ព័ត៌មានជាតិ
រដ្ឋបាលរាជធានី មិនដែលហាមឃាត់ ឬរំខានសកម្មភាពនានារបស់ អង្គការសង្គមស៊ីវិលម្តងណាទេ បើសិនជាស្របច្បាប់
លោក កើត ឆែ អភិបាលរងរាជធានីភ្នំពេញ បានលើកឡើងថា រដ្ឋបាលរាជធានីភ្នំពេញ មិនដែលបានហាមឃាត់ ឬ រំខានចំពោះសកម្មភាពនានារបស់អង្គការសង្គមស៊ីវិលម្ដងណាទេ បើសិនជាអង្គការទាំងនោះធ្វើសកម្មភាពរបស់ខ្លួនដោយស្របច្បាប់។
ការលើកឡើងរបស់ លោក កើត ឆែ បែបនេះ បានធ្វើឡើងកាលពីព្រឹកថ្ងៃទី ២៨ តុលា នេះ ក្នុងវេទិកាសន្ទនាជាមួយអង្គការសង្គមស៊ីវិលនៅរាជធានីភ្នំពេញ ក្រោមប្រធានបទស្ដីពីការឈ្វេងយល់អំពីតួនាទីសង្គមស៊ីវិលក្នុងក្របខណ្ឌយុទ្ធសាស្ត្របញ្ចកោណដំណាក់កាលទី ១ នៅសាលប្រជុំ នៃរាជបណ្ឌិត្យសភាកម្ពុជា។
វេទិកានេះបានប្រព្រឹត្តទៅដោយមានការអញ្ជើញចូលរួមពី លោក កឹមរត្ន័ វិសិដ្ឋ នាយករងខុទ្ទកាល័យ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា,រដ្ឋលេខាធិការទីស្ដីការ គណៈរដ្ឋមន្ត្រី និងជាប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល និងលោក កើត ឆែ អភិបាលរង និងជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ។
លោក កើត ឆែ បានមានប្រសាសន៍ថា ជាការពិតរាជរដ្ឋាភិបាលកម្ពុជាបានចាត់ទុកសមាគម និងអង្គការមិនមែនរដ្ឋាភិបាល គឺជាដៃគូដ៏មានសារៈសំខាន់ក្នុងការផ្តល់ និងគាំទ្រដល់សេវាសង្គម បច្ចេកទេស សុខភាពនៅតាមមូលដ្ឋានជនបទ សហគមន៍ក្រីក្រ តំបន់មិនរៀបរយ និងបំពេញ បន្ថែមនូវភាពមិនពេញលេញ នៃការផ្តល់សេវាសាធារណៈរបស់អាជ្ញាធរមូលដ្ឋាន ដើម្បីជំរុញកំណើនសេដ្ឋកិច្ច សង្គមកិច្ច កាត់បន្ថយភាពក្រីក្រ ក្នុងនោះរាជរដ្ឋាភិបាល ក៏ដូចរដ្ឋបាលថ្នាក់ក្រោមជាតិ តែងបានលើកទឹកចិត្តតាមគ្រប់រូបភាពដល់សមាគម,អង្គការមិនមែនរដ្ឋាភិបាលទាំងក្នុងស្រុក និងបរទេសទាំងអស់ដែលកំពុងធ្វើសកម្មភាពស្របច្បាប់បម្រើប្រជាពលរដ្ឋនៅមូលដ្ឋាន ហើយរដ្ឋបាលរាជធានីភ្នំពេញ មិនដែលបានហាមឃាត់ ឬ រំខានចំពោះសកម្មភាពរបស់សមាគម ឬ អង្គការសង្គមស៊ីវិលម្តងណាទេ បើសមាគម ,ឬ អង្គការសង្គមស៊ីវិលនោះ ធ្វើសកម្មភាពដោយស្របច្បាប់។
លោក កើត ឆែ បញ្ជាក់ថា ការជួបជុំគ្នាពេលនេះ មិនមែនចៅហ្វាយនាយ ជាមួយកូនចៅនោះទេ តែជាដៃគូអភិវឌ្ឍន៍។ បើជាដៃគូហើយ គឺយើងរួមគ្នាដើរលើផ្លូវតែមួយ មានគោលដៅតែមួយ គឺការអភិវឌ្ឍប្រទេសជាតិជាមួយគ្នា មិនមែនខ្វែងគំនិតគ្នាទេ សុំធ្វើសកម្មភាពដោយស្របច្បាប់។
នាឱកាសនោះដែរ លោក កឹមរត្ន័ វិសិដ្ឋ បានគូសបញ្ជាក់ដែរថា រាជរដ្ឋាភិបាល បានផ្តល់សារៈសំខាន់ និងផ្តល់ឱកាសដល់សមាគម.អង្គការក្រៅរដ្ឋាភិបាលក្នុងភាពជាដៃគូ និងមានភាពស្មោះត្រង់ បំពេញចំណុចខ្វះខាតឱ្យគ្នាទៅវិញទៅមក ជជែកគ្នារកហេតុផល មិនមែនតឹងសរសៃកដាក់គ្នាទេ។ ជាមួយគ្នានេះ លោកសូមឱ្យសមាគម.អង្គការមិនមែនរដ្ឋាភិបាល ត្រូវស្វែងយល់ពីអត្ថន័យ និងខ្លឹមសារ នៃនយោបាយបញ្ចកោណដំណាក់កាលទី ១ របស់រាជរដ្ឋាភិបាលអាណត្តិទី ៧ ឱ្យបានច្បាស់លាស់ទើបយើងធ្វើសកម្មភាពចំគោលដៅ។ លោកបន្តទៀតថា យើងខ្មែរតែ ១ មិនត្រូវស្តាប់អ្នកមិនមែនខ្មែរ និងត្រូវរក្សាឱ្យបានសន្តិភាព គ្មានសន្តិភាព គ្មានអ្វីៗ ទាំងអស់។
លោក កឹមរ័ត្ន វិសិដ្ឋ បានលើកជាឧទាហរណ៍ថា ប្រទេសកំពុងមានសង្គ្រាមនៅមជ្ឈិមបូព៌ា នៅអ៊ុយក្រែនជាដើម តើអង្គការសង្គមស៊ីវិល ឬ សកម្មភាពសង្គមទាំងឡាយ អាចធ្វើសកម្មភាពបានទេ? យើងត្រូវយល់តម្លៃ នៃសន្តិភាព។
នាឱកាសនោះដែរ ក៏មានការបកស្រាយពីមន្ត្រីជំនាញលើការប្រតិបត្តិគោលនយោបាយបញ្ចកោណ និងអត្ថប្រយោជន៍ នៃការប្រើប្រាស់ប្រព័ន្ធគាំពារសុខុមាលភាពសង្គម(ប.ស.ស)ផងដែរ៕
អត្ថបទ ៖ ស្រីរ័ត្ន
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
អ្នកនិយមស្ទីមសូណា! ឧកញ៉ា យឹម តាស្រង់ ឱ្យយោបល់ថា កុំសូណាម្នាក់ឯង ព្រោះបើគាំងបេះដូងគ្មានអ្នកដឹង
-
សន្តិសុខសង្គម២០ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២០ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច