ព័ត៌មានជាតិ
ក្រសួងការងារ អំពាវនាវសិស្សានុសិស្ស យុវជន យុវនារី ចូលរួមឱ្យបានច្រើនកុះករ ពិព័រណ៍ការងារ និងផលិតភាពជាតិ នៅចុងសប្ដាហ៍នេះ
នៅថ្ងៃទី ២៤ ខែតុលា ឆ្នាំ ២០២៤ នេះ លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវ សិស្សានុសិស្ស យុវជន យុវនារី ប្រជាពលរដ្ឋ ចូលរួមឱ្យបានច្រើនកុះករ ពិព័រណ៍ការងារ និងផលិតភាពជាតិ ដែលនឹងប្រព្រឹត្តទៅរយៈពេល ២ ថ្ងៃ ចាប់ពីថ្ងៃទី ២៦-២៧ ខែតុលា ឆ្នាំ ២០២៤ នៅអគារពាណិជ្ជកម្ម និងពិព័រណ៍កោះពេជ្រ ចាប់ពីម៉ោង ៨ ព្រឹក ដល់ម៉ោង ៨ យប់។
លោករដ្ឋលេខាធិការ លើកឡើងថា ពិព័រណ៍ការងារ និងផលិតភាពជាតិ រយៈពេល ២ ថ្ងៃ របស់ ក្រសួងការងារ និងបណ្ដុះបណ្ដាលវិជ្ជាជីវៈ នេះ មានការចូលរួមពីសំណាក់ក្រុមហ៊ុន សហគ្រាស ក្រសួង ស្ថាប័ន និងគ្រឹះស្ថានអប់រំបណ្ដុះបណ្ដាលចំនួនប្រមាណ ១៥០ ហើយមានស្តង់សរុបជាង ១៨០ ដែលនឹងដាក់តាំងបង្ហាញពីឱកាសការងារយ៉ាងច្រើនសំបូរបែប នឹងផ្តល់ឱកាសការងាររហូតដល់ជាង ៣ ម៉ឺនកន្លែង ផងដែរ។
លោករដ្ឋលេខាធិការ បន្ថែមថា ពិព័រណ៍ការងារ និងផលិតភាពជាតិនៅឆ្នាំ ២០២៤ នឹងក្លាយជាកម្មវិធីមួយដែលជាទីកន្លែងដាក់តាំងនូវឱកាសការងារ ជ្រើសរើសការងារ ផលិតផលជាតិ និងជាកន្លែងផ្តល់គំនិតល្អពីវាគ្មិនល្បីៗ ទៅដល់សិស្សានុសិស្ស យុវជន យុវនារី។ សិស្សានុសិស្ស យុវជន យុវនារី សូមទៅសិក្សាស្វែងយល់ពីឱកាសការងារ និងស្រូបយកចំណេះដឹងពីពិព័រណ៍ប្រចាំឆ្នាំដ៏សំខាន់មួយនេះ។
លោករដ្ឋលេខាធិការ បន្តថា យុវជន យុវនារី សិស្ស និស្សិត និងសាធារណជន សូមទៅចូលរួមឱ្យបានច្រើនកុះករ ក្នុងនោះ យុវជន នឹងអាចដាក់ប្រវត្តិរូបការងារ ហើយធ្វើការសម្ភាសន៍ភ្លាមៗ ពីសំណាក់ក្រុមហ៊ុនឯកជននៅនឹងកន្លែងពិព័រណ៍ផ្ទាល់ផងដែរ។
គួរបញ្ជាក់ថា ការរៀបចំពិព័រណ៍ការងារ និងផលិតភាពជាតិឆ្នាំ ២០២៤ នាពេលនេះ ដើម្បីបន្តរក្សាតុល្យភាពក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារធ្វើ, បង្កើតឱ្យមានកន្លែងជួបជុំគ្នាដ៏ធំ និងងាយស្រួលរវាងអ្នកស្វែងរកការងារ និយោជក អ្នកផ្តល់ការអប់រំបណ្ដុះបណ្ដាល និងដៃគូពាក់ព័ន្ធនានា ដើម្បីធ្វើការផ្លាស់ប្ដូរ និងចែករំលែកព័ត៌មានទីផ្សារការងារ ហើយក៏មានការរៀបចំផងដែរនូវសិក្ខាសាលាផលិតភាព ដើម្បីលើកកម្ពស់ការយល់ដឹងស្ដីពីការបង្កើនផលិតភាពការងារដោយមានការចែករំលែកចំណេះដឹង និងបទពិសោធពីវាគ្មិនជំនាញជាច្រើន។
ពិព័រណ៍ការងារ និងផលិតភាពជាតិ ឆ្នាំ ២០២៤ ក៏នឹងត្រូវរៀបចំតាមប្រព័ន្ធអនឡាញផងដែរ ដែលអ្នកស្វែងរកការងារធ្វើនៅទូទាំងប្រទេស អាចដាក់ពាក្យស្វែងរកការងារធ្វើតាមប្រព័ន្ធអនឡាញបានតាមរយៈគេហទំព័រពិព័រណ៍ការងារ http:/careerfair.nea.gov.kh/។ សម្រាប់ព័ត៌មានបន្ថែម សូមទាក់ទងតាមរយៈលេខទូរស័ព្ទ ០១៧ ៤៦៧ ៤២៣ ឬ លេខ Hotline របស់ក្រសួងការងារ ១២៩៧ ឬ ១២៨៦៕
ក្រុមហ៊ុន អធីអិនខេ រីថែល ឯ.ក និង Cartenz Tactical បានចុះអនុស្សរណៈ នៃការយោគយល់លើអាជីវកម្មថ្មីមួយ
ប្រវត្តិការងារ និងពានរង្វាន់ របស់លោក ជា ចាន់តូ ទេសាភិបាលកិត្តិយស នៃធនាគារជាតិកម្ពុជា
អ្នកជំនាញថា គួរវិនិយោគលើមាស ភាគហ៊ុន និងអចលនទ្រព្យ នៅចំពេលដែលអត្រាការប្រាក់បញ្ញើធ្លាក់ចុះ
ក្រុមសកម្មប្រយុទ្ធបើកការប្រហារដ៏ខ្លាំងក្លាសម្លាប់ប៉ូលិស១០នាក់នៅប៉ាគីស្ថាន
ម្ចាស់កប៉ាល់បុកបាក់ស្ពាន Baltimore យល់ព្រមបង់ប្រាក់ ១០២ លានដុល្លារបញ្ចប់ក្តី
លោក ជា ចាន់តូ ទេសាភិបាលកិត្តិយសធនាគារជាតិនៃកម្ពុជា ទទួលមរណភាពក្នុងអាយុ ៧៣ ឆ្នាំ
រកឃើញឈើកប់ក្នុងដី អ្នកភូមិអះអាងមានអាយុរាប់ពាន់ឆ្នាំ កំពុងវិវត្តន៍ទៅជាដែក
អតីតបវរកញ្ញាចក្រវាលថៃឆ្នាំ២០១៩ ដេកភ័យខ្លួន គ្រាដែលមានអ្នកគ្រប់គ្រងរួមគ្នាជាមួយ Min Peachaya
បើកឆាក គូស្នេហ៍ BL ថៃដំបូង លុតជង្គង់ សុំរៀបការកណ្ដាលកម្មវិធី ផ្អើលអស់អ្នកទស្សនា
ពូទីន ឆ្លើយតបទៅ ត្រាំ ដែលគំរាមទម្លាក់គ្រាប់បែកលើទីក្រុង មូស្គូ
-
ជីវិតកម្សាន្ដ៣ ថ្ងៃ ago២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៤ ថ្ងៃ agoទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
សន្តិសុខសង្គម២ ថ្ងៃ agoឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
ជីវិតកម្សាន្ដ៣ ថ្ងៃ agoធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
កីឡា៥ ថ្ងៃ agoម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១ សប្តាហ៍ agoប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ជីវិតកម្សាន្ដ២ ថ្ងៃ agoយល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ២ ថ្ងៃ agoចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា