ព័ត៌មានជាតិ
អភិបាលរាជធានី ចុះពិនិត្យការដ្ឋានជួសជុលស្ថាបនាផ្លូវបេតុងដែលបាក់ អបប្រឡាយស្ទឹងមានជ័យ និងជំរុញការងារឱ្យលឿន
កំណាត់ផ្លូវបេតុងអបប្រឡាយស្ទឹងមានជ័យ ស្ថិតក្នុងសង្កាត់ស្ទឹងមានជ័យទី ២ ខណ្ឌមានជ័យ ដែលបាក់ស្រុត កាលពីជាង ១ ខែ មុននោះ បានជួសជុលស្ថាបនាឡើងវិញច្រើនភាគរយហើយ។
ដើម្បីជំរុញការជួសជុល និងស្ថាបនា ផ្លូវបេតុងនេះឡើងវិញ ឱ្យទទួលបានគុណភាព ស្របតាមស្តង់ដារបច្ចេកទេស នាវេលាថ្ងៃត្រង់ ទី ៣១ ខែតុលា នេះ លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំមន្ត្រីជំនាញ ចុះពិនិត្យមើលការដ្ឋាននេះ និងណែនាំក្រុមការងារស្ថាបនាកំណាត់ផ្លូវនេះឱ្យបានលឿន ជាមួយនឹងការអនុវត្តការងារទៅតាមស្តង់ដារបច្ចេកទេស។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់ផងដែរថា អនុវត្តតាមការណែនាំរបស់ លោក ឃួង ស្រេង ក្រុមការងារបានសម្រុកអនុវត្តការងារជួសជុលស្ថាបនាផ្លូវបេតុងនេះឡើងវិញយ៉ាងយកចិត្តទុកដាក់ ដោយបានកាយដីស្អុយខាងក្រោមចេញអស់ ចាក់ខ្សាច់ចូល រួចកិនបង្ហាប់ ទោះទឹកហូរច្រោះខាងក្រោមក៏មិនមានបញ្ហាដែរ ព្រោះបានជីកយកដីស្អុយចេញអស់រហូតដល់ស្រទាប់ដីរឹងហើយ។
នាឱកាសនោះដែរ លោក ឃួង ស្រេង បានណែនាំក្រុមការងារយកចិត្តទុកដាក់អនុវត្តការងារនេះឱ្យបានល្អ ចំពោះទីតាំងផ្លូវបេតុងដែលបាក់បានកាយដីស្អុយចេញ ចាក់ខ្សាច់ កិនបង្ហាប់រួចរាល់ហើយ មិនមានបញ្ហាត្រូវបាក់បន្តទៀតទេ។ អ្វីដែលជាបញ្ហានោះ នៅទីតាំងជាប់ៗ គ្នានេះ ក៏បានរងការបាក់ ស្រុតច្រាំងប្រឡាយដែរ ដូច្នេះស្នើឱ្យក្រុមការងារបន្តជីកកាយយកដីស្អុយចេញ ចាក់ខ្សាច់កិនបង្ហាប់ កុំឱ្យបាក់បន្ថែមដល់ផ្លូវបេតុងទៀត។ ក្រោយការចាក់ខ្សាច់កិនបង្ហាប់ហើយ ចាក់ផ្លូវបេតុងដូចមុនតែម្ដង ដើម្បីសម្រួលដល់ការធ្វើដំណើរជូនប្រជាពលរដ្ឋ។
គួរបញ្ជាក់ថា កំណាត់ផ្លូវបេតុងអបប្រឡាយស្ទឹងមានជ័យ បានបាក់ស្រុតជាបណ្តើរៗ កាលពីថ្ងៃទី ២៣ កញ្ញា កន្លងមកនេះ ហើយដោយមានការយកចិត្តទុកដាក់ពី លោក ឃួង ស្រេង កាលណោះ លោកបានធ្វើដំណើរយ៉ាងបន្ទាន់ ចេញពីខេត្តមណ្ឌលគីរីឆ្ពោះមកកាន់រាជធានីភ្នំពេញ ដើម្បីដឹកនាំមន្ត្រីជំនាញ និងអាជ្ញាធរដែនដី ចុះពិនិត្យមើលស្ថានភាព នៃការបាក់កំណាត់ផ្លូវបេតុងអបប្រឡាយស្ទឹងមានជ័យនេះភ្លាមៗ។ ពោលក្រោយពីលោកបានដឹកនាំប្រតិភូសាលារាជធានីភ្នំពេញ ចុះសួរសុខទុក្ខ និងចែកអំណោយដល់កងទ័ពជួរមុខ ខេត្តព្រះវិហារ ខេត្តស្ទឹងត្រែង និងការធ្វើទស្សនកិច្ចមើលបង្គោលព្រំដែនលេខ ៦៥ ឡាប៉ាខេ (កម្ពុជា-វៀតណាម) ក្នុងភូមិអូអាម ឃុំស្រែខ្ទុំ ស្រុកកែវសីមា ខេត្តមណ្ឌលគីរី។
ក្នុងការចុះពិនិត្យកាលណោះ លោក ឃួង ស្រេង បានណែនាំឱ្យមន្ទីរសាធារណការ និងដឹកជញ្ជូនរាជធានីភ្នំពេញ ប្រើប្រាស់កម្លាំងជំនាញ ដាក់ប៉ារ៉ាសបិទផ្លូវ ធ្វើការជួសជុលកំណាត់ផ្លូវដែលបាក់ស្រុតនេះឡើងវិញភ្លាមៗ។
ចំពោះកំណាត់ផ្លូវបេតុងដែលបាក់ស្រុតនេះមាន(ប្រវែង ១៤៦ ម៉ែត្រ ទទឹង ៥ ម៉ែត្រ) ស្ថិតនៅចំណុចខាងត្បូងស្ពានអាកាសស្ទឹងមានជ័យ ក្នុងសង្កាត់ស្ទឹងមានជ័យទី ២ ខណ្ឌមានជ័យ។ ចំពោះមូលហេតុ នៃការបាក់ស្រុតផ្លូវនេះ ដោយសារភ្លៀងធ្លាក់ខ្លាំង ជាប់គ្នាច្រើនថ្ងៃ ទើបបណ្ដាលឱ្យទឹកហូរច្រោះដីខាងក្រោមផ្លូវ និងធ្វើឱ្យដីទន់ជ្រាយរអិលទាំងតួថ្នល់ និងបេតុង ទើបមានការបាក់ស្រុតបែបនេះតែម្ដង៕
អត្ថបទ ៖ ស្រីរ័ត្ន
អ្នកនាំពាក្យ ថា ACU កំពុងព្យាយាមទាក់ទងបុគ្គល៤រូបទៀតឱ្យមកប្រកាសទ្រព្យសម្បត្តិ
ពិធីករសង្ហា ជា រ៉េយម៉ុន វិលចូលរួម Mr World 2025 ខណៈមានការទទួលស្គាល់ថា ជាបេក្ខភាពដ៏ស័ក្តិសម
ត្រាំ ប្រាប់ភ្នាក់ងាររដ្ឋាភិបាលថា «មុនរើសបុគ្គលិកម្នាក់ ត្រូវបញ្ឈប់៤នាក់សិន»
ឆ្នាំ ២០២៤ ខេត្តក្រចេះដាក់គោលដៅតាមផ្លូវជាតិពីរកន្លែង ឃាត់ពិនិត្យរថយន្តបានជិត ២ ពាន់គ្រឿង
Ariana មិនខ្វល់ឡើយការរិះគន់ឥតបានការ គ្រាន់តែការពារខ្លួនឲ្យល្អ
ហ្សេលេនស្គី៖ អ៊ុយក្រែនត្រៀមខ្លួនប្រគល់ទឹកដីដូរយកសន្តិភាពហើយ
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
ហេតុការណ៍បំផ្ទុះគ្រាប់បែកអត្តឃាតកក្រើកឡើងជាថ្មីនៅអាហ្វហ្គានីស្ថាន
ហ្វូងសត្វជ្រឹងរាប់ពាន់ក្បាលនៅវត្តបាយដំរាំ កំពុងទាក់ទាញទេសចរអន្តរជាតិបានយ៉ាងប្រសើរ
-
សន្តិសុខសង្គម២ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត