ព័ត៌មានជាតិ
របាំងបេតុងការពារគ្រោះថ្នាក់ចរាចរណ៍ ចុះពីច្រកទ្វារព្រំដែនអន្តរជាតិជាំ សាងសង់សម្រេចស្ទើរ ១០០%
លោក ហោ ជិនវីរៈយុទ្ធ អភិបាលរងខេត្តឧត្តរមានជ័យទទួលបន្ទុកសន្តិសុខសណ្ដាប់ធ្នាប់ និងជាប្រធានលេខាធិការដ្ឋានគណៈបញ្ជាការរដ្ឋបាលឯកភាពខេត្តបានប្រាប់ «កម្ពុជាថ្មី» នៅព្រឹកថ្ងៃទី២៤ ខែតុលា ឆ្នាំ២០២៤ នេះថា គិតមកដល់ពេលបច្ចុប្បន្ននេះ របាំងបេតុងការពារគ្រោះថ្នាក់ចរាចរណ៍តាមបណ្ដោយផ្លូវចុះពីច្រកទ្វារព្រំដែនអន្តរជាតិជាំ សម្រេចបានស្ទើរ ១០០% ដែលគ្រោងនឹងបញ្ចប់ជាស្ថាពរនៅដំណាច់ខែតុលានេះ។
លោក ហោ ជិនវីរៈយុទ្ធ បានលើកឡើងថា ការសម្រេចសាងសង់របាំងបេតុងការពារគ្រោះថ្នាក់ចរាចរណ៍តាមបណ្ដោយផ្លូវចុះពីច្រកទ្វារព្រំដែនអន្តរជាតិជាំនេះ បន្ទាប់ពីកើតមានបញ្ហាគ្រោះថ្នាក់ចរាចរណ៍ចំពោះប្រជាពលរដ្ឋ ដែលធ្វើដំណើរឆ្លងកាត់ជាបន្តបន្ទាប់។ ជាក់ស្ដែងកាលពីកំឡុងឆ្នាំ២០១៦-២០១៧ ទីតាំងនេះក៏ធ្លាប់កើតមានបញ្ហាគ្រោះថ្នាក់ចរាចរណ៍ចំពោះពលរដ្ឋជាច្រើន និងគ្រោះថ្នាក់ដល់ឧត្ដមសេនីយ៍ម្នាក់ផងដែរ។
ហេតុដូចនេះ តបតាមការចង្អុលបង្ហាញពីសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងដឹកនាំផ្ទាល់ពីលោក មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ បានដឹកនាំក្រុមការងារបច្ចេកទេសចុះពិនិត្យទីតាំងជាក់ស្ដែង ដើម្បីធ្វើរបាំងការពារបន្ថែមពីខាងឆ្វេងផ្លូវឡើង ក្នុងគោលបំណងបញ្ចៀសបញ្ហាគ្រោះថ្នាក់ចរាចរណ៍។
«យ៉ាងណាមិញ កន្លងមករដ្ឋបាលខេត្តបានធ្វើរបាំងបេតុងការពារនេះម្តងរួចមកហើយ ប៉ុន្តែធ្វើពីខាងស្តាំផ្លូវ ដែលនៅខាងឆ្វេងផ្លូវ ក៏ជាបញ្ហាប្រឈមមួយ ទើបរដ្ឋបាលខេត្តសម្រេចធ្វើនាពេលនេះតែម្តង»។ លោកបន្ថែមបែបនេះ។
ជាមួយគ្នានេះ លោក ហោ ជិនវីរៈយុទ្ធ ក៏បានបញ្ជាក់ដែរថា របាំងបេតុងនេះ ក្រុមការងារបច្ចេកទេសបានចាប់់ផ្តើមសាងសង់កាលពីខែមីនាកន្លងទៅ មានប្រវែងប្រមាណជាង ១០០ ម៉ែត្រ និងមានកម្ពស់ជាង ១.៦០ម៉ែត្រ ដោយក្នុងមួយម៉ែត្រ មានតម្លៃ ៣០០ ដុល្លារ (លេខមូល)។ គម្រោងនេះ ជាស្តង់ដាររបស់ក្រសួងសាធារណការ និងត្រូវបានសាងសង់ឡើងដោយកងវិស្វកម្មរបស់កងពលលេខ ៨ ដឹកនាំដោយ ឧត្តមសេនីយ៍ទោ ចាន់ សុខុន (២២២២) មេបញ្ជាការកងពលតូចអន្តរាគមន៍លេខ៨។
លោក អភិបាលរងខេត្តរូបនេះ បានអះអាងថា «ប្រហែលជាមិនយូរទេ អាចត្រឹមបំណាច់ខែតុលានេះ ក្រុមការងារសាងសង់នឹងសម្រេចរួចរាល់ជាស្ថាពរ ដោយបច្ចុប្បន្នក្រុមការងារកំពុងសំអាត លាបថ្នាំ និងដាក់ស្លាកសញ្ញាតាមផ្លូវ ហើយយើងក៏នឹងបន្តអំពាវនាវដល់សប្បុរសជនបន្ថែម ដើម្បីដំឡើងសូឡាបំភ្លឺតាមផ្លូវឡើងទៅលើភ្នំផងដែរ»។
ជុំវិញបញ្ហាគ្រោះថ្នាក់ចរាចរណ៍នៅក្នុងតំបន់នេះ លោក ហោ ជិនវីរៈយុទ្ធ បានបន្ថែមថា អភិបាលខេត្តឧត្តរមានជ័យបាននឹងសិក្សាបន្តទៀត ទៅលើការពង្រីកតំបន់ដែលរួមតូច និងពង្រីកផ្លូវឡើងបន្ថែមទៀត។ ដោយឡែកសម្រាប់ផ្លូវអន្លង់វែង ទៅសៀមរាប អាចនៅឆ្នាំក្រោយនេះ រដ្ឋបាលខេត្តនឹងសិក្សាបន្ត ហើយធ្វើការស្តារនិងជួសជុលផ្លូវនេះឡើងវិញផងដែរដើម្បីបង្កភាពងាយស្រួលដល់ប្រជាពលរដ្ឋនៅក្នុងការធ្វើដំណើរ។
ជាចុងក្រោម លោកអភិបាលរងខេត្ត ក៏បានអំពាវនាវដល់ប្រជាពលរដ្ឋ ក៏ដូចជាអ្នកបើកបរនានាត្រូវមានការប្រុងប្រយ័ត្ននៅតំបន់ដែលមានគ្រោះថ្នាក់ និងមានភាពម្ចាស់ការទៅលើការបើកបរ ត្រូវបង្ការទៅលើលក្ខណៈបច្ចេកទេសយានយន្ត ព្រោះបន្ទាប់ពីមានផ្លូវល្អ ងាយស្រួលក្នុងការធ្វើដំណើរប្រជាជនមួយចំនួនអាចនឹងមានការធ្វេសប្រហែសក្នុងការបើកបរ៕
កម្លាំងសណ្តាប់ធ្នាប់ខណ្ឌឬស្សីកែវ ចុះឈូសកើបដីខ្សាច់ បាញ់ទឹកសម្អាតនៅលើផ្លូវជាតិ៥
លោក ហេង សួរ ៖ និស្សិតអាហារូបករណ៍ ត្រូវនាំយកចំណេះវិជ្ជា វិលត្រឡប់មកកម្ពុជា ដើម្បីអភិវឌ្ឍន៍សេដ្ឋកិច្ច
អ្នកវិភាគ៖ ពលរដ្ឋខ្មែរគួរយកចិត្តទុកដាក់តាមដានការវិវត្តនយោបាយនៅថៃ ខណៈក្រុមប្រឆាំងថៃតែងតែរុញច្រានបញ្ហាព្រំដែនឱ្យឡើងកម្ដៅ
រដ្ឋបាលខេត្តកណ្តាល រៀបចំតុបតែងត្រៀមសម្រាប់ពិធីបុណ្យចូលឆ្នាំថ្មី ប្រពៃណីជាតិខ្មែរ
ក្រសួងការងារ បើកវគ្គបណ្តុះបណ្តាលស្តីពី “បង្ការនិងទប់ស្កាត់ការប្រើប្រាស់ពលកម្មកុមារ តាមសហគ្រាស គ្រឹះស្ថានផលិត ឥដ្ឋ ក្បឿង”
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
ប៊ីល ហ្គេត៖ មានតែការងារ ៣ មុខ ប៉ុណ្ណោះ ដែលនឹងបន្តឈរជើងក្នុងបដិវត្តន៍ AI
សម្តេចសង្ឃកាតូលិក Pope Francis ជិតសុគត ខណៈគ្រូពេទ្យសម្រេចឈប់ព្យាបាល
ក្រុមហ៊ុនអាកាសចរណ៍ថ្មី ៣ បន្ថែមទៀត នឹងតភ្ជាប់ជើងហោះហើរមកអាកាសយានដ្ឋានអន្តរជាតិតេជោ
ផ្ទៃក្នុងអាមេរិក ចង់ឲ្យបណ្តេញលោក Mike Waltz ចេញពីតំណែង ក្រោយបែកធ្លាយផែនការនៅ យេម៉ែន
-
ព័ត៌មានអន្ដរជាតិ១ សប្តាហ៍ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ១ សប្តាហ៍ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
ព័ត៌មានអន្ដរជាតិ២ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៦ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៣ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ១៨ ម៉ោង agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៥ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ