ព័ត៌មានជាតិ
១០ ខែ ឆ្នាំនេះ រន្ទះបាញ់កើតឡើងជិត ១២០ លើក ស្លាប់-របួសមនុស្សជាង ១០០ នាក់
រយៈពេល ១០ ខែ ឆ្នាំ ២០២៤ នេះ គ្រោះរន្ទះបាញ់បានកើតឡើងជិត ១២០ លើក បណ្ដាលឲ្យមនុស្សស្លាប់ និងរងរបួសជាង ១០០ នាក់ ក្នុងនោះ ខេត្តសៀមរាបមានអ្នកស្លាប់ច្រើនជាងគេរហូតដល់ ១២ នាក់។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៦ វិច្ឆិកា នេះថា ចាប់ពីខែមករារហូតដល់ខែតុលា ឆ្នាំនេះ គ្រោះរន្ទះបាញ់បានកើតឡើងចំនួន ១១៩ លើក នៅខេត្តចំនួន ២៣ លើកលែងរាជធានីភ្នំពេញ កែប និងព្រះវិហារ បណ្ដាលឲ្យខូចខាតផ្ទះសម្បែងចំនួន ៣០ ខ្នង ស្លាប់មនុស្ស ៦០ នាក់ របួស ៤៨ នាក់ និងងាប់គោក្របី ២៩ ក្បាល។
លោកបានបន្តថា ក្នុងចំណោមអ្នកស្លាប់ដោយសាររន្ទះបាញ់ ៦០ នាក់ ក្នុងនោះខេត្តសៀមរាបមានអ្នកស្លាប់ច្រើនជាងគេរហូតដល់ទៅ ១២ នាក់ បន្ទាប់នៅខេត្តបាត់ដំបងស្លាប់ ៧ នាក់ ព្រៃវែង ៤ នាក់ ត្បូងឃ្មុំ ៤ នាក់ បន្ទាយមានជ័យ ៥ នាក់ ឧត្តរមានជ័យ ៤ នាក់ កោះកុង ៣ នាក់ ព្រះសីហនុ ៣ នាក់ ក្រចេះ ៤ នាក់ តាកែវ ២ នាក់ កំពង់ចាម ២ នាក់ ប៉ៃលិន ២ នាក់ កំពត ២ នាក់ កំពង់ស្ពឺ ២ នាក់ ស្វាយរៀង ១ នាក់ មណ្ឌលគីរី ១ នាក់ កំពង់ធំ ១ នាក់ និងខេត្តពោធិ៍សាត់ ១ នាក់។
លោកបានបន្តទៀតថា តួលេខនេះបើធៀបទៅនឹងរយៈពេល ១០ ខែ ឆ្នាំ ២០២៣ ឃើញថា មានការថយចុះ ខណៈ ១០ ខែ ឆ្នាំមុន គ្រោះរន្ទះបាញ់បានកើតឡើងចំនួន ១៣៣ លើក បណ្តាលឲ្យខូចខាតផ្ទះសម្បែងចំនួន ១៥ ខ្នង ស្លាប់មនុស្ស ៧៥ នាក់ របួស ៥៨ នាក់ និងងាប់គោក្របី ៩៧ ក្បាល។
ក្នុងចំណោមអ្នកស្លាប់ ៧៥ នាក់ ខេត្តបាត់ដំបងមានស្លាប់ ៩ នាក់ កំពង់ធំស្លាប់ ៩ នាក់ ក្រចេះ ស្លាប់ ៨ នាក់ សៀមរាប ស្លាប់ ៦ នាក់ ស្វាយរៀងស្លាប់ ៤ នាក់ រាជធានីភ្នំពេញស្លាប់ ១ នាក់ កណ្តាលស្លាប់ ៣ នាក់ តាកែវស្លាប់ ៣ កំពង់ឆ្នាំងស្លាប់ ៦ នាក់ ពោធិ៍សាត់ស្លាប់ ៤ នាក់ បន្ទាយមានជ័យស្លាប់ ៤ នាក់ ឧត្តរមានជ័យស្លាប់ ២ នាក់ ព្រះវិហារស្លាប់ ២ នាក់ ព្រៃវែងស្លាប់ ៥ នាក់ រតនគីរីស្លាប់ ៣ នាក់ និងខេត្តស្ទឹងត្រែងស្លាប់ ៣ នាក់។
លោកបានបញ្ជាក់ថា ដោយឡែករយៈពេល ១០ ខែ ឆ្នាំ ២០២៤ នេះដែរ ខ្យល់កន្ត្រាក់កើតឡើងចំនួន ២៨៥ លើក បណ្ដាលឲ្យរលំផ្ទះចំនួន ៥៤២ ខ្នង របើកដំបូលផ្ទះ ៤ ៨៧៦ ខ្នង របើកដំបូលសាលារៀន ៥១ ខ្នង តូបផ្សារ ៣៩ តូបអគាររដ្ឋបាល ២៣ កន្លែង ស្លាប់មនុស្ស ៧ នាក់ និងរបួស ៣៨ នាក់៕
អត្ថបទ ៖ សំអឿន
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ