ព័ត៌មានជាតិ
លម្អិតបន្ថែមផ្លូវក្រវាត់ព្រំដែនប្រវែង ២៥០ គីឡូម៉ែត្រ ទើបបើកការដ្ឋានសាងសង់ នៅខេត្តរតនគិរី និងមណ្ឌលគីរី
ផ្លូវក្រវាត់ព្រំដែនប្រវែង ២៥០ គីឡូម៉ែត្របានផ្តើមបើកការដ្ឋានសាងសង់នៅខេត្តគោលដៅចំនួនពីរគឺខេត្តរតនគិរីនិងមណ្ឌលគិរី ខណៈគ្រឿងចក្រក៏បានចល័តទៅដល់គោលដៅការដ្ឋានសាងសង់។
ថវិកាមូលនិធិប្រមាណ ២៧ លានដុល្លារ ទទួលបានពីការចូលរួមបរិច្ចាគពីពលរដ្ឋគ្រប់មជ្ឍដ្ឋានទាំងក្នុងស្រុកនិងក្រៅស្រុក ដើម្បីរួមចំណែកជាមួយរាជរដ្ឋាភិបាល ក្នុងកសាងផ្លូវក្រវាត់ព្រំដែនដោយឈរលើបុព្វហេតុរួមគ្នាកសាង និងការពារមាតុភូមិ។ ការប្រើប្រាស់ថវិកាមូលនិធិ សម្រាប់កសាងផ្លូវក្រវាត់ព្រំដែនដែលមានប្រវែងសរុប ២៥០ គ.ម ក្នុងនោះគិតទាំងការងារមួយចំនួន ដែលពាក់ព័ន្ធនឹងការដ្ឋានសាងសង់មានដូចជា៖ ការងារបោសសម្អាតមីន-យុទ្ធភណ្ឌមិនទាន់ផ្ទុះ និងសំណង់សិល្បការ្យផ្សេងៗ។
ដំណើរការកសាងផ្លូវក្រវាត់ព្រំដែនតម្រង់ឆ្ពោះទៅខេត្តគោលដៅចំនួនពីរនៅភាគឦសានគឺខេត្តរតនគិរី និងខេត្តមណ្ឌលគីរី មានប្រវែងសរុប ២៥០ គីឡូម៉ែត្រ ក្នុងនោះក្នុងភូមិសាស្រ្តខេត្តមណ្ឌលគិរី មានប្រវែង ១៤៧,៥២ គ.ម និងខេត្តរតនគិរី ប្រវែង ១០២.៤៨ គ.ម។
លម្អិតបន្ថែមពីបច្ចេកទេសសាងសង់ផ្លូវក្រវាត់ព្រំដែនក្នុងខេត្តមណ្ឌលគិរី និងខេត្តរតនគិរី៖
ខេត្តមណ្ឌលគិរី
>ខ្សែផ្លូវសរុបប្រវែង ១៤៧, ៥២ គ.ម
+ ផ្លូវតភ្ជាប់មានចំនួន ៣ ខ្សែ ប្រវែង ៤៩ គ.ម (ចាប់ពីផ្លូវជាតិលេខ ៧៦-៤ ដល់បង្គោល ៦០/១(១) ប្រវែង ៧ គ.ម, ចាប់ពីផ្លូវជាតិលេខ ៧៦-៤ ដល់ចន្លោះបង្គោល ៥០/១(១) និង ៥០/២(១) ប្រវែង ២៧ គ.ម និងបំបែកពីផ្លូវតភ្ជាប់ដល់បង្គោល ៥៥/៨ ប្រវែង ១៥ គ.ម)
+ផ្លូវខ្សែក្រវាត់ទី១ មាន ២ កំណាត់ ប្រវែង សរុប ៩៨,៥២ គ.ម (ចាប់ពីបង្គោល ៦០/២៦(១) ដល់ ៦០/១(១) ប្រវែង ៤៨.៥២ គ.ម និងចាប់ពីបង្គោល ៥៥/៨ – ៤៩/៥ ប្រវែង ៥០ គ.ម)
>បោសសម្អាតមីនលើផ្ទៃដីសរុប ទំហំ ៣.៦៨៨.០០០ ម២
>មានសំណង់សិល្បការ្យសរុបចំនួន ២៧០ កន្លែង (ស្ពានបេតុងចំនួន ១៣ កន្លែង ស្មើនឹង ៤០២ម. លូប្រអប់ចំនួន ៣១ កន្លែង ស្មើនឹង ២៤៦ម លូមូល ៣ ប្រភេទ ចំនួន ៣៦៩កន្លែង និងផ្លូវបង្ហូរ ១ កន្លែង ស្មើនឹង ៣៦ម.)
ខេត្តរតនគិរី
> មានខ្សែផ្លូវសរុបប្រវែង ១០២,៤៨ គ.ម. (បំបែកផ្លូវខ្សែក្រវាត់ទី២ ស្រុកអណ្តូងមាស ដល់បង្គោលលេខ ១៩ ប្រវែង ៥ គ.ម. និងផ្លូវខ្សែក្រវាត់ទី១ ពីបង្គោលលេខ ១៣/១ ដល់ បង្គោលលេខ ០ ចំណុចប្រសព្វបីប្រទេសស្រុក អណ្តូងមាស និង ស្រុកតាវែង ប្រវែង ៩៧,៤៨ គ.ម.)
> បោសសម្អាតមីន-យុទ្ធភណ្ឌមិនទាន់ផ្ទុះ មានផ្ទៃដីទំហំសរុប ២.៥៦២.០០០ ម២
> មានសំណង់សិល្បការសរុបចំនួន ១៥២ កន្លែង (ស្ពានបេតុង ចំនួន ១០ កន្លែង ស្មើនឹង ១៦៥ ម. លូប្រអប់ ចំនួន ១៦ កន្លែង ស្មើនឹង ១២៣ ម. លូមូល៣ប្រភេទ ចំនួន ១២៥ កន្លែង និងថ្នល់បង្ហៀរ ០១ កន្លែង ស្មើនឹង ៣៦ ម.)
បទដ្ឋាន និងលក្ខណៈបច្ចេកទេសសាងសង់៖
– ឈូសយកចេញឲ្យអស់នូវដីដែលគ្មានគុណភាពទទឹង ២០ម.
– កសាងតួផ្លូវមានទទឹង ៩ម.-១០ម.
– ចាក់ក្រាលល្បាយកម្ទេចថ្មកម្រាស់ ០,២ម. កិនបង្ហាប់រួច
– ចិតជញ្ជាំងភ្នំ បង្ការបាក់ដី-ថ្ម ដើមឈើធ្លាក់
– ជីកប្រឡាយរំដោះទឹក
ស្ថានភាពភូមិសាស្តនៅការដ្ឋានសាងសង់
-ជាតំបន់ខ្ពង់រាប មានព្រៃក្រាស់ ជួរភ្នំខ្ពស់ៗ សុទ្ធសឹងតែជាថ្ម មានអូរ ជ្រោះ ជ្រលង ជ្រៅយ៉ាងច្រើន
-មានអាកាសធាតុចុះត្រជាក់ខ្លាំងនៅរដូវរងារ និងហួតហែងខ្វះខាតទឹកនៅរដូវប្រាំង
-ជាតំបន់ដែលប្រឈមខ្ពស់នឹងជំងឺគ្រុនចាញ់ សំបូរទៅដោយសត្វកាចសាហាវ និងអាសិរពិសជាច្រើន
-ជាតំបន់សង្គ្រាមច្រើនទសវត្សរ៍ បានបន្សល់គ្រាប់យុទ្ធភណ្ឌមិនទាន់ផ្ទុះ នៅរាយប៉ាយ
-ជាតំបន់ឆ្ងាយដាច់ស្រយាល ខ្វះផ្លូវគមនាគមន៍សម្រាប់បម្រើការងារដឹកជញ្ជូន។
បញ្ហាប្រឈម
-គ្រាប់យុទ្ធភណ្ឌមិនទាន់ផ្ទុះដែលនៅសេសសល់
-កសាងផ្លូវថ្មីទាំងស្រុង អាចប្រឈមនឹងការបើកផ្លូវមិនចំគោលដៅ
-គម្លាតនៃបម្រែបម្រួលអាកាសធាតុ កង្វះខាតទឹកយ៉ាងខ្លាំងនៅក្នុងរដូវប្រាំង
ការសាងសង់គ្រោងប្រើរយៈពេលប្រមាណ ៣០ខែ និងគ្រោងរួចរាល់នៅអំឡុងឆ្នាំ២០២៧៕
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល