ព័ត៌មានជាតិ

គម្រោងដាក់ប្រព័ន្ធលូ និងប្រព័ន្ធរំដោះទឹក មហាវិថី ម៉ៅ សេទុង សម្រេចបានជាង ៦០%

បានផុស

៤ ខែ មុន

នៅ

ថ្ងៃពុធ ១៦ តុលា ២០២៤

ដោយ

មន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា គិតត្រឹមថ្ងៃទី១៦ ខែតុលា ឆ្នាំ ២០២៤ គម្រោងដាក់ប្រព័ន្ធលូ និងប្រព័ន្ធរំដោះទឹក នៅផ្លូវលេខ ២៣០ ចាប់ពីមហាវិថី ម៉ៅ សេទុង ដល់ប្រឡាយបឹងសាឡាង សម្រេចវឌ្ឍនភាពបានប្រមាណ ៦១%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរសាធារណការ និងដឹកជញ្ជូនរាជធានី ភ្នំពេញ បានលើកឡើងថា៖«សកម្មភាពដាក់លូប្រអប់ខ្នាតធំទំហំ ៤មx២ម នៅផ្លូវលេខ ២៣០ ចាប់ពីមហាវិធី ម៉ៅ សេទុង ដល់ប្រឡាយបឹងសាឡាង ខណ្ឌទួលគោក នៃគម្រោងផែនការវិនិយោគហេដ្ឋារចនាសម្ព័ន្ធ ប្រព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចក្នុងភូមិសាស្ត្ររាជធានីភ្នំពេញ គិតត្រឹមថ្ងៃទី១៦ តុលា នេះ ការដ្ឋានសម្រេចលទ្ឋផលបានប្រវែង ១០៩ម ត្រូវជា ៦១%នៃគម្រោង»។

ក្រោយពេលសម្រេចជាស្ថាពរ គម្រោងនេះ នឹងជួយកាត់បន្ថយបញ្ហាទឹកលិចដោយទឹកភ្លៀងនៅទីតាំងស្តុបម៉ុងឌីយ៉ាល់ មហាវិថីម៉ៅ សេទុង មហាវិថីកម្ពុជាក្រោម មហាវិថីនេរុហ៍ និងផ្លូវលេខ ២៣០ នៃភូមិសាស្ត្រខណ្ឌទួលគោក៕