ព័ត៌មានជាតិ
ក្រសួងអប់រំបង្កើត«ស្វ័យវិជ្ជាអក្ខរកម្មមេឌា» ដើម្បីលើកកម្ពស់ កម្មវិធីអប់រំបែបឌីជីថលនៅកម្ពុជា
ក្រសួងអប់រំ យុវជន និងកីឡា បានបង្កើត «ស្វ័យវិជ្ជាអក្ខរកម្មមេឌា» ជាប្រព័ន្ធផ្ញើសារដោយស្វ័យប្រវត្តិលើតេឡេក្រាម (Telegram Chatbot) ដើម្បីលើកកម្ពស់កម្មវិធីស្វ័យសិក្សា និងលើកកម្ពស់កម្មវិធីអប់រំបែបឌីជីថលនៅប្រទេសកម្ពុ ជាពិសេសទប់ស្កាត់ការបោកបញ្ឆោតដោយសារព័ត៌មានមិនពិត។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅរសៀលថ្ងៃទី ២៤ តុលា នេះថា «ស្វ័យវិជ្ជាអក្ខរកម្មមេឌា» នេះ ត្រូវបានផ្ដួចផ្ដើម និងអភិវឌ្ឍន៍ឡើងដោយនាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា ក្រោមការគាំទ្រថវិកាដោយអង្គការ DW Akademie Asia ជាមជ្ឈមណ្ឌល Deutsche Welle សម្រាប់ការអភិវឌ្ឍប្រព័ន្ធផ្សព្វផ្សាយអន្តរជាតិបណ្ដុះបណ្ដាលសារព័ត៌មាន និងការផ្ទេរចំណេះដឹង ប្រទេសអាល្លឺម៉ង់។
លោកស្រីបានបន្តថា ការបង្កើត Telegram Chatbot @MILSelflerningBot មានគោលបំណង ដើម្បីលើកកម្ពស់កម្មវិធីស្វ័យសិក្សា តាមរយៈការផ្តល់ជូននូវមេរៀនឯកសារ វីដេអូ រូបភាព សំណួរចម្លើយ និងព័ត៌មានសំខាន់ជុំវិញចំណេះដឹងស្ដីពីអក្ខរកម្មប្រព័ន្ធផ្សព្វផ្សាយ និងព័ត៌មាន។ លើកកម្ពស់កម្មវិធីអប់រំបែបឌីជីថល បង្កើនភាពងាយស្រួលដល់ការសិក្សាស្រាវជ្រាវដែលអាចប្រើប្រាស់បានគ្រប់ពេលវេលា គ្រប់ទីកន្លែង និងមានភាពបត់បែន។
កសាងជំនាញភាពជាពលរដ្ឋឌីជីថល អភិវឌ្ឍន៍ការគិតបែបត្រិះរិះពិចារណា ការវាយតម្លៃ និងទប់ស្កាត់ការបោកបញ្ឆោតដោយសារព័ត៌មានមិនពិត និងជំនួយគ្រូបង្រៀន លើកកម្ពស់ការចូលរួមរបស់សិស្សក្នុងកម្មវិធីសិក្សាប្រកបដោយប្រសិទ្ធភាព វាស់ស្ទង់កម្រិត នៃការចេះដឹង និងបំណិនផ្នែកអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន។
លោកស្រីបានបន្តទៀតថា មុខងារសំខាន់របស់ Telegram Chatbot @MILSelflerningBot មានដូចជាបញ្ជីមាតិកា ឬកន្លែងប្រមូលព័ត៌មានពាក់ព័ន្ធ និងចំណេះដឹងអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន ការស្វែងរកមាតិកា (អត្ថបទ រូបភាព វីដេអូ និងសំណួរចម្លើយ) ដែលអាចស្វែងរកតាម ពាក្យគន្លឹះ ឬពាក្យបញ្ជា ទទួលបានសារជូនដំណឹងដោយស្វ័យប្រវត្តិ មានដូចជា គន្លឹះ នៃការពារសុវត្ថិភាពនៅលើអ៊ីនធឺណិត ឬការជូនដំណឹងថ្មី។
លោកស្រីបានបញ្ជាក់ថា ដើម្បីប្រើប្រាស់ Telegram Chatbot@MILSelflerningBot សូមចូលទៅក្នុងកម្មវិធីតេឡេក្រាម ក្នុងប្រអប់ស្វែងរក រួចវាយពាក្យ @MILSelflerningBot – បន្ទាប់មកសូមជ្រើសរើស ភេទ ទីកន្លែងដែលកំពុងរស់នៅ និងអាយុ ហើយបន្ទាប់មកសូមចុចលើពាក្យ /start ដើម្បីចូលទៅសិក្សា និងស្វែងយល់រាល់មាតិកា ដែលមានក្នុង @MILSelflerningBot៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ