ព័ត៌មានជាតិ
ក្រសួងអប់រំ អនុញ្ញាតឱ្យសិស្សថ្នាក់ទី ៦ ធ្លាក់មធ្យមភាគ ឡើងថ្នាក់ទី ៧ ដោយស្វ័យប្រវត្តិ តែត្រូវឆ្លងកាត់ការបំប៉ន ១ ខែសិន
សម្រាប់ឆ្នាំសិក្សា ២០២៣-២០២៤ នេះ ក្រសួងអប់រំ យុវជន និងកីឡា បានអនុញ្ញាតឱ្យសិស្សថ្នាក់ទី ៦ ដែលធ្លាក់មធ្យមភាគ ឱ្យឡើងថ្នាក់ទី ៧ ដោយស្វ័យប្រវត្តិ តែត្រូវឆ្លងកាត់វគ្គបំប៉ន ១ ខែសិន ទើបអាចឡើងថ្នាក់បាន។
នៅក្នុងសេចក្ដីណែនាំស្ដីពីការប្រព្រឹត្តិទៅ នៃដំណើរការសិក្សានៅកម្រិតបឋមសិក្សាសម្រាប់ឆ្នាំសិក្សា ២០២៤-២០២៥ បានឱ្យដឹងថា សម្រាប់គ្រឹះស្ថានបឋមសិក្សាដែលបានរៀបចំតេស្តស្តង់ដារបញ្ចប់ថ្នាក់ទី ៦ ឆ្នាំសិក្សា ២០២៣-២០២៤ ដែលមានសិស្សធ្លាក់មធ្យមភាគ គណៈគ្រប់គ្រងសាលារៀន ត្រូវពិភាក្សាជាមួយគណៈគ្រប់គ្រងគ្រឹះស្ថានមធ្យមសិក្សាដែលសិស្សនោះត្រូវចូលរៀនថ្នាក់ទី ៧ ដើម្បីរៀបចំផ្តល់ការបំប៉នបន្ថែមលើមុខវិជ្ជាភាសាខ្មែរ និងគណិតវិទ្យា យ៉ាងតិចរយៈពេល ១ ខែ បន្ទាប់មកត្រូវអនុញ្ញាតឱ្យឡើងថ្នាក់ទី ៧ ដោយស្វ័យប្រវត្តិ។
ក្រសួងបានបញ្ជាក់ថា ការអនុញ្ញាតឱ្យឡើងថ្នាក់នេះ លុះត្រាតែសាមីខ្លួនបានឆ្លងកាត់ការបំប៉ន។ ជាមួយគ្នានេះដែរ គ្រឹះស្ថានបឋមសិក្សា ឬមធ្យមសិក្សា ត្រូវតែប្រជុំពិភាក្សារវាងគណៈគ្រប់គ្រងសាលា គណៈកម្មការគ្រប់គ្រងសាលារៀន លោកគ្រូ អ្នកគ្រូ មាតាបិតា អ្នកអាណាព្យាបាល ដើម្បីរៀបចំដំណើរការបំប៉ន និងផ្តល់ឱកាសឱ្យសិស្សធ្លាក់មធ្យមភាគទាំងនោះបានឡើងថ្នាក់។
ក្រសួងអប់រំ បានចេញសេចក្ដីណែនាំលេខ ៣៤ អយក.សណន ចុះថ្ងៃទី ២ ខែមិថុនា ឆ្នាំ ២០២៤ ស្តីពីការពង្រឹងយន្តការធ្វើតេស្តវាយតម្លៃសិស្សនៅតាមគ្រឹះស្ថានសិក្សាអបចំណេះទូទៅសាធារណៈ។
ការរៀបចំធ្វើតេស្តស្តង់ដារបញ្ចប់ថ្នាក់ទី ៦ ធ្វើឡើងក្នុងគោលបំណង ដើម្បីពង្រឹងគុណភាព នៃការអប់រំ ដោយផ្តោតសំខាន់ទៅលើការលើកកម្ពស់អភិបាលកិច្ចសាលារៀន ការអនុវត្តភារកិច្ចរបស់លោកគ្រូ អ្នកគ្រូ ការចូលរួម ការគាំទ្ររបស់មាតាបិតា អ្នកអាណាព្យាបាល ដើម្បីបង្កើនលទ្ធផលសិក្សារបស់សិស្សានុសិស្ស។
ក្នុងនោះត្រូវមានការកំណត់មធ្យមភាគពិន្ទុ ដើម្បីអនុញ្ញាតឱ្យសិស្សឡើងថ្នាក់ ត្រូវគណនាមធ្យមភាគដោយកំណត់យក ៤០ ភាគរយ នៃមធ្យមភាគប្រចាំឆ្នាំ បូកបញ្ចូលនឹង ៦០ ភាគរយ នៃលទ្ធផលតេស្តស្តង់ដារបញ្ចប់ ថ្នាក់ទី ៦។ ឧទាហរណ៍ សិស្សឈ្មោះ ពេជ្រ ចរណៃ មានមធ្យមភាគប្រចាំឆ្នាំ ៨,៤០ និងលទ្ធផលតេស្តស្តង់ដារបញ្ចប់ថ្នាក់ទី ៦ មានមធ្យមភាគ ៧,៥០។ ដូច្នេះមធ្យមភាគពិន្ទុរបស់សិស្សឈ្មោះ ពេជ្រ ចរណៃ គឺ (៨,៤០ x ០,៤) + (៧,៥០ x០,៦) = ៧,៨៦ សិស្សដែលមានមធ្យមភាគពិន្ទុចាប់ពី ៥,០០ ឡើងទៅ ត្រូវអនុញ្ញាតឱ្យឡើងថ្នាក់ទី ៧ នៃកម្រិតអប់រំ មធ្យមសិក្សាបឋមភូមិ។ ចំពោះសិស្សមានមធ្យមភាគពិន្ទុក្រោម ៥,០០ សាលារៀបចំការបំប៉នក្នុងអំឡុងពេលមហាវិស្សមកាល ក្រោមការចូលរួមដោយស្ម័គ្រចិត្តរបស់ លោកគ្រូ អ្នកគ្រូ និង មានការគាំទ្រពីមាតាបិតា អ្នកអាណាព្យាបាល និងអនុវត្តការធ្វើតេស្តឡើងថ្នាក់ដើមឆ្នាំសិក្សាថ្មី។ សិស្សធ្លាក់ការធ្វើតេស្តនៅដើមឆ្នាំសិក្សាថ្មី ត្រូវរៀនត្រួតថ្នាក់។
ក្រសួងអប់រំ បានបញ្ជាក់ថា ចំពោះសិស្សដែលត្រួតថ្នាក់រយៈពេលពីរឆ្នាំ សាលាត្រូវផ្តល់ឱកាសឱ្យឡើងថ្នាក់ទៅរៀនថ្នាក់បន្ទាប់ដោយស្វ័យប្រវត្តិក្នុងឆ្នាំសិក្សាទី ៣៕
អត្ថបទ ៖ សំអឿន
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
គម្រោងសាងសង់ផ្លូវក្រវាត់ព្រំដែន សម្រេចបានលទ្ធផលមួយចំនួន បន្ទាប់ពីបើកការដ្ឋានជិត ២ ខែ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៤ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ៧ ថ្ងៃ agoកម្ពុជាបានចំណាយជាង២,១៨ពាន់លានដុល្លារលើការនាំចូលប្រេងឥន្ធនៈក្នុងរយៈពេល១១ខែ