ព័ត៌មានជាតិ
ការអនុវត្តគម្រោងកម្មវិធីវិនិយោគបីឆ្នាំរំកិលរបស់រដ្ឋបាលខណ្ឌទួលគោក គម្រោងអាទិភាពឆ្នាំ ២០២៥ មានជាង ៩០ គម្រោង និងស្នើសុំគាំទ្រជាង ៦០ គម្រោង
ការអនុវត្តគម្រោងកម្មវិធីវិនិយោគបីឆ្នាំរំកិល របស់រដ្ឋបាលខណ្ឌទួលគោក សម្រាប់គម្រោងជាអាទិភាព ឆ្នាំ ២០២៥ មានចំនួន ៩២ គម្រោង ក្នុងនោះ រដ្ឋបាលខណ្ឌ មានថវិកាគាំទ្រចំនួន ២៩ គម្រោង និងគម្រោងត្រូវដាក់ស្នើសុំការគាំទ្រចំនួន ៦៣ គម្រោង។ គម្រោងទាំងនេះ មានទាំងគម្រោងផ្នែកសេដ្ឋកិច្ច ,ផ្នែកសង្គមកិច្ច ,ផ្នែកគ្រប់គ្រងដីធ្លីធនធានធម្មជាតិបរិស្ថាន ,ផ្នែកសេវាកម្ម រដ្ឋបាល និងសន្តិសុខ។
នេះជាការបង្ហាញឲ្យដឹងក្នុងអង្គសិក្ខាសាលាសមាហរណកម្ម នៃកម្មវិធីវិនិយោគបីឆ្នាំរំកិល ខណ្ឌ-សង្កាត់ ឆ្នាំ ២០២៥-២០២៧ នាព្រឹកថ្ងៃទី ២៨ តុលា នេះ ក្រោមអធិបតីភាព លោក ឯក ឃុនដឿន អភិបាលរងរាជធានីតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ នៅសាលាខណ្ឌទួលគោក។
លោក ឯក ឃុនដឿន បានមានប្រសាសន៍ថា ការរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៥-២០២៧ របស់សង្កាត់-ខណ្ឌ នេះ មានគោលបំណង ដើម្បីផ្សព្វផ្សាយគម្រោងវិនិយោគជាអាទិភាពឆ្នាំ ២០២៥ របស់រដ្ឋបាលខណ្ឌ ផ្សព្វផ្សាយគម្រោងវិនិយោគជាអាទិភាពឆ្នាំ ២០២៥ របស់រដ្ឋបាលសង្កាត់ និងការស្នើសុំការគាំទ្រគម្រោងពីមន្ទីរ អង្គភាពជំនាញ អង្គការដៃគូអភិវឌ្ឍន៍នានា វិស័យឯកជន និងសប្បុរសជន ដើម្បីគាំទ្រគម្រោងអភិវឌ្ឍន៍របស់សង្កាត់ និងខណ្ឌ។
លោកបន្តថា ជារៀងរាល់ឆ្នាំ នៅតាមសាលាខណ្ឌនីមួយៗ តែងតែបានរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលរបស់សង្កាត់-ខណ្ឌ តាមការណែនាំរបស់ថ្នាក់ជាតិ ហើយឆ្នាំនេះ សិក្ខាសាលាសមាហរណកម្មបានចាប់ផ្ដើមពីថ្ងៃទី ២៣ ខែតុលា ដល់ថ្ងៃទី ០៦ ខែវិច្ឆិកា ឆ្នាំ ២០២៤ នៅតាមសាលាខណ្ឌនីមួយៗ។
នាឱកាសនោះដែរ លោក ឯក ឃុនដឿន ក៏បានណែនាំដល់មន្ទីរជំនាញ អង្គភាពនានា ពិនិត្យលទ្ធភាពថា តើគម្រោងណាខ្លះដែលគួរគាំទ្រដល់ថ្នាក់ខណ្ឌ និងគម្រោងណាខ្លះគួរគាំទ្រដល់ថ្នាក់សង្កាត់។ សម្រាប់មន្ទីរ អង្គភាពជំនាញ ដៃគូអភិវឌ្ឍន៍ វិស័យឯកជន និងសប្បុរសជន ដែលបានសន្យាជួយគាំទ្រគម្រោង ត្រូវបញ្ចូលក្នុងផែនការសកម្មភាពប្រចាំឆ្នាំ ២០២៥ របស់ខ្លួន ហើយខិតខំអនុវត្តឲ្យបានទាន់ពេលវេលា និងមានប្រសិទ្ធភាព ទៅតាមការសន្យាគាំទ្រ និងផែនការដែលបានគ្រោងទុក។ ប្រសិនបើគម្រោងដែលទទួលបានការគាំទ្រនៅពេលនេះហើយ ប៉ុន្តែមិនបានអនុវត្ត សូមជូនដំណឹងដល់ខណ្ឌ ឬ សង្កាត់ ឲ្យបានដឹងផង។
លោក ជា ពិសី អភិបាលខណ្ឌទួលគោក បានលើកឡើងដែរថា សិក្ខាសាលាសមាហរណកម្ម នៃកម្មវិធីវិនិយោគបីឆ្នាំរំកិល ២០២៥-២០២៧ របស់សង្កាត់-ខណ្ឌ បានរៀបចំឡើងស្របតាមផែនការអភិវឌ្ឍន៍ប្រាំឆ្នាំ ទាំងរបស់សង្កាត់ និងខណ្ឌ ដែលចាំបាច់ត្រូវមានការចូលរួមគាំទ្រពីសំណាក់ដៃគូអភិវឌ្ឍន៍ វិស័យឯកជន និងសប្បុរសជននានា ដើម្បីឲ្យគម្រោងបានរៀបចំ ឆ្លុះបញ្ចាំងពីតម្រូវការជាអាទិភាពនៅថ្នាក់មូលដ្ឋាន។
លោកបន្តថា ការរៀបចំគម្រោងផែនការអភិវឌ្ឍន៍ ខណ្ឌ និងសង្កាត់ ទទួលបានជោគជ័យលុះត្រាតែមានការចូលរួម និងគាំទ្រពីប្រជាពលរដ្ឋក្នុងមូលដ្ឋាន មន្ទីរ អង្គភាពជំនាញ ដៃគូអភិវឌ្ឍន៍ វិស័យឯកជន និងសប្បុរសជននានា។
គួរបញ្ជាក់ថា ការអនុវត្តគម្រោងកម្មវិធីវិនិយោគបីឆ្នាំរំកិល របស់រដ្ឋបាលខណ្ឌទួលគោក ដែលទទួលបានការគាំទ្រក្នុងសិក្ខាសាលាសមាហរណកម្មឆ្នាំ ២០២៣ បានអនុវត្តឆ្នាំ ២០២៤ និងគម្រោងជា អាទិភាពសម្រាប់ឆ្នាំ ២០២៥ ទទួលបានការគាំទ្រសរុបចំនួន ៧៩ គម្រោង អនុវត្តសម្រេចបាន ៧៩ គម្រោង ស្មើ ១០០% ក្នុងនោះរួមមាន ៖ ផ្នែកសេដ្ឋកិច្ចចំនួន ១៩ គម្រោង លើ ១៩ គម្រោង។ ផ្នែកសង្គមកិច្ចចំនួន ២៩ គម្រោង លើ ២៩ គម្រោង។ ផ្នែកធនធានធម្មជាតិ បរិស្ថាន និងការប្រែប្រួលអាកាសធាតុ ចំនួន ១៤ គម្រោង លើ ១៤ គម្រោង។ ផ្នែករដ្ឋបាល និងសន្តិសុខសណ្ដាប់ធ្នាប់សាធារណៈចំនួន ១៧ គម្រោង លើ ១៧ គម្រោង។
គម្រោងជាអាទិភាព ឆ្នាំ ២០២៥ មានចំនួន ៩២ គម្រោង ក្នុងនោះរដ្ឋបាលខណ្ឌមានថវិកាគាំទ្រ ចំនួន ២៩ គម្រោង និងគម្រោងដែលត្រូវដាក់ស្នើសុំការគាំទ្រក្នុងសិក្ខាសាលាសមាហរណកម្មនាពេលនេះ មានចំនួន ៦៣ គម្រោង ក្នុងនោះរួមមាន ៖ ផ្នែកសេដ្ឋកិច្ចចំនួន ១៦ គម្រោង ,ផ្នែកសង្គមកិច្ចចំនួន ២៦ គម្រោង ,ផ្នែកគ្រប់គ្រងដីធ្លីធនធានធម្មជាតិបរិស្ថានចំនួន ១០ គម្រោង ,ផ្នែកសេវាកម្ម រដ្ឋបាល និងសន្តិសុខចំនួន ១១ គម្រោង៕
អត្ថបទ ៖ ស្រីរ័ត្ន
អេហ្ស៊ីប ស្នើបទឈប់បាញ់២ថ្ងៃនៅហ្គាហ្សា ដើម្បីដោះដូរចំណាប់ខ្មាំងអ៊ីស្រាអែល និងប៉ាឡេស្ទីន
តម្លៃ និងទិន្នផលផ្លែមៀនប៉ៃលិនមានភាពល្អប្រសើរនាឆ្នាំនេះ
ដើម្បីឈ្នះរង្វាន់៥០ដុល្លារ មនុស្សជាច្រើននាក់មុខដូច Timothee Chalamet ផ្ដុំគ្នាផ្អើលទីក្រុងញូវយ៉ក
ការអនុវត្តគម្រោងកម្មវិធីវិនិយោគបីឆ្នាំរំកិលរបស់រដ្ឋបាលខណ្ឌទួលគោក គម្រោងអាទិភាពឆ្នាំ ២០២៥ មានជាង ៩០ គម្រោង និងស្នើសុំគាំទ្រជាង ៦០ គម្រោង
វៀតណាមរំពឹងកើបចំណូល ២ ប៊ីលានដុល្លារ ពីការនាំចេញផលិតផលសិប្បកម្ម នៅឆ្នាំ ២០២៤
ប្រទេសមានសង្រ្គាម បែរជាមានចំណាត់ថ្នាក់ប្រព័ន្ធយុត្តិធម៌ល្អជាង ប្រទេសមានសន្តិភាព តើសមហេតុផលទេ?
ឃាត់ខ្លួនកូនបង្កើត និងបក្ខពួកបន្ទាប់ពីរៀបផែនការលួចម៉ូតូ និងកាប់ឪពុកខ្លួនឯងរបួសធ្ងន់
ព្យុះ ត្រាមី បង្កទុក្ខវេទនាខ្លាំងនៅហ្វីលីពីន, មនុស្សស្លាប់និងបាត់ខ្លួន កើនដល់ ១៣៦នាក់
បាត់មុខជិត៣ឆ្នាំ យូធូប Li Ziqi វិលមកវិញរូបរាងខុសមុនឆ្ងាយ
ទូរទស្សន៍មីយ៉ាន់ម៉ា៖ Htoo Ant Lwin នឹងប្រគល់មកុដជូនលោកណាវ៉ាត់វិញ ហើយលាលែងតំណែងជា ND
-
ជីវិតកម្សាន្ដ៥ ថ្ងៃ ago២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៧ ថ្ងៃ agoទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
សន្តិសុខសង្គម៤ ថ្ងៃ agoឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
ជីវិតកម្សាន្ដ៥ ថ្ងៃ agoធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
កីឡា១ សប្តាហ៍ agoម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ៤ ថ្ងៃ agoចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា
-
ជីវិតកម្សាន្ដ៤ ថ្ងៃ agoយល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ៧ ថ្ងៃ agoតាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ