ព័ត៌មានជាតិ
រកឃើញឈើកប់ក្នុងដី អ្នកភូមិអះអាងមានអាយុរាប់ពាន់ឆ្នាំ កំពុងវិវត្តន៍ទៅជាដែក
ឈើកប់នៅក្នុងដីប្រវែងជាង ២០ ម៉ែត្រ ដែលអ្នកភូមិអះអាងថាមានអាយុកាលជាច្រើនពាន់ឆ្នាំបានក្លាយទៅជាថ្ម ហើយដែលប្រជាពលរដ្ឋជនជាតិព្រៅនាំគ្នាអភិរក្សទុកជាសម្បត្តិវប្បធម៌ផ្នែកសាសនា និងបម្រើឲ្យវិស័យទេសចរណ៍ខណៈពិនិត្យឃើញថាសម្បត្តិធម្មជាតិមួយនេះកំពុងវិវត្តពីថ្មទៅជាដែកបន្ថែមទៀត។
លោក ភូ មុត តំណាងឱ្យប្រជាពលរដ្ឋអ្នកភូមិជនជាតិព្រៅបានបញ្ជាក់ថា ទីតាំងថ្មកើតពីឈើនេះ នៅចំណុចខ្នងភ្នំនាងតែងស្ថិតក្នុងភូមិកាតូតឃុំកំភុន ស្រុកសេសាន ដែលជាសម្បត្តិធម្មជាតិមួយ មានអាយុកាលមិនក្រោម ២.០០០ឆ្នាំនោះទេ ហើយក៏ចាត់ទុកជាធនធានដ៍កម្រមួយដែលបានរកឃើញនៅក្រោមដី ដោយសារការជីកកកាយទីទួលយកដីមកធ្វើផ្លូវ មានជម្រៅពី ៦ ទៅ ៧ ម៉ែត្រ។
លោកបន្ថែមថា ប្រជាពលរដ្ឋនិងអាជ្ញាធរពាក់ពន្ធ័នៅក្នុងភូមិការតូត រិះរកវិធីអភិរក្សទុកសម្រាប់កូនចៅជំនាន់ក្រោយ ឱ្យបានឃើញនិងបានស្គាល់ ព្រោះថ្ងៃអនាគតវានឹងក្លាយទៅជាវត្ថុមានតម្លៃនៅក្នុងភូមិ។
លោក សុវណ្ណ ពិសេដ្ឋ អភិបាលស្រុកបានឱ្យបងប្អូនជនជាតិនៅភូមិកាតតូត នាំគ្នាអភិរក្សឱ្យបានគង់វង្សព្រោះវាមានតម្លៃទៅលើវិស័យទេសចរណ៍អាចទាក់ទាញភ្ញៀវមកទស្សនាបាន ហើយសហគមន៍ជនជាតិដើមភាគតិចព្រៅត្រូវរួមគ្នារៀបចំអភិវឌ្ឍតំបន់នេះ ជាតំបន់រមនីយដ្ឋានបែបវប្បធ៌ម។
លោកបន្តថា ទីទួលដែលទើបរកឃើញឈើថ្មនេះ គណៈកម្មការភូមិឃុំស្រុកទទួលបានការឯកភាពពីអភិបាលខេត្ត ឱ្យរៀបចំជាទីសក្ការៈជនជាតិដើមភាគតិចផង និងអាចបង្កើតជាកន្លែង (វត្តគីរីរុក្ខារាមការតូត) ដើម្បីការពារសម្បត្តិធម្មជាតិ ឱ្យបានសមតាមបំណងរបស់ប្រជាពលរដ្ឋចង់បាន។
លោក ខាវ វិន មេភូមិជនជាតិកាតូតបានគាំទ្រការផ្តួចផ្តើមរៀបចំតំបន់ទេសចរណ៍នៅលើខ្នងភ្នំនាងតែងនេះ ហើយប្រជាពលរដ្ឋជនជាតិដើមភាគតិចនឹងរួមគ្នា ស្វែងរកការជួយវិនិយោគពីអ្នកពាក់ព័ន្ធផ្សេងៗបន្ថែមទៀត ដើម្បីឱ្យដំណើរការទៅបានឆាប់ សម្រាប់ប្រយោជន៍ជនជាតិដើមភាគតិចកំពុងរស់នៅភូមិការតូតនេះ។
ឈើថ្មនេះមានទំហំមុខកាត់ជិតពីរម៉ែត្រប្រវែងប៉ាន់ស្មានជាង ២០ ម៉ែត្រ ត្រូវបានក្រុមហ៊ុនធ្វើផ្លូវកាយយកដីប្រទះឃើញកាលពីខែកក្កដា ឆ្នាំ២០២៤ កន្លងទៅ ខណៈកាប់កាយដីជម្រៅប្រមាណជិត ១០ ម៉ែត្រ នៅលើទីទួលខ្នងភ្នំនាងតែង ក្នុងភូមិការតូត ដែលចូលពីចំណុចផ្លូវជាតិលេខ៧ ស្ទឹងត្រែង រតនគីរី ប្រមាណជាង ៣ គីឡូម៉ែត្រ ហើយឈើថ្មនេះ មានស្ថានរូបរាងឈើក្លាយជាថ្ម ដែលចាស់ទំ ពីបុរាណហៅថា (ដើមគគីថ្ម)៕
អត្ថបទ៖ ងិនលីម
-
ជីវិតកម្សាន្ដ២ ថ្ងៃ ago
២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៤ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ជីវិតកម្សាន្ដ២ ថ្ងៃ ago
ធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
សន្តិសុខសង្គម១ ថ្ងៃ ago
ឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
កីឡា៤ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ៧ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ជីវិតកម្សាន្ដ១ ថ្ងៃ ago
យល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ២៣ ម៉ោង ago
ចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា