ខេត្តតាកែវ នឹងរៀបចំពិធីបុណ្យអុំទូកចាប់ពីថ្ងៃ​ស្អែក​នេះ​នៅបឹងតាកែវ

ដើម្បីចូលរួមអបអរសាទរព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នាពេលខាងមុខនេះ រដ្ឋបាលខេត្តតាកែវ បានរៀបចំពីធីនេះនៅថ្ងៃទី១ និងថ្ងៃទី២ ខែវិច្ឆិកា នៅទីតាំងបឹងតាកែវតែម្តង។​ ក្រៅពីរៀបចំការប្រណាំងទូក​ ក្នុងឱកាសនោះដែរក៏មានការប្រគុំតន្ត្រី​ ការតាំងលក់ផលិតផលយ៉ាងសម្បូរបែប​ ទាំងសម្ភារប្រេីប្រាស់ ​និងម្ហូបអាហារជាច្រេីនមុខ។

តាមការបញ្ជាក់ពីគណៈកម្មការរៀបចំពិធីនៃរដ្ឋបាលខេត្តតាកែវឲ្យដឹងដែរថា​ សម្រាប់ទូកដែលត្រៀមចូលរួមប្រណាំង មានចំនួន ៣៩ទូក ក្នុងនោះទូក​ កិត្តិយសមាន២ទូក​ ទូកមកពីបណ្ដាស្រុក ក្រុងទាំង១០ ចំនួន២០ទូក និងតាមបណ្ដា មន្ទីរ អង្គភាពជុំវិញខេត្ត១៧ទូក​ ចូលរួមប្រឡងប្រណាំងផងដែរ ដើម្បីអបអរសាទរព្រះរាជពិធីបុណ្យអុំទូក បណ្ដែតប្រទីប អកអំបុកនិងសំពះព្រះខែ៕

អត្ថបទ៖ វីរៈ