ព័ត៌មានជាតិ
ជំនួបតាមប្រព័ន្ធវីដេអូរវាងនាយករដ្ឋមន្ត្រីប្រទេសទាំងបី កម្ពុជា ឡាវ និង វៀតណាម
នៅថ្ងៃទី១០ ខែមីនា ឆ្នាំ២០២១សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តមបណ្ឌិត ថងលុន ស៊ីសុលីត នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ និងឯកឧត្តម ង្វៀន សួនហ្វ៊ុក នាយករដ្ឋមន្ត្រីនៃសាធារណរដ្ឋសង្គមនិយមវៀតណាមបានជួបគ្នាតាមប្រព័ន្ធ វីដេអូដើម្បីពិភាក្សាអំពីកិច្ចសហប្រតិបត្តិការរវាងប្រទេសទាំងបីក្នុងក្របខ័ណ្ឌទ្វេភាគី ត្រីភាគី និងពហុភាគី។ នេះបើយោងតាមសេចក្តីប្រកាសព័ត៌មានរបស់ក្រសួង ការបរទេសនិងសហប្រតិបត្តិការអន្តរជាតិនាព្រលប់ថ្ងៃទី១០ មីនានេះ ។
សេចក្តីប្រកាសព័ត៌មានបានបន្តថា នាយករដ្ឋមន្ត្រីទាំងបីបានឯកភាពគ្នាពង្រឹងបន្ថែមនូវកិច្ចសហប្រតិបត្តិការនិងការគាំទ្រគ្នាទៅវិញទៅមក ក្នុងការប្រយុទ្ធប្រឆាំងការរីករាលដាលនៃជំងឺកូវីដ-១៩។ នាយករដ្ឋមន្ត្រីទាំងបីក៏បានឯកភាពគ្នាក្នុងការផ្តល់ការចាក់វ៉ាក់សាំងកូវីដ១៩ទៅវិញទៅមកដោយមិនគិតថ្លៃដល់មន្ត្រីការទូតនិង សិស្សនិស្សិតកម្ពុជា ឡាវនិងវៀតណាមដែលកំពុងស្នាក់នៅក្នុងប្រទេសនីមួយៗ។ នាយករដ្ឋមន្ត្រីទាំងបីបានសម្តែងនូវការពេញចិត្តរួមគ្នាចំពោះទំនាក់ទំនងនិងកិច្ច សហប្រតិបត្តិការដែលកំពុងមានការរីកចម្រើនលើគ្រប់វិស័យរវាងប្រទេសទាំងបីទោះបីស្ថិតក្នុងកាលៈទេសៈនៃភាពប្រឈមខ្លាំងបណ្តាលពីការរីករាលដាលនៃជំងឺកូវីដ-១៩ក៏ដោយ។ នាយករដ្ឋមន្ត្រីទាំងបីក៏បានកត់សម្គាល់ដោយក្តីរីករាយនូវការកើនឡើងនៃទំហំពាណិជ្ជកម្មរវាងកម្ពុជា-ឡាវនិងកម្ពុជា- វៀតណាម។ ថ្នាក់ដឹកនាំ ទាំងបីបានឯកភាពពង្រឹងបន្ថែម កិច្ចសហប្រតិបត្តិការលើវិស័យនយោបាយ សន្តិសុខ ការពារជាតិ ការគ្រប់គ្រងព្រំដែនពាណិជ្ជកម្មនិងវិនិយោគការតភ្ជាប់ថាម ពល និងអប់រំ។ នាយករដ្ឋមន្ត្រីទាំងបីក៏បានឯកភាពបន្តរក្សានិងអនុវត្តន៍យ៉ាងមានប្រសិទ្ធភាពនូវយន្តការនៃកិច្ចសហប្រតិបត្តិការដែលមានស្រាប់ដោយជំរុញកិច្ច សហប្រតិបត្តិការរវាងបណ្តាខេត្តជាប់ព្រំដែន ។ អនុវត្តន៍ឱ្យមានប្រសិទ្ធភាពនូវរាល់កិច្ចព្រមព្រៀងស្តីពីការគ្រប់គ្រងព្រំដែន ។សហការបន្ថែមក្នុងការការពារសន្តិសុខតាមបណ្តោយព្រំដែនរួម។ សម្របសម្រួលសកម្មភាពពាណិជ្ជកម្មនិងវិនិយោគព្រមទាំងការឆ្លងកាត់របស់ប្រជាជននិងទំនិញនៅតាមបណ្តាប៉ុស្តិ៍ត្រួតពិនិត្យព្រំដែន។
នៅក្នុងវិស័យការតភ្ជាប់នាយករដ្ឋមន្ត្រីទាំងបីបានឯកភាពពិចារណាអំពីការដំណើរការឡើងវិញនូវការហោះហើរអន្តរជាតិរវាងកម្ពុជា ឡាវ និងវៀតណាម ដើម្បីជំរុញ ពាណិជ្ជកម្មនិងការវិនិយោគក៏ដូចជាការផ្លាស់ប្តូររវាងប្រជាជននៃប្រទេសទាំងបី។ នៅក្នុងកិច្ចសហប្រតិបត្តិការក្របខ័ណ្ឌអនុតំបន់នាយករដ្ឋមន្ត្រីទាំងបីបានឯកភាពពន្លឿនការអនុវត្តផែនការការតភ្ជាប់សេដ្ឋកិច្ច CLVដល់ឆ្នាំ២០៣០ដោយផ្តោត លើកិច្ចសហប្រតិបត្តិការក្នុងការគៀងគរធនធានពីដៃគូអភិវឌ្ឍន៍ដើម្បីស្ថាបនាផ្លូវល្បឿនលឿនហាណូយ-វៀងចន្ទន៍ ផ្លូវរថភ្លើង វៀងចន្ទន៍-វង្សអាន និងផ្លូវរថភ្លើង ភ្នំពេញ-ហូជីមិញ។
ជាងនេះទៅទៀតនាយករដ្ឋមន្ត្រីវៀតណាម និងឡាវបានបញ្ជាក់សារជាថ្មីនូវការប្តេជ្ញាចិត្តក្នុងការគាំទ្រយ៉ាងពេញទំហឹងចំពោះកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលអនុតំបន់មេគង្គលើកទី៧ នៅក្នុងខែមីនា ឆ្នាំ២០២១,កិច្ចប្រជុំកំពូល ASEM លើកទី១៣នៅចុងឆ្នាំ២០២១និងប្រធានអាស៊ានក្នុងឆ្នាំ២០២២។ ទន្ទឹមនេះ នាយករដ្ឋមន្ត្រីទាំងបីបានឯកភាពចាត់តាំងឱ្យក្រសួង-ស្ថាប័នពាក់ព័ន្ធ និង អាជ្ញាធរខេត្តពាក់ព័ន្ធទាំងអស់អនុវត្តន៍នូវការព្រមព្រៀងគ្នាដែលបានសម្រេចនៅក្នុងជំ នួបតាមប្រព័ន្ធវីដេអូនេះក៏ដូចជាការបង្កើនមិត្តភាពនិងកិច្ចសហប្រតិបត្តិការពហុវិស័យរវាងបណ្តាប្រទេសទាំងបីកម្ពុជា-ឡាវ និងវៀតណាម ៕
អត្ថបទ ៖ ណារី
មហាជនហួសចិត្តនឹងអ្នកលក់ផលិតផលម្នាក់ ក្រោយដេញពេទ្យឯកទេសរោគស្ត្រីទៅរៀនឡើងវិញ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ