ព័ត៌មានជាតិ
រយៈពេលពីរថ្ងៃនៃពិធីបុណ្យអុំទូក ខេត្តបាត់ដំបងទទួលបានភ្ញៀវទេសចរជាង ១លាននាក់
ចំនួនភ្ញៀវទេសចរជាតិ និងអន្តរជាតិ ដែលចូលមកកម្សាន្តនៅក្នុងខេត្តបាត់ដំបង នាឱកាសពិធីបុណ្យអុំទូក ដែលបានប្រព្រឹត្តឡើងអស់រយៈពេល ២ថ្ងៃ គិតចាប់ពីថ្ងៃទី១៦ និង១៧ ខែតុលា ឆ្នាំ២០២៤ ភ្ញៀវទេសចរដែលបានមកកម្សាន្តមានចំនួនជាងមួយលាននាក់ ដែលស្ថិតិនេះជាការនឹកស្មានមិនដល់។
យោងតាមរបាយការណ៍របស់មន្ទីរទេសចរណ៍ ដែលបញ្ជាក់ដោយលោកប្រធានមន្ទីរ អ៊ុច អ៊ុភីនីហ្សារ៉ា បានឱ្យដឹងថា នៅថ្ងៃទី១៦ ខែតុលា ឆ្នាំ២០២៤ (ថ្ងៃទី១)ភ្ញៀវជាតិ មានចំនួន ៤៦១,៥៦៨ នាក់ មានការកើនឡើង ៩.៥១% បើធៀបឆ្នាំ២០២៣ មានចំនួន ៤២១,៥០០ នាក់ ។ ភ្ញៀវអន្តរជាតិ មានចំនួន ២២៣ នាក់ មានការកើនឡើង ៨.៧៨ % បើធៀបឆ្នាំ២០២៣ មានចំនួន ២០៥ នាក់។ ភ្ញៀវទេសចរសរុប មានចំនួន ៤៦១,៧៩១ នាក់ មានការកើនឡើង ៩.៥១% បើធៀបឆ្នាំ២០២៣ មានចំនួន ៤២១,៧០៥ នាក់ ។
នៅថ្ងៃទី១៧ ខែតុលា ឆ្នាំ២០២៤ (ថ្ងៃទី២) គឺភ្ញៀវទេសចរជាតិ មានចំនួន ៧១១,៣២៨ នាក់ មានការកើនឡើង ៥.៦២% បើធៀបឆ្នាំ២០២៣ មានចំនួន ៦៧៣,៥០០នាក់ ។ ភ្ញៀវទេសចរអន្តរជាតិ មានចំនួន ២៦៧នាក់ មានការកើនឡើង ៣.៨៩ % បើធៀបឆ្នាំ២០២៣ មានចំនួន ២៥៧នាក់។ ភ្ញៀវទេសចរសរុប មានចំនួន ៧១១,៥៩៥ នាក់ មានការកើនឡើង ៥.៦២ % បើធៀបឆ្នាំ២០២៣ មានចំនួន ៦៧៣,៧៥៧ នាក់ ។
ក្នុងនោះសរុបរួម ២ថ្ងៃ ភ្ញៀវទេសចរជាតិ មានចំនួន ១,១៧២,៨៩៦ នាក់ មានការកើនឡើងចំនួន ៧.១១ % ធៀបឆ្នាំ២០២៣ មានចំនួន ១,០៩៥,០០០ នាក់។ ភ្ញៀវទេសចរអន្តរជាតិ មានចំនួន ៤៩០ នាក់ មានការកើនឡើងចំនួន 6.06% ធៀបឆ្នាំ២០២៣ មានចំនួន ២១០នាក់។ ភ្ញៀវទេសចរសរុប មានចំនួន ១,១៧៣,៣៨៦ នាក់ មានការកើនឡើងចំនួន ៧.១១% ធៀបឆ្នាំ២០២៣ មានចំនួន ១,០៩៥,៤៦២ នាក់។
ក្រោមការដឹកនាំយ៉ាងយកចិត្តទុកដាក់ប្រកបដោយវិបុលភាពពីសំណាក់ លោក សុខ លូ អភិបាលខេត្តបាត់ដំបង បានរៀបចំកែលម្អសួនច្បារ សួនកម្សាន្ត លើកកម្ពស់សម្រស់ដងស្ទឹងសង្កែប្រកបដោយភាពបៃតង ដែលជាកត្តានាំឱ្យមានការកើនឡើងយ៉ាងគំហុកនៃលំហូរភ្ញៀវទេសចរជាតិ អន្តរជាតិ និងប្រជាពលរដ្ឋចូលរួមយ៉ាងច្រើនកុះករក្នុងពិធីបុណ្យអុំទូក ចេញព្រះវស្សា និងបណ្តែតប្រទីប ខេត្តបាត់ដំបង ព្រមទាំងមានការការពារយ៉ាងម៉ត់ចត់ពីសំណាក់សមត្ថកិច្ចទាំង៣ស្ថាប័នផងដែរ ៕
អត្ថបទ៖ សោ និយមរ័ត្ន
-
សន្តិសុខសង្គម៣ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ព័ត៌មានអន្ដរជាតិ២២ ម៉ោង ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៣ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៤ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៧ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៧ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida