ព័ត៌មានជាតិ

អាជ្ញាធរខណ្ឌដង្កោ ស្ថាបនាផ្លូវបេតុងឆ្អឹងដែកមួយខ្សែ ក្នុងភូមិតាឡី រួចរាល់ហើយ

បានផុស

៣ ខែ មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

ផ្លូវលំមួយខ្សែ ដែលរងការខូចខាតពិបាកដល់ប្រជាពលរដ្ឋធ្វើដំណើរ ពេលនេះត្រូវបានអាជ្ញាធរខណ្ឌដង្កោ ស្ថាបនាប្រែក្លាយជាផ្លូវបេតុងឆ្អឹងដែករួចរាល់ហើយ ដើម្បីដាក់ឱ្យអ្នកដំណើរធ្វើដំណើរ និងប្រកបរបរផ្សេងៗ។ ផ្លូវនេះ ស្ថិតនៅភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខណ្ឌដង្កោ បានឱ្យដឹងថា ផ្លូវខាងលើនេះកន្លងមក ជាផ្លូវលំ ហើយមានការទ្រុឌទ្រោមពិបាកដល់ប្រជាពលរដ្ឋធ្វើដំណើរ ក៏ដូចជាប្រកបរបរផ្សេងៗ។ ក្នុងនោះ ដោយមានការយកចិត្តទុកដាក់ពីអាជ្ញាធរ លោកស្រីអភិបាល នៃគណៈអភិបាលខណ្ឌដង្កោ ក៏បានបញ្ជាមន្ត្រីជំនាញចុះពិនិត្យជាក់ស្ដែង និងស្ថាបនាប្រែក្លាយជាផ្លូវបេតុងឆ្អឹងដែកតែម្ដង ដើម្បីងាយស្រួលដល់ប្រជាពលរដ្ឋធ្វើដំណើរ។

អាជ្ញាធរបានបន្តទៀតថា ផ្លូវខាងលើមានប្រវែងបណ្ដោយ ៥៣០ ម៉ែត្រ ទទឹង ៦ ម៉ែត្រ ដោយប្រើប្រាស់ថវិកាគម្រោងមូលនិធិអភិវឌ្ឍន៍របស់រដ្ឋបាលសាលាខណ្ឌដង្កោ៕

អត្ថបទ ៖ សុខា