ព័ត៌មានជាតិ
ប.ស.ស និងអង្គការអុកស្វាម រួមគ្នាប្រារព្ធទិវាអន្តរជាតិស្ត្រីជនបទ ដើម្បីគាំពារស្ត្រីតាមជនបទកាន់តែប្រសើរឡើង
បេឡាជាតិសន្តិសុខសង្គម(ប.ស.ស.) និងអង្គការអុកស្វាម រួមគ្នាប្រារព្ធទិវាអន្តរជាតិស្ត្រីជនបទនៅថ្ងៃទី ១៨ ខែតុលា ឆ្នាំ ២០២៤ បានរួមគ្នាប្រារព្ធទិវាអន្តរជាតិស្ត្រីជនបទក្រោមមូលបទ ៖ គាំពារសង្គម ដើម្បីអន្តរកាលប្រកបដោយយុត្តិធម៌ និងសកម្មភាពបរិស្ថាននៅសណ្ឋាគារសុខាល័យអង្គរ ខេត្តសៀមរាប ក្រោមអធិបតីភាពលោកបណ្ឌិត ហេង សុផាន់ណារិទ្ធ អគ្គនាយករង ប.ស.ស. តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ។
ថ្លែងបើកពិធីនាឱកាសនេះ លោកបណ្ឌិតអគ្គនាយករង បានឱ្យដឹងថា កិច្ចសហការរវាង ប.ស.ស. និងអង្គការអុកស្វាម រៀបចំបង្កើតទិវាអន្តរជាតិស្ត្រីជនបទនេះឡើង ក្នុងគោលបំណង ដើម្បីទទួលស្គាល់តួនាទីដ៏សំខាន់ និងការរួមចំណែករបស់ស្ត្រីនៅជនបទ ក្នុងការលើកកម្ពស់ វិស័យកសិកម្ម និងការអភិវឌ្ឍជនបទ ក្រោមរូបភាពកែលម្អសន្តិសុខស្បៀង លុបបំបាត់ភាពក្រីក្រនៅតាមជនបទ ពង្រឹងភាពអង់អាច និងភាពជាតំណាងរបស់ស្ត្រីនៅតាមជនបទនៅកម្ពុជា។
លោកបណ្ឌិតអគ្គនាយករង បានបន្ថែមថា ទិវាអន្ដរជាតិនេះ ក៏ជាការបង្កើតវេទិកាកិច្ចសន្ទនាគោលនយោបាយ និងសង្គមរវាងស្ត្រីនៅជនបទ និងអ្នកតាក់តែងគោលនយោបាយ តំណាងក្រសួង-ស្ថាប័នមានសមត្ថកិច្ច ជាពិសេសការពង្រឹងកិច្ចសហប្រតិបត្តិការ និងភាពជាដៃគូជាមួយក្រសួង រាជរដ្ឋាភិបាល និងអ្នកពាក់ព័ន្ធ ឆ្ពោះទៅការងារសមរម្យ បរិវត្តកម្មយេនឌ័រ និងកិច្ចគាំពារសង្គមដែលឆ្លើយតបទៅនឹងការប្រែប្រួលអាកាសធាតុ និងការអភិវឌ្ឍប្រកបដោយចីរភាពសម្រាប់កម្មករ និងកសិករស្ត្រី នៅតាមជនបទផងដែរ។
តាមរយៈទិវាអន្តរជាតិស្ត្រីជនបទ លោកបណ្ឌិតអគ្គនាយករង សង្ឃឹមយ៉ាងមុតមាំថា កិច្ចសន្ទនាគ្រប់ភាគីពាក់ព័ន្ធទាំងអស់ នឹងក្លាយជាពុទ្ធិ ធាតុចូល និងវិធីសាស្ត្រសំខាន់ៗ ដើម្បីជាគន្លឹះក្នុងការរៀបចំនូវយុទ្ធសាស្ត្រ និងផែនការការងារបន្ទាប់ សម្រាប់អនុវត្តការងារប្រកបដោយជោគជ័យ និងមានប្រសិទ្ធភាពខ្ពស់ដែលជាការរួមចំណែកលើកកម្ពស់ និងការពង្រីករបបសន្តិសុខសង្គមកម្ពុជា ទៅដល់ប្រជាជនគោលដៅឱ្យកាន់តែទូលំទូលាយ និងឆ្ពោះទៅរកការគ្របដណ្ដប់សុខភាពជាសកល។
ក្នុងឱកាសនេះដែរ លោក លី សារី អភិបាលរង នៃគណៈអភិបាលខេត្តសៀមរាប ក៏បានថ្លែងអំណរគុណដល់ ប.ស.ស. និងអង្គការអុកស្វាម (OXFAM) ព្រមទាំងអង្គភាពពាក់ព័ន្ធនានា ដែលបានសហការរៀបចំទិវាអន្តរជាតិស្ត្រីជនបទនេះឡើង ពិសេសអំពាវនាវ និងលើកទឹកចិត្តដល់សហគ្រាសក្នុងវិស័យទេសចរណ៍ ចុះបញ្ជីកម្មករ-និយោជិតរបស់ខ្លួនមក ប.ស.ស. ដើម្បីទទួលបានអត្ថប្រយោជន៍របបសន្តិសុខសង្គម៕
អត្ថបទ ៖ សំអឿន
-
សន្តិសុខសង្គម៣ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ព័ត៌មានអន្ដរជាតិ១ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៣ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៤ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៧ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
ព្យុះ Milton ធ្វើឲ្យផ្អើលសត្វក្រពើ ចេញមកតាមផ្លូវក្នុងរដ្ឋ Florida
-
ជីវិតកម្សាន្ដ១ សប្តាហ៍ ago
បញ្ចប់តួនាទីពិធីករថៃ Kan Kantathavorn ក្រោយជាប់ពាក់ព័ន្ធនឹងក្រុមហ៊ុនអនឡាញបោកប្រាស់ដ៏ធំ