ព័ត៌មានជាតិ
ថវិកា ២៧ លានដុល្លារ បានពីពលរដ្ឋបរិច្ចាគ យកទៅស្ថាបនាផ្លូវក្រវាត់ព្រំដែនប្រវែង ២៥០ គីឡូម៉ែត្រនៅខេត្តរតនគិរី និងមណ្ឌលគិរី
មូលនិធិកសាងហេដ្ឋារចនាសម្ព័ន្ធព្រំដែនដែលទទួលបានថវិកាប្រមាណ ២៧ លានដុល្លារ ពីការបរិច្ចាគពីពលរដ្ឋទាំងក្នុងនិងក្រៅប្រទេស នឹងយកទៅប្រើប្រាស់សម្រាប់កសាងផ្លូវក្រវាត់ព្រំដែនប្រវែង ២៥០ គីឡូម៉ែត្រនៅខេត្តមណ្ឌលគិរីនិងរតនគិរី។ នេះបើតាមសន្និសីទដែលធ្វើឡើងនៅទីស្តីការគណៈរដ្ឋមន្រ្តីនៅព្រឹកនេះ។
លោក គីម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងារចំពោះកិច្ចគ្រប់គ្រងមូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែនបានគូសបញ្ជាក់ថា ក្នុងបុព្វហេតុរួមគ្នាកសាងនិងការពារជាតិមាតុភូមិពាក់ពាក់ព័ន្ធដល់គម្រោងអភិវឌ្ឍហេដ្ឋារចនាសម្ព័ន្ធ ផ្តោតលើការកសាងផ្លូវក្រវាត់ព្រំដែនចាប់ពីថ្ងៃទី ២៦ ខែសីហា ដល់ថ្ងៃ ៣១ ខែតុលា មូលនិធិទទួលបានថវិកាសរុបចំនួន ២៧ លានដុល្លារ។
លោកបន្តថា ថវិកាទទួលបាននេះកើតចេញពីទឹកចិត្តស្នេហាជាតិរបស់ពលរដ្ឋគ្រប់ស្រទាប់វណ្ណៈ ដើម្បីចួលរួមចំណែកជាមួយរដ្ឋាភិបាល ក្នុងការអភិវឌ្ឍផ្លូវក្រវាត់ព្រំដែនប្រវែងជាង ២៥០ គីឡូម៉ែត្រ នៅខេត្តមណ្ឌលគិរី និងរតនគរី។
លោក គីម ប៊ុនថាន បានគូសបញ្ជាក់ថា ការស្ថាបនាផ្លូវក្រវាត់ព្រំដែនក្នុងខេត្តភាគឦសាននៅខេត្តរតនគិរី និងមណ្ឌលគិរី បើតាមការសិក្សាគ្រោងប្រើប្រាស់រយៈពេល ៣០ ខែ និងអាចសម្រេចជាស្ថាពរនៅអំឡុងឆ្នាំ ២០២៧។
នៅចំពោះមុខ កងវិស្វកម្មបានចល័តកម្លាំងទៅកាន់គោលដៅរួចរាល់ហើយ ដើម្បីអាចផ្តើមដំណើរការដ្ឋានសាងសង់។ លោក គីម ប៊ុនថាន បញ្ជាក់បន្ថែម។
ពាក់ព័ន្ធការស្ថាបនាផ្លូវក្រវាត់ព្រំដែន ដែលប្រើប្រាស់មូលនិធិថវិកាកសាងហេដ្ឋារចនាសម្ព័ន្ធផ្លូវក្រវាត់ព្រំដែន លោក ខ្វាន់ ស៊ាម អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការបញ្ជាការដ្ឋានកងវិស្វកម្ម និងជាអនុប្រធានអនុវត្តគម្រោងផ្លូវក្រវាត់ព្រំដែនបានគូសបញ្ជាក់ថា តាមការណែនាំរបស់ប្រមុខរដ្ឋាភិបាល ការស្ថាបនាផ្លូវក្រវាត់ព្រំដែន ត្រូវអនុវត្តតាមគោលការណ៍ចំនួន ៣។ ទី ១ ត្រូវប្រើប្រាស់ថវិកាមូលនិធិយកទៅកសាងផ្លូវខ្សែក្រវាត់ព្រំដែន ដែលមានផ្លូវតភ្ជាប់ ផ្លូវខ្សែក្រវាត់ទី ១ ការបោសសម្អាតមីន និងសំណង់សិល្បការ។
គោលការណ៍ទីពីរ ការប្រើប្រាស់ថវិកាមូលនិធិត្រូវមានតម្លាភាព គណនេយ្យភាព សន្សំសំចៃខ្ពស់ មានការទទួលខុសត្រូវ ការសាងសង់សំណង់ត្រូវស្របតាមលក្ខណៈបច្ចេកទេស មានភាពធន់ និងសោភ័ណភាព។
គោលការណ៍ទី ៣ នឹងបើកឲ្យដល់ពលរដ្ឋគ្រប់មជ្ឈដ្ឋានជាពិសេសម្ចាស់មូលនិធិ អាចតាមដានពិនិត្យមើលលទ្ធផលនៅគ្រប់ការដ្ឋានតាមសភាពជាក់ស្តែងដែលអាចទៅរួច។
រដ្ឋាភិបាល បានប្រើប្រាស់មូលនិធិកសាងហេដ្ឋារចនាសម្ព័ន្ធព្រំដែនប្រមាណ ២៧ លានដុល្លារ ដើម្បីស្ថាបនាផ្លូវក្រវាត់ព្រំដែនមានប្រវែងសរុប ២៥០ គីឡូម៉ែត្រ ក្នុងនោះនៅខេត្តមណ្ឌលគិរី មានប្រវែង ១៤៧ គីឡូម៉ែត្រ ដែលរួមមានការកសាងផ្លូវតភ្ជាប់មានចំនួន ៣ ខ្សែ សរុបប្រវែង ៤៩ គីឡូម៉ែត្រ។ ដោយឡែកផ្លូវក្រវាត់ព្រំដែននៅខេត្តរតនគិរី ត្រូវសាងសង់មានប្រវែង ១០២ គីឡូម៉ែត្រ ក្នុងនោះមានសាងសង់ផ្លូវបំបែកចំនួន ២ ខ្សែផងដែរ។
គោលដៅផ្លូវក្រវាត់ព្រំដែនដែលត្រូវសាងសង់នៅក្នុងខេត្តរតនគិរី និងមណ្ឌលគិរី ជួបបញ្ហាប្រឈមនិងការលំបាកច្រើន។ នេះបើតាមមន្រ្តីវិស្វកម្ម។
ដោយសារទីតាំងការដ្ឋានតំបន់ខ្លះជាតំបន់ខ្ពង់រាប មានព្រៃក្រាស់ ជួរភ្នំខ្ពស់ៗ មានអូរ ជ្រោះជ្រលងជ្រៅច្រើន។ ស្ថានភាពភូមិសាស្រ្តទៀតសោត ក៏មានអាកាសធាតុចុះត្រជាក់ខ្លាំងនៅរដូវវស្សា និងហួតហែងខ្វះខាតនៅរដូវប្រាំង ជាតំបន់ប្រឈមមុខខ្ពស់នឹងជំងឺគ្រុនចាញ់ និងសំបូរដោយសត្វកាចសហាវ។
កម្ពុជាមានព្រំដែនជាប់ប្រទេសជិតខាងប្រវែងសរុបជាង ២ ៦១៥ គីឡូម៉ែត្រ។ កន្លងទៅរដ្ឋាភិបាលបានស្ថាបនាផ្លូវក្រវាត់ព្រំដែនបានប្រវែង ៤៨% នៃប្រវែងព្រំដែនសរុបរួម។
លោក ខ្វាន់ ស៊ាម បានបញ្ជាក់ថា ផ្លូវក្រវាត់ព្រំដែនសរុបប្រមាណ ២៥០ គីឡូម៉ែត្រដែលចាប់ផ្តើមស្ថាបនាបន្តនៅខេត្តរតនគិរី និងមណ្ឌលគិរី តាមរយៈការប្រើប្រាស់មូលនិធិកសាងហេដ្ឋារចនាសម្ព័ន្ធព្រំដែន គឺស្មើនឹង ១៨.៤ ភាគរយនៃផ្លូវខ្សែក្រវាត់ព្រំដែនដែលនៅសល់ប្រមាណ ៥១.៩០ ភាគរយ ដែលរដ្ឋាភិបាលគ្រោងសាងសង់ជាដំណាក់កាលជាបន្តបន្ទាប់ ក្នុងរយៈពេល ១០ ឆ្នាំ ពីឆ្នាំ ២០២៤ ដល់ឆ្នាំ ២០៣៤៕
រដ្ឋមន្ត្រីការពារថៃបំភ្លឺជាថ្មីម្តងទៀតថា សម្ដេចធិបតី ហ៊ុន ម៉ាណែត មិនបានថ្លែងសុំទោសថៃជុំវិញបញ្ហាប្រាសាទតាមាន់ធំនោះទេ
ពលរដ្ឋ កម្មករខេត្តកណ្ដាល និងខេត្តតាកែវ ពហិការប្រឆាំងនឹងគម្រោងបាតុកម្មនៅកូរ៉េ ដែលកៀរគរដោយទណ្ឌិត សម រង្ស៊ី
ជនជាតិចិន៥នាក់ ដែលផ្ទុះអាវុធនៅអគាររតនៈសម្បត្តិ ត្រូវតុលាការចោទប្រកាន់ពាក់ព័ន្ធបទល្មើសព្រហ្មទណ្ឌ
Breaking News ៖ សហរដ្ឋអាមេរិកបន្តផ្តល់ជំនួយដោះមីននៅកម្ពុជាឡើងវិញ
ប្រទេសតំបន់អាស៊ាន និងចក្រភពអង់គ្លេសរៀបចំវេទិកា ស្តីពីការអភិវឌ្ឍន៍ក្របខណ្ឌនិរន្តរភាពសេដ្ឋកិច្ចច្នៃប្រឌិត
ជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
នគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
មន្ត្រីអាមេរិក-រុស្ស៊ីទើបចរចាគ្នាចប់ ស្រាប់តែ ពូទីន លើកទ័ពចូលវាយតំបន់ថ្មីនៅអ៊ុយក្រែន
ពូទីន ប្រាប់ ហ្សេលេនស្គី កុំឲ្យតូចចិត្តតូចថ្លើម គ្មាននរណាមិនឲ្យអ៊ុយក្រែនចូលរួមកិច្ចចរចាទេ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា១ សប្តាហ៍ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៥ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ២ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ជីវិតកម្សាន្ដ១ សប្តាហ៍ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៦ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម