ព័ត៌មានជាតិ

ស៊ុតមាន់ ស៊ុតទា និងក្រួចជាង៣ម៉ឺនគ្រាប់ ត្រូវមន្ត្រីជំនាញដុតបំផ្លាញចោល

បានផុស

៤ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

ស៊ុតមាន់ ស៊ុតទា និងស៊ុតក្រួចជាង៣ម៉ឺនគ្រាប់ ត្រូវបានមន្ត្រីជំនាញនៃមន្ទីរកសិកម្មរុក្ខាប្រមាញ់និងនេសាទ ធ្វើការដុតបំផ្លាញចោល កាលពីថ្ងៃទី១០ ខែមីនា ឆ្នាំ២០២១ បន្ទាប់ពីរកឃើញថា ជាស៊ុតខូចគុណភាពសម្រាប់បរិភោគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថៃ លី ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តតាកែវបានឲ្យដឹងថា ដើម្បីលុបបំបាត់ការចរាចរផលិតផលគ្មានគុណភាព ខូចគុណភាព មន្ត្រីជំនាញលោកបានសម្រេចដុតកម្ទេចចោលពងទាចំនួន២៤ ០០០គ្រាប់ ពងមាន់ចំនួន ៨០០គ្រាប់ និងពងគ្រួចចំនួន ៧០០០គ្រាប់ បន្ទាប់ពីពិនិត្យឃើញថា ខូចគុណភាព ដែលបានដកហូតពីឈ្មួញនាពេលកន្លងមក។ ការដុតបំផ្លាញស៊ុតខូចគុណភាពនេះ មានការចូលរួមពីលោក ខាន់ សុខា អភិបាលរងខេត្តតាកែវ លោកញ៉ឹប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក ម៉េង សុធី អនុប្រធានមន្ទីរ និងលោកប្រធាន អនុប្រធានការិយាល័យផលិតកម្មនិងបសុព្យាបាលខេត្ត ព្រមទាំងមន្ត្រីការិយាល័យ ដែលការដុតកម្ទេចនេះ ធ្វើឡើងនៅការិយាល័យផលិតកម្ម និងបសុព្យាបាលខេត្តតាកែវ៕