ព័ត៌មានជាតិ
ការប្រណាំងទូកខ្នាតតូច នៅស្រុកកោះញែក ទាក់ទាញអ្នកទស្សនាយ៉ាងច្រើនកុះករ
ភ្ញៀវទេសចរយ៉ាងច្រើនកុះករ បានមកទស្សនាការប្រណាំងទូកង ខ្នាតតូច ជាលក្ខណៈប្រពៃណី នៅឃុំស្រែហ៊ុយ ស្រុកកោះញែក ខេត្តមណ្ឌលគិរី ជាមួយភាពសប្បាយរីករាយក្រៃលែង។
![](https://www.kampucheathmey.com/wp-content/uploads/2024/11/photo_2024-11-03_08-10-50-1024x544.jpg)
កាលពីថ្ងៃទី ០២ ខែវិច្ឆិកា ឆ្នាំ ២០២៤ ម្សិលមិញនេះ ពិធីប្រណាំងទូកង ខ្នាតតូច ជាលក្ខណៈប្រពៃណី នៅស្រុកកោះញែក ត្រូវបានបញ្ចប់។ ក្នុងនោះ ទូកទទួលបានជ័យលាភីលេខ ០១ គឺ ឈ្មោះ សេះសឦសាន ជាទូករបស់អភិបាលស្រុកថ្មីនេះ និងជាទូកដំបូងមិនមានប្រវត្តិធ្លាប់ចូលរួមប្រកួតនោះទេ។ ចំពោះទូកជ័យលាភីលេខ ០១ ទទួលបានប្រាក់រង្វាន់ចំនួន ៨០ ម៉ឺនរៀល ពីរដ្ឋបាលស្រុក ដែលប្រាក់ទាំងនោះបានពីការឧបត្ថម្ភរបស់សប្បុរសជននានា។
ក្រុមទូកទទួលបានជ័យលាភីលេខ ០១ មានចំណុះទូកតែ ១៨ នាក់ ប៉ុណ្ណោះ តែពួកគាត់មានក្តីសង្ឃឹមថា នឹងអាចទៅចូលរួមប្រកួតនៅរាជធានីភ្នំពេញ នាពេលខាងមុខនេះ ទោះលក្ខខណ្ឌចូលរួមប្រកួតនោះ ចាប់ពី ២២ នាក់ ឡើងទៅទើបអាចចូលរួមប្រកួតបានក៏ដោយ។ ពួកគាត់រំពឹងយ៉ាងមុតមាំថា បើសិនជាអាច ឆ្នាំក្រោយ នឹងបង្កើតទូកចំណុះ ២២ នាក់ ដើម្បីអាចចូលរួមប្រកួតនៅរាជធានីភ្នំពេញបាន ដើម្បីលើកកម្ពស់មុខមាត់ខេត្តមណ្ឌលគិរី ដែលជាខេត្តស្ថិតនៅភូមិភាគឦសាន ប្រទេសកម្ពុជា។
![](https://www.kampucheathmey.com/wp-content/uploads/2024/11/photo_2024-11-03_08-10-48-658x1024.jpg)
លោក សី ទូច អភិបាលស្រុកកោះញែក បានមានប្រសាសន៍ថា ពិធីបុណ្យអុំទូក គឺជាពិធីបុណ្យកេរដំណែលពីដូនតា។ ពិធីនេះ ប្រារព្ធមិនអាចខ្វះបាននារដូវរំហើយចូលមកដល់ ហើយរដ្ឋបាលស្រុក ក៏មានឱកាសរៀបចំពិធីប្រណាំងទូកបែបប្រពៃណីនេះបានដែរ ដើម្បីបង្កភាពសប្បាយរីករាយជូនប្រជាពលរដ្ឋ និងភ្ញៀវទេសចរជាតិ-អន្តរជាតិ មកទស្សនាកម្សាន្ត ជាពិសេសក្រោមម្លប់ នៃសន្តិភាព។
លោកអភិបាលស្រុកកោះញែក បន្តថា លោកពិតជាមានមោទនភាពខ្លាំងណាស់ដែលខេត្តមណ្ឌលគិរី អាចរៀបចំពិធីប្រណាំងទូកងខ្នាតតូចនេះឡើង ដើម្បីអបអរសាទរព្រះរាជពិធីបុណ្យអុំទូក សំពះព្រះខែ និងអកអំបុក នាឧកាសខាងមុខ។
![](https://www.kampucheathmey.com/wp-content/uploads/2024/11/67.jpg)
លោកអភិបាលស្រុកកោះញែក បានថ្លែងអំណរគុណយ៉ាងជ្រាលជ្រៅចំពោះក្រុមកីឡាករដែលមានឆន្ទៈមោះមុតក្នុងការចូលរួមប្រកួតប្រជែង ទោះបីទូកមួយចំនួន ត្រូវបានលេចពេលកំពុងប្រកួតនោះ ដោយមិនទទួលបានជយលាភី លោកក៏សូមកោតសរសើរពីទឹកចិត្តដ៏ក្លាហានដែលបានប្រឹងប្រែងព្យាយាមប្រកួតរហូតដល់ទីបញ្ចប់។
ប្រជាពលរដ្ឋជាភ្ញៀវទេសចរទស្សនាការប្រណាំងទូកង ខ្នាតតូច នេះ បានបង្ហាញនូវភាពសប្បាយរីករាយក្រៃលែង ដែលបានឃើញភ្ញៀវទេសចរផ្សេងៗ ទៀត មកទស្សនាយ៉ាងច្រើនកុះករ ហើយចង់ឃើញអាជ្ញាធរស្រុក រៀបចំកម្មវិធីនេះឡើងជារៀងរាល់ឆ្នាំផងដែរ៕
អត្ថបទ ៖ រៀម សុខហេង
![](https://www.kampucheathmey.com/wp-content/uploads/2024/11/photo_2024-11-03_08-10-40-678x1024.jpg)
![](https://www.kampucheathmey.com/wp-content/uploads/2024/11/87-585x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-10-51-652x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-10-58-579x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-10-56-586x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-11-04-655x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-11-02-650x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-11-03-659x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-10-59-473x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-11-00-473x1024.jpg)
![](https://www.kampucheathmey.com/wp-content/uploads/2024/11/photo_2024-11-03_08-11-01-473x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?