ព័ត៌មានជាតិ

ម្ដាយចង.ក សម្លាប់ខ្លួនឯង និងកូនអាយុ១ខួប

បានផុស

៤ years មុន

នៅ

ថ្ងៃព្រហស្បតិ៍ ៥ វិច្ឆិកា ២០២០

ដោយ

ស្ដ្រីម្នាក់បានសម្រេចចិត្ត ចង.ក សម្លាប់ខ្លួនឯងរួមជាមួយកូនប្រុសអាយុ១ខួប ដែលហេតុការណ៍នេះ បានកើតឡើងនៅព្រឹកថ្ងៃទី០៥ ខែវិច្ឆិកា ឆ្នាំ២០២០ នៅខេត្តស្វាយរៀង។

ស្ដ្រីជាម្ដាយម្នាក់ បានចង.ក សម្លាប់ខ្លួនឯងនឹងកូនប្រុសអាយុ១ខួប ដែលហេតុការណ៍នេះបានបង្កជាការភ្ញាក់ផ្អើលដល់ប្រជាពលរដ្ឋ នៅភូមិក្រសាំង ឃុំក្រសាំង ស្រុករមាសហែក ខេត្តស្វាយរៀង កាលពីវេលាម៉ោង ៨និង៤០នាទីព្រឹក ថ្ងៃទី០៥ ខែវិច្ឆិកា ឆ្នាំ២០២០។ តាមរយៈសមត្ថកិច្ចបានឲ្យដឹងថា ស្ដ្រីរងគ្រោះមានឈ្មោះ លឹម មុំ ភេទស្រី អាយុ៣៨ឆ្នាំ និងកូនប្រុសឈ្មោះ យ៉េន តុលា អាយុ១ឆ្នាំ ដែលបានចងកសម្លាប់ខ្លួននឹងរបាដែកផ្ទះបាយរបស់ខ្លួន។ តាមការពិនិត្យនិងធ្វើកោសល្យវិច័យ បានបញ្ជាក់ថា ស្រ្ដីរងគ្រោះពិតជា បានចង.ក សម្លាប់ខ្លួនឯង នឹងកូនប្រុសអាយុមួយខួបនោះប្រាកដមែន ដោយម្ដាយយកក្រមាចង.ក សម្លាប់កូនជាមុន រួចចង.ក សម្លាប់ខ្លួនឯងនឹងខ្សែភ្លើងតាមក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីប្រជាពលរដ្ឋនៅភូមិឃុំកើតហេតុខាងលើ បានឲ្យដឹងថា ស្ដ្រីរងគ្រោះរូបនោះជាមនុស្សផឹកស្រាស្រវឹងខួប ដោយកាលពីថ្ងៃទី៣ ខែវិច្ឆិកា ឆ្នាំ២០២០កន្លះទៅនេះ នាងបានប៉ុនប៉ង ចង.ក សម្លាប់ខ្លួនម្ដងរួមមកហើយតែមិនបានសម្រេច។ ក្រោយការធ្វើកោសល្យវិច័យសមត្ថកិច្ច បានប្រគល់សាកសពឲ្យទៅក្រុមគ្រួសារ ដើម្បីធ្វើបុណ្យតាមប្រពៃណី៕

អត្ថបទ៖ ជលសាល

សូមចុចអាន៖ អគ្គិភ័យលេបត្របាក់ផ្សារកំពង់ពពិល ខូចខាតជាង១លាន៨ម៉ឺនដុល្លារ

Related Topics:សម្លាប់ខ្លួន