ព័ត៌មានជាតិ
អភិបាលខេត្តកំពត ណែនាំប្រាប់ដល់គ្រូឧទ្ទេស និងសកម្មជនឱ្យរក្សាគោលជំហរ ហ៊ានថា ហ៊ានធ្វើ
កំពត ៖ នៅរសៀលថ្ងៃទី ១៩ ខែតុលា ឆ្នាំ២០២៤នេះ លោកម៉ៅ ធនិន អភិបាលខេត្តកំពតបានថ្លែងនៅក្នុងពិធីបិទវគ្គអប់រំនយោបាយថ្នាក់ខេត្តជំនាន់ទី ៩ របស់គណៈកម្មាធិការគណបក្សប្រជាជនកម្ពុជាខេត្តកំពត ដែលបានធ្វើឡើងនៅមន្ទីរបក្សខេត្ត។
ជាមួយគ្នានោះលោក ម៉ៅ ធនិន ជាប្រធានគណបក្សប្រជាជនកម្ពុជាសាខាខេត្តកំពតបានមានប្រសាសន៍ថា នៅក្នុងភូមិសាស្ត្រនយោបាយខេត្តកំពត ត្រូវបានបែងចែកជាបី ទី១ មានស្រុកឈូក និងស្រុកជុំគិរី និងស្រុកដងទង់ ទី២ ស្រុកអង្គរជ័យ និងស្រុកបន្ទាយមាស និងស្រុកកំពង់ត្រាច ទី៣ ស្រុកទឹកឈូ និងក្រុងបូកគោ និងក្រុងកំពត នេះហើយបច្ចុប្បន្នមានគណបក្សផ្សេងៗជាច្រើននៅក្នុងភូមិទាំងបីនេះ។
លោក ម៉ៅ ធនិន ជាប្រធានគណបក្សប្រជាជនកម្ពុជាខេត្តកំពត បានប្រាប់ដល់គ្រូឧទ្ទេស និងសកម្មជន គណបក្សដែលបាបបញ្ចប់វគ្គអប់រំនយោបាយថ្នាក់ខេត្ត ជំនាន់ទី៩ ត្រូវយកគោលការណ៍ និងចំណេះដឹងផ្សេងៗទៅផ្សព្វផ្សាយ ឱ្យបានទូលំទូលាយ ជូនដល់ប្រជាពលរដ្ឋ។
ហើយដើម្បីឲ្យការផ្សព្វផ្សាយមានប្រសិទ្ធភាពគ្រូឧទ្ទេស និងសកម្មជនត្រូវចេះប្រើទេពកោសល្យ និងសិល្បៈ ពិសេសត្រូវរក្សាគោលជំហរបក្ស “ហ៊ាននិយាយ ហ៊ានធ្វើ។
លោក ម៉ៅ ធនិន អភិបាលខេត្តកំពតបានបន្តថា ដើម្បីឲ្យប្រជាពលរដ្ឋបានយល់ដឹងកាន់តែច្បាស់ និងកាន់តែទូលំទូលាយ អំពីគោលនយោបាយរបស់បក្ស ការដឹកនាំ ការអភិវឌ្ឍន៍ និងចក្ខុវិស័យរបស់រាជរដ្ឋាភិបាលទៅអនាគត ទាមទាឲ្យគ្រូឧទ្ទេស សកម្មជននៅតាមបណ្តាស្រុកក្រុង មន្ទីរអង្គភាព ចូលរួមផ្សព្វផ្សាយបន្ត នូវអ្វីដែលខ្លួនបានទទួលពីវគ្គអប់រំនយោបាយនេះ ឲ្យមានប្រសិទ្ធភាព ។
លោក ម៉ៅ ធនិន អភិបាលខេត្តជាប្រធានគណបក្សខេត្តបានបញ្ជាក់ថា កាលពីបោះឆ្នោតអាណត្តិមុន កម្លាំងបក្សប្រឆាំងក្នុងខេត្តកំពត មានចំនួន២៤១នាក់ ប៉ុន្តែនៅក្នុងអាណត្តិថ្មីនេះ ក្រុមប្រឆាំងនៅសល់កម្លាំង១១៧នាក់ ហើយនៅពេលបោះឆ្នោតជ្រើសរើសសមាជិកព្រឹទ្ធសភា កម្លាំងបក្សប្រឆាំងនៅសល់តែ ៦៥នាក់ប៉ុណ្ណោះ។
ការថយចុះចំនួនសមាជិកបក្សប្រឆាំងនេះ ដោយសារហេតុផលសំខាន់៣ទី១. គណបក្សប្រឆាំងបាត់បង់ជំនឿលើគណបក្សារបស់ខ្លួនឯង ទី២ថ្នាក់ដឹកនាំនៅក្នុងមូលដ្ឋានខេត្តកំពត កាត់បន្ថយបាននូវភាពអសកម្ម ឬអំពើអយុត្តិធម៌ និងទី៣ ដោយសារគណបក្សប្រជាជនកម្ពុជា ជាបក្សដឹកនាំប្រទេសដែលមានភាពរឹងមាំ និងមានភាពចាស់ទុំជាងគេ មិនងាយមានបក្សណាអាចយកឈ្នះបានឡើយ។
ក្នុងឱកាសនោះដែរលោក ម៉ៅ ធនិន អភិបាលខេត្តកំពតក៏បានណែនាំដល់ថ្នាក់ដឹកនាំ សមាជិកសមាជិកាបក្ស ឱ្យយកចិត្តទុកដាក់ ពង្រឹងលើការងារសំខាន់ ៨ចំណុចផ្សេងទៀតឱ្យបានល្អបន្ថែមទៅថ្ងៃមុខ៕
ដោយ ៖ សឹង រ៉ាត់
-
ព័ត៌មានអន្ដរជាតិ៣ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៥ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៥ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៦ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ១ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ១ សប្តាហ៍ ago
ភ្លៀងមួយមេធំ ធ្វើឱ្យគល់ស្ពានអាកាសចោមចៅផ្លូវជាតិលេខ ៤ លិច និងស្ទះចរាចរណ៍យ៉ាងខ្លាំង
-
សន្តិសុខសង្គម៦ ថ្ងៃ ago
ផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៣ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ