ព័ត៌មានជាតិ
អ្នកជំនាញផ្នែកអប់រំ លើកទឹកចិត្តបេក្ខជនជាប់បាក់ឌុប រៀនមុខវិជ្ជាណាដែលខ្លួនចូលចិត្ត និងឆ្លើយតបទីផ្សារការងារ
ខណៈពេលដែលក្រសួងអប់រំ យុវជន និងកីឡា នឹងប្រកាសលទ្ធផលប្រឡងបាក់ឌុបនៅចុងខែតុលានេះ អ្នកជំនាញផ្នែកវិស័យអប់រំ បានលើកទឹកចិត្តដល់បេក្ខជនប្រឡងជាប់បាក់ឌុប គួរជ្រើសរើសរៀនមុខវិជ្ជាណាដែលខ្លួនចូលចិត្ត និងឆ្លើយតបនឹងទីផ្សារការងារ ដើម្បីងាយស្រួលស្វែងរកការងារធ្វើនៅពេលរៀនចប់។
លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា បានមានប្រសាសន៍នៅព្រឹកថ្ងៃទី ១៧ តុលា នេះថា បេក្ខជនប្រឡងជាប់បាក់ឌុប ត្រូវជ្រើសរើសមុខវិជ្ជាណាដែលស្របទៅនឹងឧបនិស្ស័យរបស់ខ្លួនមានពីកំណើត ត្រូវគិតថា ខ្លួនចូលចិត្ត និងមានចំណង់ចំណូលចិត្តរៀនជំនាញអ្វី ទើបអាចឈានទៅរកភាពជោគជ័យនាពេលអនាគត និងកុំរៀនតាមគេ។
ជាងនេះទៀត ត្រូវមើលទីផ្សារការងារ តើបច្ចុប្បន្ននេះជំនាញអ្វីដែលឆ្លើយតបទៅនឹងទីផ្សារបច្ចុប្បន្ន ហើយឆាប់បានការងារធ្វើពេលរៀនចប់ ដើម្បីទទួលបានប្រាក់ចំណូលចិញ្ចឹមខ្លួន ក៏ដូចជាលើកជីវភាពរស់នៅក្នុងគ្រួសារកាន់តែប្រសើរ។
លោកបណ្ឌិត ហេង វ៉ាន់ដា បានបន្តថា ប៉ុន្តែមុខវិជ្ជាដែលសិក្សាទាំងនោះ ក៏ត្រូវស្របទៅនឹងឧបនិស្ស័យ ឬចំណង់ចំណូលចិត្តរបស់ខ្លួនផងដែរ។
លោកបណ្ឌិត ហេង វ៉ាន់ដា បានបន្តទៀតថា ចំពោះបេក្ខជនប្រឡងធ្លាក់បាក់ឌុប សូមកុំអស់សង្ឃឹម គួររៀនបរិញ្ញាបត្ររងតែម្តង ដោយមិនចាំបាច់រៀនថ្នាក់ទី ១២ ឡើងវិញបន្តទៀតទេ នាំឱ្យខាតពេល តែបេក្ខជនអាចដាក់ស្វៃរិន ដើម្បីត្រៀមចូលប្រប្រឡងបន្តទៀតនៅឆ្នាំក្រោយបាន។
លោកបណ្ឌិត ហេង វ៉ាន់ដា បានបន្ថែមថា «វិទ្យាស្ថានវ៉ាន់ដា ត្រៀមខ្លួនទទួលយកបេក្ខជនប្រឡងជាប់ ឬធ្លាក់បាក់ឌុបឱ្យចូលរៀន ហើយមុខវិជ្ជាគណនី សវនកម្ម និងពន្ធដារសុទ្ធសឹងជាមុខវិជ្ជាកំពុងពេញនិយមនៅលើទីផ្សារការងារនាពេលបច្ចុប្បន្ន»។
គួរបញ្ជាក់ថា ប្រឡងបាក់ឌុបឆ្នាំនេះបានប្រព្រឹត្តិទៅនៅថ្ងៃទី ៨ និងទី ៩ តុលា មានបេក្ខជនចុះឈ្មោះប្រឡងសរុបចំនួន ១៣៧.០៤០ នាក់ (ស្រី ៧៤.៨៨២ នាក់) ក្នុងនោះ បេក្ខជនថ្នាក់វិទ្យាសាស្ត្រ មានចំនួន ៣៩ ៣៥៨ នាក់ (ស្រី ២៣.៧១៥ នាក់) បេក្ខជនថ្នាក់វិទ្យាសាស្ត្រសង្គមមានចំនួន ៩៧.៦៨២ នាក់ (ស្រី ៥១.១៦៧ នាក់) ចែកជា ២៣០ មណ្ឌល ត្រូវជា ៥.៥៣៣ បន្ទប់ ក្នុងនោះថ្នាក់វិទ្យាសាស្ត្រមានចំនួន ៧៣ មណ្ឌល ត្រូវជា ១.៦០២ បន្ទប់ និងថ្នាក់វិទ្យាសាស្ត្រសង្គម មានចំនួន ១៥៧ មណ្ឌល ត្រូវជា ៣.៩៣១ បន្ទប់។
ក្រសួងអប់រំ នឹងប្រកាសលទ្ធផលប្រឡងនៅរសៀលថ្ងៃទី ៣០ តុលា សម្រាប់មណ្ឌលរាជធានីភ្នំពេញ និងខេត្តកណ្តាល និងថ្ងៃទី ៣១ តុលា សម្រាប់មណ្ឌលប្រឡងតាមបណ្តាខេត្តផ្សេងៗ នៅទូទាំងប្រទេស៕
អត្ថបទ ៖ សំអឿន
តុលាការកូរ៉េខាងត្បូង លុបចោលដីកាចាប់ខ្លួនលោកប្រធានាធិបតី Yoon Suk Yeol
ត្រៀមអ៊ុតកៅស៊ូផ្លូវដីនៅសល់ជិត ២០ គីឡូម៉ែត្រ បញ្ចប់ការដ្ឋានផ្លូវជាតិលេខ ៤៨ ទៅកោះកុង
Cristian ប្តេជ្ញាប្រឹងប្រែង ដើម្បីនាំព្រះខ័នរាជស្វាយរៀងឡើងដល់វគ្គផ្តាច់ព្រ័ត្រ
ខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
មិនថាថ្ងៃសីល ឬថ្ងៃធម្មតា ពលរដ្ឋមកបន់ស្រន់លោកតាដំបងក្រញូង ជឿមានបារមីពូកែស័ក្តិសិទ្ធិ
-
សន្តិសុខសង្គម៤ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៤ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ៣ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៧ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ២ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៧ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ១ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ