ព័ត៌មានជាតិ
ទឹកជ្រោះប៊ូស្រា ប្ដូរមុខមាត់ថ្មីកាន់តែស្រស់ស្អាត ទាក់ទាញភ្ញៀវទេសចរកាន់តែច្រើន
និយាយពីខេត្តមណ្ឌលគីរី គ្រប់គ្នាប្រាកដនឹកដល់ទឹកជ្រោះប៊ូស្រា ដែលជាតំបន់ទេសចរណ៍ធម្មជាតិដ៏ល្បីប្រចាំខេត្តនៅភូមិភាគឦសាននៃប្រទេសកម្ពុជាមួយនេះ។ ដោយសារតែភាពល្បីល្បាញនេះហើយ ធ្វើឲ្យរមណីយដ្ឋាននេះ ត្រូវបានកែលម្អមុខមាត់ជាបន្តបន្ទាប់ ដើម្បីទាក់ចិត្តទេសចរកាន់តែច្រើនថែមទៀត។

លោកស្រី សេង សុជាតិតា នាយិកាក្រុមហ៊ុនមណ្ឌល ខេ រីស៊ត (Mondul K Resort) ដែលកំពុងអភិវឌ្ឍន៍រមណីយដ្ឋានទឹកជ្រោះប៊ូស្រា បានបញ្ជាក់ប្រាប់កម្ពុជាថ្មីថា ក្រុមហ៊ុនបានរៀបចំកែលម្អ ដោយរៀបចំជាវេទិកាសម្ដែងរបាំជនជាតិដើមភាគតិច រៀបចំបង្កាន់ដៃដាក់តាមស្ពាន ដើម្បីបង្កើនសម្រស់ ក៏ដូចជាផ្ដល់សុវត្ថិភាពដល់ភ្ញៀវ។ មិនត្រឹមប៉ុណ្ណោះ ក្រុមហ៊ុនក៏បាន រៀបចំទីតាំងនានា ដើម្បីឲ្យភ្ញៀវកាន់តែមានជម្រើស ក្នុងការថតរូបអនុស្សាវរីយ៍ផងដែរ។
យោងតាមតួលេខពីក្រុមហ៊ុនមណ្ឌល ខេ រីស៊ត បានបង្ហាញថា ក្នុងរយៈពេល ១០ខែ ឆ្នាំ២០២៤ (មករា ដល់ តុលា) រមណីយដ្ឋានទឹកជ្រោះប៊ូស្រា ទទួលភ្ញៀវទេសចរ ចំនួន ១០៨ ៧៦៩នាក់ កើនឡើងជិត ៣០ភាគរយ បើធៀបរយៈពេលដូចគ្នា កាលពីឆ្នាំ ២០២៣។ ក្នុងចំណោមនោះ ក៏មានភ្ញៀវទេសចរបរទេស ៤៦៤៣នាក់ ផងដែរ (កើនឡើងជាង ២៦%)។

គួរបញ្ជាក់ផងដែរថា ក្រៅពីរៀបចំតុបតែង កែលម្អ បង្កើនសោភ័ណភាព នាយិកាក្រុមហ៊ុនមណ្ឌល ខេ រីស៊ត ក៏បានសម្រេចបើកទទួលប្រជាពលរដ្ឋចូលទស្សនាដោយឥតគិតថ្លៃសំបុត្រ រៀងរាល់ចុងសប្តាហ៍ រហូតដល់ខែធ្នូ ឆ្នាំ២០២៤ ដើម្បីចូលរួមគាំទ្រប្រសាសន៍សម្តេចធិបតីនាយករដ្ឋមន្រ្ដី ហ៊ុន ម៉ាណែត ដែលរៀបចំដំណើរកម្សាន្តជូនប្រជាពលរដ្ឋទៅកាន់ខេត្តទាំង៤ នៅភាគឦសាន និងចូលរួមផ្សព្វផ្សាយអំពីសក្កានុពលតំបន់ទេសចរណ៍ និងធម្មជាតិ៕
អត្ថបទ៖ រៀម សុខហេង











-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ