ព័ត៌មានជាតិ
១០ ខែ ឆ្នាំនេះ ខ្យល់កន្ត្រាក់ បង្កឲ្យមនុស្សស្លាប់-របួស ៤៥ នាក់ ប៉ះពាល់ផ្ទះជាង ៥ ពាន់ខ្នង ថយចុះជាងឆ្នាំមុន
រយៈពេល ១០ ខែ ឆ្នាំ ២០២៤ នេះ ខ្យល់កន្ត្រាក់ បានកើតឡើងជិត ៣០០ លើក បណ្ដាលឲ្យមនុស្សស្លាប់ និងរបួសជិត ៤៥ នាក់ ផ្ទះសម្បែងជាង ៥ ពាន់ខ្នង និងហេដ្ឋារចនាសម្ព័ន្ធមួយចំនួនទៀតមានការថយចុះ បើធៀបទៅនឹង ១០ ខែ ឆ្នាំមុន ដែលមានអ្នកស្លាប់ និងរបួសជិត ២០០ នាក់ ប៉ះពាល់ផ្ទះសម្បែងជិត ១ ម៉ឺន ៥ ពាន់ខ្នង។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៥ វិច្ឆិកា នេះថា រយៈពេល ១០ ខែ ឆ្នាំ ២០២៤ នេះ ខ្យល់កន្ត្រាក់កើតឡើងចំនួន ២៨៥ លើក បណ្ដាលឲ្យរលំផ្ទះចំនួន ៥៤២ ខ្នង របើកដំបូលផ្ទះ ៤ ៨៧៦ ខ្នង របើកដំបូលសាលារៀន ៥១ ខ្នង តូបផ្សារ ៣៩ តូប អគាររដ្ឋបាល ២៣ កន្លែង ស្លាប់មនុស្ស ៧ នាក់ និងរបួស ៣៨ នាក់។
លោកបានបន្តថា ក្នុងចំណោមអ្នកស្លាប់ ៧ នាក់ ដោយសារខ្យល់កន្ត្រាក់ ក្នុងនោះរួមមាន ខេត្តកំពង់ឆ្នាំង ២ នាក់ ខេត្តពោធិ៍សាត់ បាត់ដំបង សៀមរាប ព្រះវិហារ និងខេត្តរតនគីរីស្លាប់ ១ នាក់ៗ។
លោក សុទ្ធ គឹមកុលមុនី បានបន្តទៀតថា តួលេខនេះបើធៀបទៅនឹងរយៈពេល ១០ ខែ ដូចគ្នា ឆ្នាំ ២០២៣ កន្លងទៅ ឃើញថា មានការកើនឡើងគួរឲ្យកត់សម្គាល់ ដោយ ១០ ខែ ឆ្នាំមុន ខ្យល់កន្ត្រាក់កើតឡើងចំនួន ២៧៩ លើក បណ្ដាលឲ្យរលំផ្ទះចំនួន ២ ០០២ ខ្នង របើកដំបូលផ្ទះ ១២ ៧៥២ ខ្នង របើកដំបូលសាលារៀន ៩២ ខ្នង តូបផ្សារ ១៧៨ តូប អគាររដ្ឋបាល ៣៩ កន្លែង ស្លាប់មនុស្ស ៩ នាក់ និងរបួស ១៧០ នាក់។
យោងតាមការប្រកាសរបស់ក្រសួងធនធានទឹក និងឧតុនិយម នៅព្រឹកថ្ងៃទី ៥ ខែវិច្ឆិកា នេះ បានឲ្យដឹងថា ចាប់ពីថ្ងៃទី ៥ ដល់ថ្ងៃទី ៧ ខែវិច្ឆិកា ឆ្នាំ ២០២៤ កម្ពុជា នឹងភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ គ្របដណ្ដប់លើផ្ទៃដី ៥០% នៅតំបន់វាលទំនាប ៣០% នៅតំបន់ខ្ពង់រាប និង ១៥% នៅតំបន់មាត់សមុទ្រ ដោយសារកម្ពុជារងសម្ពាធព្យុះទី ២២ ឈ្មោះ ឃីនស៊ីង (Yinxing)៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ