បណ្ណបើកបរជាតិ ប្តូរទៅបណ្ណអនុញ្ញាតបើកបរអន្តរជាតិទាមទារឯកសារអ្វីខ្លះ? តម្លៃសេវាប៉ុន្មាន?

ការប្តូរបណ្ណបើកបរជាតិ គឺអាចស្នើសុំប្តូរបណ្ណអនុញ្ញាតបើកបរអន្តរជាតិបាន ដោយ​គ្រាន់តែតម្រូវឱ្យ​មាន​ឯកសារចាំបាច់មួយចំនួន និងត្រូវចំណាយលើថ្លៃសេវា ២៥០ ០០០ រៀល ប៉ុណ្ណោះ។

យោងតាម​​​​​ការបញ្ជាក់ពីក្រសួង​សាធារ​ណ​ការ​ និង​ដឹក​ជញ្ជូន​​ ​របៀបស្នើរ​​​សុំពី​បណ្ណបើកបរ​ជាតិ​ ប្តូរ​​ទៅ​បណ្ណ​អនុញ្ញាតបើកបរអន្ត​រជាតិ​​​​​​​ គឺគ្រាន់តែយកបណ្ណបើកបរជាតិរបស់លោកអ្នក ដោយភ្ជាប់ជាមួយឯកសារចាំបាច់មួយចំនួនរួមមាន៖
-បណ្ណបើកបរជាតិ (ច្បាប់ដើមមានសុពលភាពយ៉ាងតិច១ឆ្នាំ)។
-អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច)។
-លិខិតឆ្លងដែន និងទិដ្ឋាការមានសុពលភាពមិនតិចជាង១៥ថ្ងៃ (ករណីបណ្ណបើកបរបានប្រឡងនៅកម្ពុជា សម្រាប់ជនបរទេស)។
-លិខិតបញ្ជាក់ទីលំនៅ (ចេញដោយមេឃុំ/ចៅសង្កាត់ សម្រាប់ជនបរទេស)។
-រូបថតខ្នាត ៤.៥ x ៤.៥ ផ្ទៃពណ៌សចំនួន ៤សន្លឹក ។

បើតាមក្រសួងសាធារណការ​ អ្នកមាន​បណ្ណអនុញ្ញាតបើកបរអន្តរជាតិ អាចបើកបរ​បាន​​​​​នៅតាម​បណ្ដា​ប្រទេសហត្ថលេខី ​(​៩៩ប្រទេស) បណ្ណបើកបរអន្តរជាតិមានសុពលភាព ១ឆ្នាំ ស្របតាមអនុសញ្ញាស្ដីពីចរាចរណ៍ផ្លូវគោក ទីក្រុងវីយ៉ន ថ្ងៃទី១៩ ខែកញ្ញា ឆ្នាំ១៩៤៩ ។

សម្រាប់ព័ត៌មានលម្អិត អាចទមនាក់ទំនង (Hotline) ក្រសួងវាប តាមរយៈលេខ 1275 ៕