ព័ត៌មានជាតិ

រដ្ឋមន្ត្រីសង្គមកិច្ច លើកទឹកចិត្តគ្រួសារមានពិការភាព និងជនរងគ្រោះដោយកាយសម្បទា សូមកុំបាក់ទឹកចិត្ត

បានផុស

៣ ខែ មុន

នៅ

ថ្ងៃព្រហស្បតិ៍ ៣១ តុលា ២០២៤

ដោយ

រដ្ឋមន្ត្រីក្រសួងសង្គមកិច្ច និងអតីតយុទ្ធជន និងយុវនីតិសម្បទា លោក ជា សុមេធី លេីកទឹកចិត្តដល់គ្រួសារមានពិការភាព និងជនរងគ្រោះដោយកាយសម្បទា កុំមានការបាក់ទឹកចិត្ត ដោយរាជរដ្ឋាភិបាលកម្ពុជាក្រោមការដឹកនាំរបស់សម្តេចបវរធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា សម្តេចតែងតែគិតគូរពីសុខទុក្ខ និងពីជីវភាពដោយមិនទុកនរណាម្នាក់ចោលឡេីយ ពោលគឺមិនមានការរេីសអេីងប្រកាន់វណ្ណៈតួនាទីអ្វីឡេីយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រី ថ្លែងលើកទឹកចិត្តដូច្នេះ ក្នុងពេលជួបសំណេះសំណាលជាមួយថ្នាក់ដឹកនាំនិងមន្ត្រីរាជការនៃមន្ទីរសង្គមកិច្ច អតីត យុទ្ធជន និងយុវនីតិសម្បទាខេត្តកំពង់ចាម សាខាមូលនិធិជាតិជំនួយសង្គមនិងសាខាមូលនិធិជនពិការខេត្តកំពង់ចាម នាព្រឹកថ្ងៃទី៣១ ខែតុលា ឆ្នាំ២០២៤។

លោក ជា សុមេធី រដ្ឋមន្ត្រីក្រសួងសង្គមកិច្ច អតីត យុទ្ធជន និងយុវនីតិសម្បទា បានកោតសសេីរដល់មន្ត្រីគ្រប់ជាន់ថ្នាក់ រួមទាំងអាជ្ញាធរមូលដ្ឋានបានសហការគ្នា ធ្វេីឲ្យមន្ទីរសង្គមកិច្ចមានការរីកចម្រេីននិងអភិវឌ្ឍន៍ជាបន្តបន្ទាប់។

លោករដ្ឋមន្ត្រី ក៍បានផ្តាំផ្ញេីឲ្យមន្ត្រីរាជការក្នុងមន្ទីរសង្គមកិច្ចត្រូវបន្តសហការគ្នាសាមគ្គីភាពផ្ទៃក្នុងឲ្យល្អ និងខិតខំបំពេញតួនាទីភារកិច្ចរបស់ខ្លួនឲ្យកាន់តែល្អប្រសេីរបន្ថែមទៀត។

បន្ទាប់ពីបញ្ចប់កម្មវិធីជួបសំណេះសំណាលជាមួយថ្នាក់ដឹកនាំនិងមន្ត្រីរាជការនៃមន្ទីរសង្គមកិច្ច អតីត យុទ្ធជន និងយុវនីតិសម្បទាខេត្តកំពង់ចាម សាខាមូលនិធិជាតិជំនួយសង្គមនិងសាខាមូលនិធិជនពិការខេត្តកំពង់ចាម លោករដ្ឋមន្ត្រីក្រសួង ព្រមទាំងគណៈប្រតិភូក្រសួង បានបន្តដំណេីរចុះពិនិត្យមជ្ឈមណ្ឌលស្តារលទ្ធភាពពលកម្ម កាយសម្បទា ខេត្តកំពង់ចាម និងបានសំណេះសំណាយជាមួយបុគ្គលិកមជ្ឈមណ្ឌល។

លោក ជា សុមេធី រដ្ឋមន្ត្រីក្រសួងសង្គមកិច្ច អតីត យុទ្ធជន និងយុវនីតិសម្បទា និងភរិយា បានផ្តល់អំណោយមនុស្សធម៍ជូនដល់គ្រួសារដែលមកពិនិត្យព្យាបាល នៅក្នុងមជ្ឈមណ្ឌលសរុប៤៩នាក់ ដោយក្នុងមួយគ្រួសារទទួលបានអង្ករ២០គីឡូក្រាម,មីមួយកេស, ទឹកត្រីមួយួរ,ត្រីស៉ីអ៉ីវមួយយួរ,ត្រីខមួយយួរ និងថវិកា៥ម៉ុនរៀលផងដែរ៕

អត្ថបទ៖ ឡេក ចាន់ពេជ្រ