ព័ត៌មានជាតិ
ពលរដ្ឋមានក្តីសង្ឃឹមឡើងវិញ ផ្លូវជាតិលេខ ៧ ទៅច្រកទ្វារព្រំដែនកម្ពុជា-ឡាវ ចាប់ផ្តើមឈានទៅចាក់កៅស៊ូ
ផ្លូវជាតិលេខ ៧ នៅខេត្តស្ទឹងត្រែងចេញពីស្ពានសេកុងទៅចក្រទ្វារព្រំដែនអន្តរជាតិត្រពាំងក្រៀលកម្ពុជា-ឡាវ បានចាប់ផ្តើមឈានទៅចាក់កៅស៊ូ។ សមិទ្ធផលផ្លូវដែលបានជួសជុលចាក់កៅស៊ូថ្មីឡើងវិញនេះ បាននាំក្តីសង្ឃឹមដល់ប្រជាពលរដ្ឋ ដែលរំពឹងថានឹងជួយជំរុញឱ្យមានកំណើនផ្នែកសេដ្ឋកិច្ចសម្រាប់ពលរដ្ឋរស់នៅតាមតំបន់ព្រំដែន តាមរយៈភ្ញៀវទេសចរជាតិនិងអន្តរជាតិមានវត្តមានឡើងវិញ បន្ទាប់ពីបាត់បង់លំហូរអស់រយៈពេលជាង ១០ ឆ្នាំមកនោះ។
លោក ស គឹមណាត ប្រធានមន្ទីរសាធារណៈការនិងដឹកជញ្ជូនខេត្តស្ទឹងត្រែងបានបញ្ជាក់ថា ប្រជាពលរដ្ឋនៅតាមដងផ្លូវមានក្តីសង្ឃឹមឡើងវិញព្រោះភាពលំបាកជាង ១០ ឆ្នាំមកនេះចាប់ពីឆ្នាំ ២០០៨ មក បានធូរស្រាល ព្រោះប៉ុន្មានឆ្នាំកន្លងមកនេះសូម្បីតែរថយន្តដឹកភ្ញៀវទេសចរណ៍ក៏លែងមកតាមផ្លូវនេះដែរ។
លោកបន្តថា ក្រុងបច្ចេកទេសចំនួន ៤ ក្រុម កំពុងពន្លឿនការស្ថាបនាឱ្យហើយទៅតាមការណែនាំរបស់រដ្ឋមន្ត្រីក្រសួងសាធារណៈនិងដឹកជញ្ជូន ដែលបានដាក់ផែនការមក ដើម្បីសម្រួលការធ្វើចរាចរណ៍ទៅមករបស់ប្រជាពលរដ្ឋ និងភ្ញៀវទេសចរជាតិនិងអន្តរជាតិឱ្យឃើញពីការអភិវឌ្ឍហេដ្ឋរចនាសម្ព័ន្ធនៅតំបន់ព្រំដែន។
បើតាមប្រធានមន្ទីរសាធារណការខេត្តស្ទឹងត្រែង តាមផែនការនឹងសម្រេចចិត្តឲ្យរួចមុនខែ១ ឆ្នាំ ២០២៥ ខណៈបច្ចុប្បន្នកម្មករសម្រុកមិនថាថ្ងៃសៅរ៍អាទិត្យ ដើម្បីសម្រេចបានតាមផែនការប្រជាពលរដ្ឋធ្វើដំណើរទៅស្ទឹងត្រែង ឬពីភ្នំពេញមកព្រំដែនឡាវ ។
«កន្លងមកឃើញស្រាប់ហើយ ខែប្រាំងដីហុយខែវស្សាហ៍បែកភក់។ អញ្ចឹងសូមថ្លែងអំណរគុណសម្ដេចធិបតី ហ៊ុនម៉ាណែត ជានិច្ចកាលតែងតែជួយប្រជាពលរដ្ឋ ក្នុងការរំលែកផលប្រយោជន៍ ដូចជាផ្លូវហ្នឹងឲ្យប្រជាពលរដ្ឋធ្វើដំណើរស្រួល»។
លោក សុខ សុវណ្ណ អាយុ ៦៥ ឆ្នាំរស់នៅភូមិវាលព្រីង ឃុំអូរស្វាយ បានលើកឡើងថា ពេលបានផ្លូវល្អពួកគាត់សប្បាយរីករាយ និងមានក្តីសង្ឃឹម ព្រោះពេលរថយន្តតូចធំបើកបរទៅមក មិនរងការហុយដីទ្រលោម បង្កផលប៉ះពាល់ដល់សុខភាពដូចមុនទៀតទេ។
លោកបន្តថា សំខាន់ជាងនេះប្រជាពលរដ្ឋធ្វើដំណើរបានងាយស្រួល ហើយការប្រកបររបរកស៊ីមានភាពរីកចម្រើន ព្រោះអាចមានភ្ញៀវទេសចរចេញចូលមកច្រើន។
ផ្លូវជាតិលេខ ៧ ដែលកំពុងដំណើរការជួសជុលចាក់កៅស៊ូមានប្រវែង ៥៨ គីឡូម៉ែត្រទទឹង ១០ ម៉ែត្រ ចាប់ចេញេពីស្ពានសេកុង ទៅដល់ច្រកព្រំដែនអន្តរជាតិប្រពាំងគ្រៀលព្រំប្រទល់កម្ពុជា ឡាវ។ មន្ត្រីជំនាញបច្ចេកទេសបានអះអាងថា នឹងបញ្ជប់ការជួសជុលនៅចុងខែធ្នូ ឬនៅដើមខែមករា ឆ្នាំ២០២៥ខាងមុខនេះ៕
អត្ថបទ៖ ងិនលីម
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៩ ម៉ោង ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
កីឡា៧ ម៉ោង ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ