ក្រសួងចំនួន៣ កំពុងបើកទទួលពាក្យ សម្រាប់ការប្រឡងប្រជែងក្លាយជាមន្ត្រីរាជការស៊ីវិល

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានឱ្យដឹងថា ក្រសួងចំនួន៣ គឺក្រសួងកសិកម្មរុក្ខប្រមាញ់ និងនេសាទ ក្រសួងសេដ្ឋកិច្ច និងហិរញ្ញវត្ថុ ក្រសួងមុខងារសាធារណៈ កំពុងបើកទទួលពាក្យ សម្រាប់ការប្រឡងប្រជែងក្លាយជាមន្ត្រីរាជការស៊ីវិលចូលបម្រើការងារក្នុងក្របខណ្ឌ។

ចំពោះការប្រឡងប្រជែងនេះ រួមមានជ្រើសរើសមន្ត្រីកសិកម្មឃុំចំនួន ១ ០០០កន្លែង សម្រាប់ក្របខណ្ឌក្រសួងកសិកម្ម រុក្ខាប្រមាញ់ និងនេសាទ។ មន្ត្រីនៃអគ្គនាយកដ្ឋានរតនាគារជាតិ ចំនួន ១០០កន្លែង សម្រាប់ក្របខណ្ឌក្រសួងសេដ្ឋកិច្ច និងហិរញ្ញវត្ថុ។ សិស្សមន្ត្រីក្រមការជំនាន់ទី១១ ចំនួន ១៨០កន្លែង និងសិស្សមន្ត្រីជាន់ខ្ពស់ជំនាន់ទី១៣ ចំនួន ៥០កន្លែង ដើម្បីចូលសិក្សានៅសាលាភូមិន្ទរដ្ឋបាល។

បើតាមឯកឧត្តមឧបនាយករដ្ឋមន្ត្រី ហ៊ុន ម៉ានី ការប្រឡងប្រជែងនេះ ជាការអនុវត្តវិធានការគន្លឹះទី១ ក្នុងការកែទម្រង់រដ្ឋបាលសាធារណៈ ពោលគឺការប្រឡងប្រជែងទាំងអស់ត្រូវ អនុលោមគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាពÇ ចេះគឺជាប់ ជាប់ដោយមោទន និងធ្លាក់ដោយអស់ចិត្តÈ។

សូមស្វែងរកតំណភ្ជាប់ និងតាមរយៈការស្កែនដែលមានភ្ជាប់ជូនដើម្បីដាក់ពាក្យចូលរួមប្រឡងប្រជែង៕

(១)មន្ត្រីកសិកម្មឃុំ https://go.gov.kh/era/agric1000

(២)មន្ត្រីនៃអគ្គនាយកដ្ឋានរតនាគារជាតិ https://go.gov.kh/era/eco01

(៣)សិស្សមន្ត្រីក្រមការ https://go.gov.kh/era/mcskkr

(៤)សិស្សមន្ត្រីជាន់ខ្ពស់ https://go.gov.kh/era/mcsehf