច្ឆិកា ឆ្នាំ២០២៤ខាងមុខ ដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេច ម៉ែន សំអន រួមទាំងថ្នាក់ដឹកនាំជាន់ខ្ពស់ផ្សេងទៀត ដង្ហែទៅដោយផ្ទាល់។
សម្តេចតេជោបញ្ជាក់ថា ការដង្ហែអង្គកឋិនទានទៅវត្តខ្មែរក្រោមនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានគិតគូរជាច្រើនឆ្នាំមកហើយ តាំងពីឆ្នាំ២០១២មកម្ល៉េះ តែដោយសារគ្រួសារសម្តេចមានទុក្ខដោយសារឪពុករបស់សម្តេចបានទទួលមរណភាព ក្នុងឆ្នាំ២០១៣ និងម្តាយក្មេករបស់សម្តេចទទួលមរណភាពក្នុងឆ្នាំ២០២០ ទើបបណ្តាលឱ្យផ្អាកធ្វើកឋិនទាន។
សម្តេចបញ្ជាក់ថា អង្គកឋិនទានដង្ហែទៅវត្តខ្មែរក្រោមនេះ ធ្វើឡើងដោយគណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត ហើយអង្គកឋិនទាននេះ ត្រូវបានដាក់ឈ្មោះថា «អង្គកឋិនទាន មហាសាមគ្គីគ្រួសារខ្មែរ» ដែលបងប្អូនខ្មែរនៅគ្រប់ទីកន្លែង ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយ គ្រប់គណបក្សនយោបាយ គ្រប់និន្នាការនយោបាយ អាចចូលរួមបានទាំងអស់គ្នា៕
អត្ថបទ៖ សុភា
-
ព័ត៌មានអន្ដរជាតិ១ សប្តាហ៍ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៧ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
សន្តិសុខសង្គម៩ ម៉ោង ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង