ព័ត៌មានជាតិ
មន្ត្រីជាន់ខ្ពស់ក្រសួងដែនដី ស្នើដល់មន្ត្រីនៅកោះកុង បង្កើនពិនិត្យការលួចសង់សំណង់ខុសច្បាប់
មន្ត្រីជាន់ខ្ពស់ នៃក្រសួងរៀបចំដែនដី នគរូបនីយកម្ម សំណង់ និងសុរិយោដី បានស្នើដល់មន្ត្រីក្រោមឱវាទ និងអាជ្ញាធរមូលដ្ឋានក្នុងខេត្តកោះកុង គប្បីបង្កើនការតាមដានពិនិត្យរាល់សកម្មភាពការលួចធ្វើសំណង់ខុសច្បាប់ឲ្យបានត្រឹមត្រូវបំផុត។
ការស្នើឡើងយ៉ាងដូច្នេះ លោក កើត សារ៉េត អនុរដ្ឋលេខាធិការក្រសួងរៀបចំដែនដី នគរូបនីយកម្ម សំណង់ និងសុរិយោដី ក្នុងពិធីសន្និបាតបូកសរុបលទ្ធផលការងារឆ្នាំ ២០២៤ និងលើកទិសដៅការងារឆ្នាំ ២០២៥ នៅសាលមហោស្រពខេត្តកោះកុង។
លោកអនុរដ្ឋលេខាធិការក្រសួងដែនដីរូបនេះបន្ថែមនៅថ្ងៃទី ២៣ ខែតុលា ឆ្នាំ ២០២៤ ទៀតថា គ្រប់សំណង់នានាដែលសាងសង់ ត្រូវមានសំណើអនុញ្ញាតតាមច្បាប់ឲ្យត្រឹមត្រូវ និងស្របតាមបច្ចេកទេសនគរូបនីយកម្មរបស់ខ្មែរ។ លោកសំណូមពរដល់រដ្ឋបាលខេត្ត អង្គភាពមន្ទីរពាក់ព័ន្ធ ផ្សព្វផ្សាយអំពីច្បាប់បទដ្ឋានគតិយុត្តិពីវិស័យសំណង់ ដើម្បីពង្រឹងគុណភាពអនុវត្តការងារសំណង់ឲ្យរឹងមាំ ចៀសវាងមានការរំលោភបំពានលើចំណីផ្លូវថ្នល់ អូរប្រឡាយ ព្រែក និងចំណីដីសមុទ្ររបស់រដ្ឋ។
អ្វីដែលសំខាន់ទៀតនោះ លោក កើត សារ៉េត ជំរុញដល់មន្ត្រីដែនដីខេត្តកោះកុង ពន្លឿនការងារចុះបញ្ជី និងចេញបណ្ណកម្មសិទ្ធិដីធ្លីជូនដល់ប្រជាពលរដ្ឋបានទាន់តាមផែនការគោលរបស់រាជរដ្ឋាភិបាលត្រឹមឆ្នាំ ២០២៥ ខាងមុខ ឲ្យចប់ជាស្ថាពរ។ ដោយឡែកបញ្ហាវិវាទដីធ្លី ក៏ចាំបាច់ពិនិត្យរិះរកយន្តការដោះស្រាយឲ្យបានឆាប់រហ័ស ក្នុងន័យបញ្ចប់ជម្លោះដីធ្លី និងកាត់បន្ថយការចូលទន្ទ្រានដីរដ្ឋធ្វើជាកម្មសិទ្ធិឯកជន។
បញ្ហានេះដែរ ត្រូវបានលោក រស់ វីរ៉ាវុធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង អះអាងថា មន្ត្រីរបស់លោក នឹងផ្សព្វផ្សាយច្បាប់សំណង់ជូនពលរដ្ឋអាជ្ញាធរមូលដ្ឋាន និងក្រុមជាងសំណង់ ឲ្យយល់ដឹងកាន់តែច្បាស់លាស់បន្ថែម។ បន្តការអនុវត្តចុះពិនិត្យសំណង់ចេញលិខិតផ្អាកការដ្ឋានសំណង់ចំពោះសំណង់ណាដែលសាងសង់រំលោភលើដីសាធារណៈ គ្មានលិខិតអនុញ្ញាត និងសង់ខុសលក្ខណៈបច្ចេកទេស។
លោក រស់ វីរ៉ាវុធ សង្កត់ធ្ងន់ដែរថា លោកនឹងបន្តតាមដានចុះបញ្ជីក្រុមជាងសំណង់ថ្មី និងណែនាំដល់ក្រុមជាងសំណង់ដែលមានវិញ្ញាបនបត្រឲ្យមកបន្តសុពលភាព។ នៅឆ្នាំ ២០២៤ នេះ មន្ទីររៀបចំដែនដីខេត្តកោះកុង បានផ្អាកការដ្ឋានសាងសង់ចំនួន ២ គម្រោង អនុញ្ញាតសាងសង់ចំនួនក្រោមសមត្ថកិច្ច ៣០០០ ម៉ែត្រការ៉េ ចំនួន ៨ គម្រោង ចេញលិខិតបើកការដ្ឋានសាងសង់ចំនួន ៧ គម្រោង ចេញវិញ្ញាបនបត្រអាជីវកម្មក្រុមជាង ២ ក្រុម និងចុះពិនិត្យសំណង់ ៥ គម្រោង។
ជាក់ស្ដែងឆ្នាំ ២០២៤ ដូចគ្នាដែរ ក្រុមការងារបានវាស់វែងក្បាលដីសរុបចំនួន ៦ ម៉ឺន ៤ ពាន់ក្បាលដី ប្រកាសតំបន់វិនិច្ឆ័យចំនួន ៧១ ភូមិ បិទផ្សាយជាសាធារណៈក្បាលដីវាស់វែងចំនួន ៥ ម៉ឺន ៣ ពាន់ក្បាលដី ចេញបណ្ណកម្មសិទ្ធិសរុប ៣ ម៉ឺន ១ ពាន់បណ្ណ ចែកបណ្ណកម្មសិទ្ធិរួចចំនួន ២ ម៉ឺន ៧ ពាន់បណ្ណ និងដោះស្រាយវិវាទដីធ្លីបានចំនួន ១៦៥ ករណី៕
អត្ថបទ ៖ សិរីវឌ្ឍនៈ
យន្តហោះ២គ្រឿងទៀត បុកគ្នានៅ អាមេរិក
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
អ្នកនិយមស្ទីមសូណា! ឧកញ៉ា យឹម តាស្រង់ ឱ្យយោបល់ថា កុំសូណាម្នាក់ឯង ព្រោះបើគាំងបេះដូងគ្មានអ្នកដឹង
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម២១ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២១ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?