ព័ត៌មានជាតិ

លោក ឈាង រ៉ា ចុះពិនិត្យការងារផ្នែកសង្គ្រោះកម្រិតធ្ងន់ (ICU) នៅមន្ទីរពេទ្យជាតិ

បានផុស

២ ខែ មុន

នៅ

ថ្ងៃអាទិត្យ ៣ វិច្ឆិកា ២០២៤

ដោយ

កាលពីយប់ថ្ងៃទី ២ ខែវិច្ឆិកា ឆ្នាំ ២០២៤ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានចុះពិនិត្យការងារនៅផ្នែកសង្គ្រោះកម្រិតធ្ងន់ (ICU) នាមន្ទីរពេទ្យជាតិ ដើម្បីត្រួតពិនិត្យជាក់ស្ដែងលើការអនុវត្ត និងភាពខ្ជាប់ខ្ជួនក្នុងការបំពេញការងារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះត្រួតពិនិត្យ ICU នេះ ដើម្បីជាការលើកទឹកចិត្តដល់មន្ត្រីសុខាភិបាល បុគ្គលិក វេជ្ជបណ្ឌិតគ្រូពេទ្យ ឱ្យខិតខំបំពេញការងារក្នុងការជួយសង្គ្រោះដល់អ្នកជំងឺកាន់តែប្រសើរឡើងផងដែរ។

នៅក្នុងឱកាសចុះត្រួតពិនិត្យនេះដែរ លោករដ្ឋមន្ត្រី បានសួរសុខទុក្ខក្រុមគ្រួសារអ្នកជំងឺ និងគាំទ្រចំពោះកិច្ចសហការគ្នាក្នុងដំណើរការព្យាបាល ព្រមទាំងឆ្លុះបញ្ចាំងជាមួយការសួរបញ្ជាក់ព័ត៌មានត្រឡប់ពីគ្រួសារអ្នកជំងឺអំពីគុណភាពសេវា ការចុះត្រួតពិនិត្យនេះក៏ផ្តោតទៅលើការស្វែងរក និងកែលម្អបន្ថែមនូវបញ្ហាផ្សេងៗ សំដៅលើកកម្ពស់សេវាឱ្យបានប្រសើរឡើងថែមទៀត។

ជាមួយគ្នានេះដែរ លោករដ្ឋមន្ត្រី បានថ្លែងអំណរអរគុណចំពោះថ្នាក់ដឹកនាំមន្ទីរពេទ្យ និងបុគ្គលិក ក្រុមគ្រូពេទ្យទាំងអស់ ដែលបានខិតខំប្រឹងប្រែងព្យាបាលជំងឺ និងជួយសង្គ្រោះអ្នកជំងឺបានទាន់ពេលវេលា និងបានណែនាំឱ្យបន្តខិតខំបន្តទៀត ដើម្បីបម្រើសេវាជូនប្រជាពលរដ្ឋឱ្យកាន់តែល្អប្រសើរថែមទៀត៕

អត្ថបទ ៖ សំអឿន