ព័ត៌មានជាតិ
១១ ខែនេះ មានបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ជិត ៥០ ម៉ឺននាក់ បានស្នើសុំបណ្ណ ប.ស.ស
នៅក្នុងរយៈពេល ១១ ខែ នេះ មានបុគ្គលស្វ័យនិយោជន៍ និងអ្នកនៅក្នុងបន្ទុកសមាជិក ប.ស.ស ប្រមាណជិត ៥០ ម៉ឺននាក់ បានស្នើសុំបណ្ណ ប.ស.ស ដោយស្ម័គ្រចិត្ត ដើម្បីទទួលសេវាថែទាំសុខភាពដោយឥតគិតថ្លៃ។
![](https://www.kampucheathmey.com/wp-content/uploads/2024/10/599-1024x567.jpg)
លោក ហេង សុផាន់ណារិទ្ធ អគ្គនាយករង បេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ឱ្យដឹងថា គិតចាប់ពីការដាក់ឲ្យដំណើរការនៅថ្ងៃទី ១៤ ខែវិច្ឆិកា ឆ្នាំ ២០២៣ ហើយរហូតមកដល់ពេលនេះ (១១ ខែ) មានបុគ្គលស្វ័យនិយោជន៍ និងសមាជិក ប.ស.ស ដែលបានចុះក្នុងបញ្ជីឈ្មោះរបស់បេឡាជាតិសន្តិសុខសង្គម មានចំនួន ៤៩៨ ៨៦៦ នាក់ ក្នុងនោះ បុគ្គលស្វ័យនិយោជន៍មានចំនួន ៣៧៦ ៨១៨ នាក់។ រីឯអ្នកនៅក្នុងបន្ទុក ប.ស.ស មានចំនួន ១២២ ០៤៨ នាក់។
លោកបណ្ឌិត ហេង សុផាន់ណារិទ្ធ បានបន្តទៀតថា រហូតមកដល់ពេលនេះ បេឡាជាតិសន្តិសុខសង្គមបានពង្រីកសាខាតាមបណ្ដារាជធានីភ្នំពេញ ខេត្ត ក្រុង ស្រុក ចំនួន ៣៨។ បន្ថែមពីនេះ ក៏បានពង្រីកសាខានៅក្នុងផ្សារទំនើបអ៊ីអន ម៉ល ទាំង ៣ ទីតាំង ផងដែរ ដើម្បីបង្កភាពងាយស្រួល និងបង្ខិតសេវាសាធារណៈឱ្យកៀកប្រជាពលរដ្ឋដែលជាសមាជិក និងប្រជាពលរដ្ឋទូទៅ។
![](https://www.kampucheathmey.com/wp-content/uploads/2024/10/photo_2024-08-19_10-59-55-5-1024x682.jpg)
លោកបណ្ឌិត បានបន្ថែមទៀតថា ចាប់ពីដើមខែកញ្ញា រហូតដល់ខែធ្នូ ឆ្នាំ ២០២៤ បេឡាជាតិសន្តិសុខសង្គម ក៏បាននិងកំពុងរៀបចំផ្សព្វផ្សាយ និងចុះបញ្ជីចល័តតាមផ្សារ និងទីតាំងទីប្រជុំជនសរុបចំនួន ១៧ ទីតាំង បន្ថែមទៀត ក្នុងរាជធានីភ្នំពេញ ខេត្ត ចំនួន ៥ រួមមាន រាជធានីភ្នំពេញ ខេត្តសៀមរាប តាកែវ កំពង់ចាម និងខេត្តបាត់ដំបង។
លោកបណ្ឌិតបានបញ្ជាក់ទៀតថា ការផ្តល់នូវការគាំពារផ្នែកសង្គមតាមរយៈបេឡាជាតិសន្តិសុខសង្គមនេះពិតជាបានជួយសម្រាលបន្ទុកក្នុងការចំណាយបានយ៉ាងច្រើន នៅពេលមានបញ្ហាសុខភាព ត្រូវទៅពិនិត្យសុខភាព ឬព្យាបាលជំងឺផ្សេងនៅមន្ទីរពេទ្យដែលជាដៃគូរបស់ ប.ស.ស ខណៈគិតមកដល់ពេលនេះមានមូលដ្ឋានសុខាភិបាលដែលជាដៃគូសហការជាមួយបេឡាជាតិសន្តិសុខសង្គមមានចំនួន ១ ៥៧៩ កន្លែង នៅទូទាំងប្រទេស។
![](https://www.kampucheathmey.com/wp-content/uploads/2024/10/IMG_20240912_132851_702-2-1-1024x576.jpg)
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងដែរថា គិតត្រឹមដើមខែតុលា ឆ្នាំ ២០២៤ បេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ បានទទួលសមាជិករបស់ខ្លួនកើនឡើងដល់ចំនួន ២ ៥៤៣ ៨៧០ នាក់ ស្រី ១ ៤១៣ ០១១ នាក់។
ក្នុងនោះ បុគ្គលស្ថិតក្នុងវិស័យសាធារណៈ ចំនួន ៤៨២ ៥៧៧ នាក់ បុគ្គលក្រោមបទប្បញ្ញត្តិច្បាប់ស្ដីពីការងារ ចំនួន ១ ៥៨១ ៩៨៨ នាក់, បុគ្គលស្វ័យនិយោជន៍ ចំនួន ៣៦២ ៣៥៥ នាក់, និងអ្នកក្នុងបន្ទុកសមាជិក ប.ស.ស ចំនួន ១១៦ ៩៥០ នាក់ ដែលទាំងនេះបង្ហាញថា ប្រជាពលរដ្ឋកាន់តែជឿទុកចិត្ត និងយល់ដឹងច្បាស់ពីអត្ថប្រយោជន៍ នៃបេឡាជាតិសន្តិសុខសង្គម (ប.ស.ស)៕
អត្ថបទ ៖ សំអឿន
![](https://www.kampucheathmey.com/wp-content/uploads/2024/10/IMG_20240912_132851_283-2-1-1024x576.jpg)
![](https://www.kampucheathmey.com/wp-content/uploads/2024/10/IMG_20240905_152959_931-2-1.jpg)
![](https://www.kampucheathmey.com/wp-content/uploads/2024/10/IMG_20240904_192112_702-2-945x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត